Lua tosi o Sau 11:18 - Tosi Tapu

¹⁸ Na ulu loa le kakai katoa ki le fale o Paale, ti na lotou maumaui loa a ia ; na lotou maumaui katoa ona aletale mo ona fakatata, ti na lotou tamate i mua o aletale a Matane, le pelepitelo a Paale. Na tuku loa e le tagata faisakilifisio ko Seosata ni tagata leo ki le fale o le Eteleno.

Lua tosi o Sau 11:18 ပူးပေါင်းရင်းမြစ်များ

Uluaki tosi o Sau 18:40

Na pati loa Elia kia latou : Kotou too le kau polofeta a Paale, ke aua na sola loa se tasi ia latou ! Ti na tapo loa latou e le kakai. Ti na fakaifo loa latou e Elia ki le liua o Kisoni, ti na tamate loa e ia latou i ai.

Lua tosi o Sau 10:21

Na kakau loa e Seu ni tagata avelogo ke ano i Iselaele katoa ; ti na katoa ake loa tagata fakasausau fuli a Paale, o leaise puli fua se fa toka tasi ; na lotou ulu loa ki le fale o Paale, ti na apele loa le fale o Paale mei leia potu ki leia potu.

Lua tosi o Sau 10:25

I le oki o le momoli o failaulau, na pati loa a Seu ki le kau polisi mo le kau ofisa : Kotou ulu, o tamate latou, ti ke aua na fakamauli fua se fa toka tasi. Ti na lotou taai loa latou ki le mata o le seleta. Na laku loa latou i ai e le kau polisi mo le kau ofisa, ti na lotou ulu loa ki le potu tapu o le fale o Paale.

Lua tosi o Sau 10:26

Na lotou toso loa ki fafo a fakatata o le fale o Paale, o tutu i ai.

Lua tosi o Sau 10:27

Na lotou maumaui loa le fakatata o Paale, ti na lotou toe maumaui foki mo le fale o Paale, ti na lotou fakaliliu loa a ia ko se fale vao o kaku mai ki le aso nei.

Lua tosi o Sau 18:4

Na fakapuli loa e ia a ganea taualuga, ti na maumaui loa e ia a fakatata, ti na sele loa e ia ki lalo a pou tapu, ti na momoi loa e ia le gata sila leia na fai e Moisese, o tupu na tutu e fanau o Iselaele ni nea fakamanogi i ona mua o kaku mai ki le aso lena.

Lua tosi o Sau 23:10

Na fakakelekele loa e le sau a Tofete i le vaivailiua o vosa o Inome, o tupu ke aua na toe momoli e se tasi lona vosa pe ko lona taine i le afi kia Moloke.

Lua tosi o Sau 23:14

Ti na fatifatii loa e ia a fakatata ti na maumaui loa e ia mo taulaatua, ti na fakaapele loa e ia ki ivii tagata a tuuaga o fakatata ana.

Lua tosi o Sau 23:20

Na tutu loa e ia i aluga o aletale a kau pelepitelo fuli o ganea taualuga, ala na nonofo i ai, ti na tutu loa e ia a ivii tagata i ai. Ti na toe liliu loa Sosiasi ki Selusalemi.

Lua tosi o Koloniko 21:17

Na lotou pale loa ke taui a Suta, ti na lotou ulu loa ki le fenua, ti na lotou too loa a koloa fuli ala na tuku i le fale o le sau, ti na lotou ave loa ona vosa mo ana avaga, o toe fai kiate ia a Soakase, lona vosa mulimuli.

Lua tosi o Koloniko 34:4

Na solosoloi loa ki lalo i ona mua a aletale o Paale, ti na ta loa e ia ki lalo a fakatata na fakatapui ki le laa ala na tutuu i aluga o aletale ; na fatifatii loa e ia a taulaatua, mo fakatata togi mo fakatata ukamea na saka ti na laliki loa e ia latou ke efu, ti na laku loa e ia le efu ki tanuma o latou ala na momoli ia ni sakilifisio kia latou ;

Lua tosi o Koloniko 34:7

na maumaui e ia a aletale, na fatifatii e ia a taulaatua mo fakatata, o laliki latou ke efu, na maumaui e ia a fakatata fuli ala na fakatapui ki le laa, i le fenua katoa o Iselaele. Ti na toe liliu loa a ia ki Selusalemi.

Ekesote 32:20

Ti na too loa e Moisese le uviki pipi leia na lotou fai, o ti a ia ki le afi ; ti na fakaliliu loa e ia a ia ke mugalafu ; ti na laku loa e ia le mugalafu lena ki le vai, ti na fakainu loa e ia le vai lena ki fanau a Iselaele.

Esaia 2:18

E pupuli loa a taulaatua fuli.

Tetelonome 12:2

Ke kotou maumaui loa a ganea tapu fuli ala e tausi ai ki olatou atua a puleaga ala ka kotou kapu loa, i tumutumu o mauga lalasi mo mauga liliki, mo lalo o laakau sesega fuli.

Tetelonome 12:3

Ke kotou soloi loa olatou aletale, ti ke kotou fatifatii loa olatou pou tapu, ti ke kotou tutu loa olatou vao tapu, ti ke kotou maumaui loa a fakatata o olatou atua, ti ke kotou fakapuli loa i ganea ana a nea fuli ala e fakamanatu ai olatou atua.

Tetelonome 13:10

ke ke tuki fatui loa a ia ke mate, talie na faiga a ia ke ke mavae mei le Eteleno, lou Atua, leia na fakamavae ia a koe mei le fenua o Esipito, mei le fale o le popula.

Tetelonome 13:5

Ke tautea loa ki le mate le polofeta lena pe ko le tagata fai kikite lena, talie na masau a ia ke fakafesagai ki le Eteleno, lokoutou Atua, leia na fakamavae ia a koe mei le fenua o Esipito, ti na saofaki ia koutou mei le fale o le popula, ti na loto a ia ke fakamaliu a koe mei le ala leia na fakatotonu e le Eteleno, lou Atua, ke ke saele ai. E ke too loa i ai le veli mei loto malie o lou kakai.

Tetelonome 13:6

Kapau e fakasekeseke fakafufu loa kiate koe lou taina, le vosa o lou tinana, pe ko lou vosa, pe ko lou taine, pe ko lau avaga totonu, pe ko lou soa leia e ke alofa ki ai ofaipe koe totonu, o pati atu : Ke ta ano o tausi ki ni iki atua kese ! ko ni atua ala e leaise ke iloa ti na leaise iloa foki e ou tamana ;

Tetelonome 13:9

Kae ke ke tamate loa a ia : e uluaki siki loa lou lima, o tamate a ia, ti o siki loa le lima o le kakai katoa ;