Lua tosi o Sau 11:12 - Tosi Tapu

¹² Ti na aumai loa ki fafo e le tagata faisakilifisio ko Soasi le vosa o le sau, ti na teki loa e ia ki lona fa ulu le pala fakasau, ti na tuku loa e ia kiate ia le tosi o le lao. Na lotou pani loa a ia ki le lolo ke fakanofo a ia ke sau, ti na lotou pasipasi loa, o kalaga : Ke mauli le sau !

Lua tosi o Sau 11:12 ပူးပေါင်းရင်းမြစ်များ

Lua tosi a Samuele 1:10

Na kau fakafeofi loa kiate ia, o tamate a ia talie na kau iloa e leaise toe mauli loa a ia i lona lava. Na kau too loa le pala fakasau leia na piki i lona fa ulu, mo le matemate leia na piki i lona lima, ti na kau aumai loa laua ki leinei ki loku aliki.

Lua tosi a Samuele 12:30

Na too loa e ia le pala fakasau mei le fa ulu o le sau, ko lona mamafa na fakalaka i le kau tolu kilo aulo ti na teuteui a ia ki ni fatu mauiga. Na teki loa le pala ki le fa ulu o Tavite, leia na ave ia loa i le kolo se koloa lasi ai.

Lua tosi a Samuele 16:16

I le kaku a Usai, le tagata Aleki, kaukau nea o Tavite, kia Apesalone, na pati loa a ia kiate ia : Ke mauli le sau ! Ke mauli le sau !

Lua tosi a Samuele 2:4

Na au loa a kau tagata o Suta, o fakanofo Tavite ke sau ki le fale o Suta i Epelone. Na fakasa loa kia Tavite ko le kakai o Sapesi i Kalaate leia na tanu ia Saulo.

Lua tosi a Samuele 2:7

Ke fakamakeke loa okoutou lima, ti ke kotou loto toa ; kua mate lokoutou pule ko Saulo, ti ko au leia kua fakanofo foki e le fale o Suta ke sau kia latou.

Lua tosi a Samuele 5:3

Koia na au loa le kau matua fuli o Iselaele kia Tavite i Epelone, ti na fai loa e le sau ko Tavite se sai mo latou i mua o le Eteleno. Na lotou pani lolo loa Tavite ko le sau o Iselaele.

Uluaki tosi o Sau 1:25

Talie kua ifo mai a ia i le aso nei, ti kua tamate e ia ni pipi, mo ni uviki pipi pepeti, ti mo ni ovi mauke ai ; ti kua fakaafe e ia a vosa fuli o le sau, mo pule o le solia, ti mo le tagata faisakilifisio ko Apiatale. Ti ko leinei, kua lotou kai mo inu i ona mua, ti kua lotou pati : Ke mauli le sau ko Atonisa !

Uluaki tosi o Sau 1:34

I ai, e fakanofo loa a ia e le tagata faisakilifisio ko Satoke mo le polofeta ko Natane ko le sau o Iselaele. E kotou pupusi loa le fakatagi pupusi, ti e kotou kalaga loa : Ke mauli le sau ko Salomone !

Uluaki tosi o Sau 1:39

Na too loa e le tagata faisakilifisio ko Satoke le talai manu lolo i le falela, ti na fakatapui loa e ia Salomone. Na pupusi loa le fakatagi pupusi, ti na pati loa le kakai katoa : Ke mauli le sau ko Salomone !

Uluaki tosi o Sau 2:44

Ti na pati loa le sau kia Simei : E ke iloa malie i lou loto le veli fuli leia na ke fai kia Tavite, loku tamana ; e fakavilo e le Eteleno lau agaveli ki lou fa ulu.

Lua tosi o Sau 11:11

Na tutuu loa le kau polisi, o tasi mo ia lana masafu kua too i lona lima, ti na lotou takatakai loa le sau, mei le tuliki atamai o kaku ki le tuliki sema o le fale tapu, o ofi ki le aletale mo le fale tapu.

