Lua tosi o Sau 10:1 - Tosi Tapu

¹ Na nonofo i Samalia a vosa e tino fitu o Akapo. Na fai loa e Seu ni tosi o ave ki Samalia ki pule o Siseleele, ki le kau matua mo kovana o fanau a Akapo. Na pati i tosi ana :

Lua tosi o Sau 10:1 ပူးပေါင်းရင်းမြစ်များ

Uluaki tosi o Sau 13:32

Talie e soko maoki loa le folafola leia na fakasa e le tagata a le Atua mei le folafola a le Eteleno, ki le aletale o Petele ti mo potu taualuga fuli ala e tuu i kolo o Samalia.

Uluaki tosi o Sau 16:24

na totogi loa e ia kia Semele le mauga o Samalia ki fa piesi paaga e ono afe ; ti na fakatuu loa e ia se kolo i le mauga, ti na fakaigoa loa e ia a ia ko Samalia, ofaipe le igoa ko Semele, aliki o le mauga.

Uluaki tosi o Sau 16:28

Na mate loa Omeli ti na tanu loa a ia mo ona tamana i Samalia. Ti na sau loa Akapo, lona vosa, o fetogi a ia.

Uluaki tosi o Sau 21:29

Pe kua ke tio ki le fakataulalo a Akapo i oku mua ? Talie kua fakataulalo a ia i oku mua, e leaise kau tuku loa le malaia i le temi o lona mauli, kae kau fakavilo loa a ia ki lona fale i le lolotoga o le mauli o lona vosa.

Lua tosi o Sau 5:3

Na pati loa le ga taine ki lona fafine pule : Oi, kanapau na nofo loa loku aliki i tafa o le polofeta leia e nofo i Samalia, kua fakamauli loa a ia e le polofeta i lona kilia !

Lua tosi o Koloniko 22:9

Na afa loa e ia Akasia, ti na tapo loa a ia i Samalia, leia na mumuni ai. Na aumai loa a ia kia Seu, ti na tamate loa a ia. Ti na lotou tanu loa a ia, talie na lotou pati : Ko le vosa o Sosafate, leia na afa ia le Eteleno i lona loto katoa. Ti na leaise toe loa se fa toka tasi i le fale o Akasia ke feala ke sau.

Oseo 1:4

Ti na pati loa le Eteleno kiate ia : Fakaigoa a ia ko Siseleele ; talie koi toe fai se ga temi ikiiki, ti e kau tautea loa le fale o Seu, o tupu ko le toto leia na liligi i Siseleele, ti e kau fakagato loa le puleaga o le fale o Iselaele.

Numelo 11:12

Pe ko au leia na fakatupu ia le kakai fuli leinei ? Pe ko au leia na fanaui ia a ia, ke ke pati mai ai kiate au : luluku a ia i lou fatafata, ofaipe se fafine leia e puaki ia se toe, ti ke ave a ia ke kaku ki le fenua leia na ke fakapapau ki ona tamana ke soli kiate ia ?

Tetelonome 16:18

I kolo fuli ala e soli atu loa kiate koe e le Eteleno, lou Atua, e ke fakanofo loa ni tui fakamaau mo ni ofisa ke fakamaau ia le kakai i le faitotonu.

Sosue 15:56

mo Siseleele, mo Soketeame, mo Sanoake ;

Tuifakamaau 10:4

Na maua loa e ia ni vosa e tino tolu, ala na eke i ni asino e kau tolu ti na maua ia ni kolo e kau tolu, ala na fakaigoa ko kolo o Saili o kaku mai ki le aso nei, ti na tuu i le fenua o Kalaate.

Tuifakamaau 12:14

Na maua loa e ia ni vosa e tino fa mo ni makopuna e kau tolu, ala na eke loa i ni asino e kau fitu. Na tui fakamaau a ia i Iselaele i le lolotoga o fetuu e valu ;

Tuifakamaau 8:30

Na tupu loa kia Seteone ni vosa e tino fitu, talie na mauke loa ona avaga.