Lua tosi o Sau 11:14 - Tosi Tapu

¹⁴ Na tio loa Atalia. Ti ko leinei, kua tuu le sau i le ganea leia e nofo masani ai le sau ; ti kua tutuu a pule mo le kau pupusi fakatagi o ofi ki le sau : ti kua fakafiafia le kakai katoa o le fenua, ti kua pupusi a fakatagi pupusi. Na sae loa e Atalia ona teu, o kalaga : Ko le kaka ! Ko le kaka !

Lua tosi o Sau 11:14 ပူးပေါင်းရင်းမြစ်များ

Senesi 37:29

Na toe liliu loa Lupeni ki le sosoni ; ti ko leinei, kua puli Sosefo i le sosoni. Ti na sae loa e ia ona kofu.

Senesi 44:13

Na lotou sae loa olatou kofu, ti na lotou toe teki loa alatou kavega ki asino, o toe liliu loa ki le kolo.

Uluaki tosi o Sau 1:25

Talie kua ifo mai a ia i le aso nei, ti kua tamate e ia ni pipi, mo ni uviki pipi pepeti, ti mo ni ovi mauke ai ; ti kua fakaafe e ia a vosa fuli o le sau, mo pule o le solia, ti mo le tagata faisakilifisio ko Apiatale. Ti ko leinei, kua lotou kai mo inu i ona mua, ti kua lotou pati : Ke mauli le sau ko Atonisa !

Lua tosi o Sau 11:15

Ti na tuku loa e le tagata faisakilifisio ko Seosata le fakatotonu leinei ki pule o tino lelau, ala na taki ia le solia : Kotou ave a ia ki fafo, ti kotou tamate ki le seleta leia e muli loa iate ia. Talie na pati le tagata faisakilifisio : Ke aua na tamate a ia i loto o le fale o le Eteleno !

Lua tosi o Sau 23:3

Na tuu le sau i le ganea taualuga, ti na fai loa e ia se sai i mua o le Eteleno, ke mulimuli i le Eteleno, ke tausi ki ana fakatotonu mo ana pelesepeto mo ana lao i lona loto katoa mo lona laumalie katoa, ke fai a folafola fuli o le sai lena, ala kua tosi i le tosi lena. Ti na fakamaoki loa le kakai katoa ki le sai.

Lua tosi o Sau 9:13

Ti na lotou tasi too loa lona kofu i le temi fai lena, o teki ki aluga o takakega ke tonatona ai a Seu ; ti na lotou pupusi loa le fakatagi pupusi, o pati : Kua sau a Seu !

Lua tosi o Sau 9:23

Ti na fakamaliu loa ki muli e Solame lana saliote, o sola, ti na pati loa a ia kia Akasia : Tokaga Akasia, ko le kaka !

Uluaki tosi o Koloniko 12:40

Ti ko latou foki ala na nonofo o ofi mai kia latou o kaku ki le fenua o Isakale, mo Sapulone, ti mo Nefetali, na aumai ia loa ni nea kai i ni asino, i ni kamelo, i ni osi, i ni pipi, ni nea kai na teuteui ki le falina, mo ni paapaa fuai fiki malo, mo ni paapaa fuai vite malo, mo se vino, mo se lolo, mo ni pipi, ti mo ni ovi mauke ai, talie na lasi ai le fiafia i Iselaele.

Lua tosi o Koloniko 34:31

Na tuu loa le sau i lona tuuaga ti na fai loa e ia se sai i mua o le Eteleno, o fakapapau a ia ke mulimuli i le Eteleno ti mo tausi ana fakatotonu, mo ana pelesepeto, mo ana lao, i lona loto katoa mo lona laumalie katoa, o tupu ke fai ai a folafola o le sai, ala e tuu i le tosi.

Taagapati 29:2

Ka tupu o toka api le kau agatonu, e fiafia le kakai ; Kae ka pule se tagata agaveli, e lauga le kakai.

Luka 19:37

Ti kua ofi fua a ia ki Selusalemi, i le fakamaifo leia e au mei le mauga o Oliveto, na kamata fakafiafia loa mo fakavikiviki le kau tisipulo fuli ki le Atua o leo lasi, o tupu ko milakulo fuli ala kua lotou tio ki ai.