Lua tosi o Sau 11:2

Kae na too loa e Sosepa, taine o le sau ko Solame, tuagaane o Akasia, a Soasi, vosa o Akasia, o fufu mei vosa o le sau, i le temi leia na tamate ai latou : Na tuku loa e Sosepa a Soasi mo lona fafine taupau ki le kogafale leia na tanaki ai a palepale. Na saofaki loa i ai a Soasi mei lima o Atalia, o leaise mate a ia.

Lua tosi o Sau 11:4

I le fitu o fetuu na kakau loa e Seosata ke afa mai a pule solia o le kau Keleti mo le kau polisi, ti na tanaki loa e ia latou ki ona tafa i le fale o le Eteleno. Na fai loa e ia se sai mo latou ke lotou fakapapau ake kiate ia i le fale o le Eteleno, ti na fakasa loa e ia kia latou le vosa o le sau.

Lua tosi o Sau 9:13

Ti na lotou tasi too loa lona kofu i le temi fai lena, o teki ki aluga o takakega ke tonatona ai a Seu ; ti na lotou pupusi loa le fakatagi pupusi, o pati : Kua sau a Seu !

Lua tosi o Sau 9:3

E ke too loa le fagu lolo, o liligi a ia ki lona fa ulu, o ke pati loa : Ko leinei le folafola a le Eteleno : E kau pani lolo a koe ke ke sau ki Iselaele ! Ti e ke fakamavaa loa le matapa, ti ke sola loa, o leaise ke toe tuu.

Lua tosi o Koloniko 23:11

Na fakasaele mai loa le vosa o le sau, ti na teki loa ki lona fa ulu le pala fakasau ti na fakatoo loa kiate ia le tosi o le sai, ti na fakanofo loa a ia ko le sau. Ti na pani loa e Seosata mo ona vosa le sau ki le lolo, o pati : Ke mauli le sau !

Esitele 2:17

Na mamana lasi loa le sau kia Esitele o lasi ake i la ake fafine fuli, ti na maua loa e ia le kalasia mo le alofa i mua o le sau o lasi ake i la ake taineliki fuli. Na teki loa e ia le pala fakasau ki le ulu o Esitele, ti na fakanofo loa e ia Esitele ko le fafine sau o fetogi Vaseti.

Esitele 6:8

E tonu ke too le kofu fakasau leia e tui e le sau mo le osi leia e eke ai le sau ti e teki i lona ulu se pala fakasau,

Pesalemo 132:18

E kau fakakofu loa ki le luma ona fili, Kae gigila loa lona pala i lona lae.

Pesalemo 21:3

Na ke soli kiate ia le nea leia na oli ki ai lona loto, Ti na leaise ke fakafiti le kole o ona laugutu. - Manava.

Pesalemo 21:4

Talie na ke tokoi kiate ia i tapuakina o lou kalasia, Ti na ke teki ki lona ulu se pala aulo mea.

Pesalemo 47:1

Ki le pule o le kau sua. O vosa o Kole. Pesalemo.

Pesalemo 78:5

Na fakatuu e ia se fakamaoki ia Sakopo, Na tuku e ia se lao i Iselaele, Ti na fakatotonu e ia ki omatou tamana ke ako a ia ki alatou fanau,

Pesalemo 89:39

Kae logo ai, na ke tiaki, na ke tekei kese ! Na ke ita ki lou filifiliia !

Pesalemo 98:8

Ke pasipasi a lima o vaitafe, Ke fai e atu mauga ni kalaga fakafiafia,

Ekesote 25:16

E ke tuku loa ki loto o le aleka le fakamaoki leia e kau soli atu loa kiate koe.

Ekesote 31:18

I le oki o le masau a le Eteleno kia Moisese i le mauga o Sinai, na soli loa e ia kia Moisese a fatu e lua o le fakamaoki, ala na tosi e le lima o le Atua.

