Lua tosi o Sau 12:13 - Tosi Tapu

¹³ Kae na leaise fai loa ni pesini, mo ni sele, mo ni ipu, mo ni fakatagi pupusi pe ko ni nea aulo pe paaga ki le paaga leia na aumai ki le fale o le Eteleno :

Lua tosi o Sau 12:13 ပူးပေါင်းရင်းမြစ်များ

Lua tosi o Sau 12:14

Na soli le paaga lena kia latou ala na fai ia a gaoi, o tupu ke lotou fakaaoga a ia ki le fakafoou o le fale o le Eteleno.

Lua tosi o Koloniko 24:14

I le oki o le gaoi, na lotou ave loa ki le sau mo Seosata le toe o le paaga ; ti na fai loa ki ai ni ipu ki le fale o le Eteleno : ni nea ki le tausi mo failaulau, io, ni ipu mo ni pesini aulo mo siliva. Ti na momoli tuumau loa, i le mauli katoa o Seosata, ni failaulau i le fale o le Eteleno.

Esetalasi 3:7

Na soli loa se paaga ki le kau tafatu, mo le kau fai papa, ti na toe soli foki mo ni magiti, mo ni nea inu, ti mo se lolo, ki le kau Sitone mo le kau Tile, o tupu ke lotou aumai i le tai o kaku mai ki Safo ni sete mei Lipane, o mulimuli ki le fakataga leia na tuku kia latou e Silusi, sau o Pelesi.

Ekesote 25:38

E ke fai loa ki le aulo mea ona koti vavai mo ona tanakiaga mugalafu.

Numelo 10:2

Fai kiate koe ni fakatagi pupusi siliva e lua ; e ke fai loa laua ki se siliva leia kua tuki ki le amale. E fakaaoga loa laua ki le fakatasii o le kakai ti mo le fakasa o le mavae o le nofolaga.