Lua tosi o Sau 10:11 - Tosi Tapu

¹¹ Ti na tamate loa e Seu latou fuli ala na toe i le famili o Akapo i Siseleele, lana kau lalasi fuli, mo ona kaiga, ti mo ana minisi, ti na leaise sao fua se fa toka tasi.

Lua tosi o Sau 10:11 ပူးပေါင်းရင်းမြစ်များ

Uluaki tosi o Sau 14:10

Ko le tupuaga a ia o laku aumai le malaia ki le fale o Selopoamo ; e kau tamate loa latou fuli ala e kau kia Selopoamo, leia e popula mo leia e lauateaia i Iselaele, ti e kau seu loa le fale o Selopoamo ofaipe le seu o ni penu, o kaku ki lona puli oki.

Uluaki tosi o Sau 15:29

I lona temi sau, na tamate loa e Paesa le fale katoa o Selopoamo, ti na leaise fakamauli fua e ia se tasi, kae na maumaui loa e ia a nea fuli na tukumanava, o mulimuli ki le folafola leia na fakasa e le Eteleno i le gutu o lana tagata fakasausau ko Akisa i Silo,

Uluaki tosi o Sau 16:11

I le temi na sau ai loa a ia ti na ekeeke ai loa a ia ki lona ekeekeaga fakasau, na tamate loa e ia le fale katoa o Paesa, o leaise toe fakasao fua e ia se tasi i le fale o Paesa, tatau fai i ona kaiga mo ona kaukau nea.

Uluaki tosi o Sau 18:19

Ko leinei, fakatotonu ke fakatasi Iselaele katoa ki oku mua, i le mauga o Kalemelo, ti mo le kau polofeta a Paale ko tino lelau e fa mo le tino lima, ti mo le kau polofeta a Asetalate ko tino lelau e fa, ala e kakai i le laupapa o Sesapele.

Uluaki tosi o Sau 18:40

Na pati loa Elia kia latou : Kotou too le kau polofeta a Paale, ke aua na sola loa se tasi ia latou ! Ti na tapo loa latou e le kakai. Ti na fakaifo loa latou e Elia ki le liua o Kisoni, ti na tamate loa e ia latou i ai.

Uluaki tosi o Sau 21:22

ti e kau fakaliliu loa lou fale o tatau mo le fale o Selopoamo, vosa o Nepate, ti mo le fale o Paesa, vosa o Akisa, talie na ke fakatupu loku sausau ti na ke fakaagasalai Iselaele.

Uluaki tosi o Sau 21:29

Pe kua ke tio ki le fakataulalo a Akapo i oku mua ? Talie kua fakataulalo a ia i oku mua, e leaise kau tuku loa le malaia i le temi o lona mauli, kae kau fakavilo loa a ia ki lona fale i le lolotoga o le mauli o lona vosa.

Uluaki tosi o Sau 22:6

Na tanaki loa e le sau o Iselaele le kau polofeta, ko tino lelau e fa, ti na pati loa a ia kia latou : Pe kau ano loa o taui Lamoti i Kalaate, pe tonu ke kau fakafiti ki ai ? Ti na lotou tali loa : Pale, talie e tuku loa a ia e le Aliki ki lima o le sau.

Lua tosi o Sau 10:12

I le oki o le nea lena, na tuu loa a Seu, o ano ki Samalia. I lana kaku loa ki se fale fono a ni tagata tausi manu, i le ala,

Lua tosi o Sau 23:20

Na tutu loa e ia i aluga o aletale a kau pelepitelo fuli o ganea taualuga, ala na nonofo i ai, ti na tutu loa e ia a ivii tagata i ai. Ti na toe liliu loa Sosiasi ki Selusalemi.

Lua tosi o Sau 9:7

E ke tamate loa le fale o Akapo, lou pule, ti e kau totogi loa kia Sesapele le toto o aku tagata fakasausau, le kau polofeta, ti mo le toto o tagata fakasausau fuli a le Eteleno.

Lua tosi o Sau 9:9

ti e kau fakaliliu loa le fale o Akapo o tatau mo le fale o Selopoamo, vosa o Nepate, ti mo le fale o Paesa, vosa o Akisa.

Lua tosi o Koloniko 22:7

Ko le finegalo lena o le Atua ke ifo Akasia o fakatele kia Solame, talie ke mate ai. I le kaku loa a Akasia ki Siseleele, na ano loa a ia mo Solame o fakafetaulaki kia Seu, vosa o Nimesi, leia na fakanofo e le Eteleno ko le sau o tupu ke tamate le fale o Akapo ke puli.

Lua tosi o Koloniko 22:8

I le lolotoga fai e Seu le fakamaaui a le Atua ki le fale o Akapo, na maua loa e ia a pule o Suta mo vosa o fetaina o Akasia, ala na tausi kia Akasia, ti na tamate loa e ia latou.

Sopo 18:19

E leaise maua loa e ia se vosa pe ko se makopuna i lona kakai, Ti e leaise toe mauli loa se tasi i lona famili katoa.

Pesalemo 109:13

Ke tuuti lona sakoga, Ti ke puli lolatou igoa i tautupu ka au !

Pesalemo 125:5

Kae ko latou ala e saele i ala pikopiko, Ke maumaui latou e le Eteleno o fakatasi mo latou ala e fai ia le veli ! Ke nofo le tokamalie i Iselaele !

Taagapati 13:20

Ko leia e nofo tuumau mo le kau poto e liliu loa o poto, Kae ko leia e fiafia i le nofo mo le kau vale e liliu loa o veli.

Oseo 1:4

Ti na pati loa le Eteleno kiate ia : Fakaigoa a ia ko Siseleele ; talie koi toe fai se ga temi ikiiki, ti e kau tautea loa le fale o Seu, o tupu ko le toto leia na liligi i Siseleele, ti e kau fakagato loa le puleaga o le fale o Iselaele.

Sosue 10:30

Na toe tuku loa e le Eteleno a Lipina mo lona sau ki lima o fanau a Iselaele. Ti na lotou taai a ia ki le mata o le seleta ti mo le kakai fuli na nofo i ai. Na leaise lotou tuku ke sao se fa toka tasi, ti na lotou fai loa ki lona sau le nea leia na lotou fai ki le sau o Seliko.

Sosue 11:8

Na tuku loa latou e le Eteleno ki lima o Iselaele ; na lotou tamate loa latou ti na lotou tuli loa latou o kaku ki le kolo lasi ko Sitone, mo Misilefoti-Maimi, ti mo le vaivailiua o Misipa i le esite ; Na lotou tamate loa latou, o leaise sao loa se fa toka tasi.

Sosue 15:56

mo Siseleele, mo Soketeame, mo Sanoake ;

Apokalipisi 19:20

Ti na fakapilisoni loa le manu fekai, mo le polofeta loi, leia na fai ia i mua o le manu a nea fakaofolele ala na sese ai latou ala na maua ia le fakamailoga o le manu fekai ti na su ki lona fakatata. Ti na ti mauli loa laua toka lua ki le moana kaka o le afi mo le sulifa.

Apokalipisi 20:10

Ti ko le Tiapolo, leia na kakai ia latou, na ti loa ki le tai afi mo sulifa, ki le ganea leia e nofo ai le manu fekai mo le polofeta loi. Ti e lotou mamae loa i ai, i le ao mo le po, i sekulo mo sekulo.