Esaia 55:12

Io, e kotou mavae loa i le fiafia, Ti e takitaki loa koutou i le tokamalie ; E fakamapaa loa e mauga lalasi mo mauga liliki ni sua fakafiafia i okoutou mua, Ti e pasipasi loa a lima o laakau fuli o le vao.

Esaia 8:16

Kofukofu le fakamaoki leinei, Fakamaumau le levelasio leinei iate koe, ke gato i aku tisipulo.

Esaia 8:20

Afa ki le Lao mo le fakamaoki ! Kapau e leaise masau felaaki, Ti e leai loa se mafoata ki le kakai.

Tagi laulau a Selemia 4:20

Ko leia na fakalogo ki ai lamatou tukumanava, le filifiliia a le Eteleno, Na vilo ki olatou popoko, A ia leia na motou pati ki ai, E motou mauli loa i lona malu i atu puleaga.

Taniela 3:9

Na lotou pati loa ki le sau ko Nepukatenesale : Ei sau, mauli o lee gato !

Taniela 6:21

Ti na pati loa Taniela ki le sau : ei sau, ke ke mauli o lee gato !

Mateo 21:9

Ko latou ala na ano i mua ti mo latou na muli ia Sesu na kalaga : Osana ki le Vosa o Tavite ! Tapusa leia e saele mai i le suafa o le Aliki ! Osana i ganea taualuga ai !

Mateo 27:29

Ti na lotou fili loa se pala talatala, o teki ki lona ulu, ti na lotou fakatoo loa ki lona lima atamai se fa u ; ti oki, na lotou tutuli loa i ona mua, ti na lotou nukinuki loa kiate ia, o pati : Malo, sau o le kau Sutea !

Gaoi 4:27

Talie e maoki na fakatasi Elote, mo Posio Pilato i le kolo leinei, mo atu puleaga, ti mo kakai o Iselaele, o agatuu ki lau tagata fakasausau maokioki ko Sesu, leia na ke fakanofo,

Lua tosi ki le kau Kolinto 1:21

Ti ko leia e fakatuumakeke ia maua o fakatasi mo kotou ia Kilisito, ti na pani lolo ia tatou, ko le Atua,

Epelo 1:9

Kua ke alofa ki le faitotonu, ti kua ke vesia ki le agasala ; Koia, ei Atua, ko lou Atua na pani ia a koe Ki se lolo o le fiafia o lasi ake i ou kaukaunea.

Epelo 2:9

Kae ko leia na tuku i se ga temi ikiiki ki lalo o le kau aselo, Sesu, e tou tio kua fakapala a ia ki le kololia mo le fakamauiga, o tupu ko le mate leia na mamae ai ; talie ko le kalasia lena o le Atua ke mamae a ia ki le mate o tupu ko tagata fuli.

Apokalipisi 19:12

Na fai ona mata pe se ula o se afi ; ti na teki i lona ulu ni pala mauke ; ti na maua e ia se igoa kua tosi, kae na leaise iloa a ia e se tasi, gato fai kiate ia totonu ;

Uluaki tosi a Samuele 10:1

Na too loa e Samuele le fagu lolo, o liligi ki le ulu o Saulo, mo sogi kiate ia, o pati : Pe na leaise pani lolo a koe e le Eteleno, ke ke nofo ko le pule o lona tofiga ?

Uluaki tosi a Samuele 10:24

Na pati loa Samuele ki le kakai katoa : Pe kua kotou tio ki leia kua filifili e le Atua ? E leaise tasi i le kakai katoa e tatau mo ia. Ti na kalaga loa le kakai katoa : Ke mauli le sau !

Uluaki tosi a Samuele 16:13

Na too loa e Samuele le talai manu, ti na liligi loa e ia le lolo ki le ulu o Tavite, ti na fakatapui loa e ia a ia i mua o ona fetaina. Na ifo loa le Laumalie o le Eteleno kia Tavite, talu mei le aso lena o sosolo mai ai. Na tuu ake loa Samuele, o toe liliu ki Lama.