Lua tosi o Sau 1:3 - Tosi Tapu

³ Kae na pati loa le aselo o le Eteleno kia Elia, tagata Tisipe : Tuu ki aluga, ti ke ano o fakafetaulaki ki tagata avelogo a le sau o Samalia, ti ke pati kia latou : Pe leaise Atua i Iselaele, leia e kotou ano ai o afa kia Paale-Sepu, atua o Ekeloni ?

Lua tosi o Sau 1:3 ပူးပေါင်းရင်းမြစ်များ

Uluaki tosi o Sau 11:33

Ti e soko loa le nea lena, talie kua lotou aga o tiaki au, kae kua lotou su loa i mua o Asetalate, atua o le kau Sitone, mo mua o Kemosi, atua o Moape, ti mo mua o Milekome, atua o vosa o Amone ; talie na leaise lotou saele i oku ala, ke fai le nea leia e totonu ki oku mata mo taupau aku lao mo aku fakatotonu, ofaipe le fai e Tavite, tamana o Salomone.

Uluaki tosi o Sau 17:1

Ko Elia, le tagata Tisipe, ko se tasi i le kakai o Kalaate, na pati loa kia Akapo : E mauli le Eteleno, le Atua o Iselaele, leia e kau tausi ki ai ! E leaise toe to loa se ua pe ko se sasau i fetuu anei, kae e gato tasi loa i laku pati.

Uluaki tosi o Sau 18:1

Na sili loa ni aso mauke ai, ti na tuku loa le folafola a le Eteleno kia Elia, i le tolu o fetuu : Ano, ti ke tuu i mua o Akapo, ti e kau fakato loa se ua ki le kele.

Uluaki tosi o Sau 18:36

I le temi leia na momoli ai loa le failaulau, na tuu loa Elia, le polofeta, i mua, o pati : Eteleno, le Atua o Apalaamo, mo Isaake, mo Iselaele ! ke iloa i le aso nei ko koe e Atua i Iselaele, ti ko au ko lau tagata fakasausau, ti na kau fai a nea fuli anei o mulimuli ki lau folafola !

Uluaki tosi o Sau 19:5

Na moe loa a ia ki lalo o moe mate i lalo o le senete. Ti ko leinei, na fafa loa se aselo kiate ia, o pati : Tuu ki aluga, o kai.

Uluaki tosi o Sau 19:7

Na toe au loa le aselo o le Eteleno ko lona tua lua a ia, o toe fafa kiate ia, o pati : Tuu ki aluga, o kai, talie e loa lasi ai le ala kiate koe.

Uluaki tosi o Sau 21:17

Na tuku loa le folafola a le Eteleno kia Elia, le tagata mei Tisipe, o pati :

Lua tosi o Sau 1:2

Ti na vilo loa Akasia mei le katupa o lona kogafale fata i Samalia, o masaki. Na kakau loa e ia ni tagata avelogo, o pati kia latou : Kotou ano o afa kia Paale Sepu, atua o Ekeloni, pe kau mauli loa mei le masaki leinei.

Lua tosi o Sau 1:6

Na lotou tali loa ki le sau : Na pale mai se tagata o fakafelavei mai kia matou, ti na pati mai a ia kia matou : Kotou ano, kotou toe liliu ki le sau leia na kakau mai ia koutou, ti kotou pati kiate ia : Ko leinei le folafola a le Eteleno : Pe leaise Atua i Iselaele leia e ke kakau ai ke ano o afa kia Paale-Sepu ? Koia e leaise ke ifo ai loa mei le palepale lena e ke moe ai, talie e ke mate loa.

Lua tosi o Sau 1:8

Na lotou tali loa kiate ia, ko se tagata na teu ki ni fului manu ti na toi lona vakavaka ki se kilipipi. Ti na pati loa Akasia : Ko Elia, le tagata Tisipe.

Lua tosi o Sau 5:15

Na toe liliu loa Naamane ki le tagata a le Atua mo ana tagata fakasausau. I lana kaku atu, na ano loa a ia ki mua o Eliseo, o pati : Ko leinei, e kau fakamaoki e leaise tasi ake Atua i le Atua o Iselaele i le malama nei katoa. Ti ko leinei e kau kole atu kiate koe, ke ke tali se nea alofa mei le lima o lau tagata fakasausau.

Lua tosi o Sau 5:8

I le logo loa a Eliseo, tagata a le Atua, na sae e le sau ona kofu, na kakau loa e ia ke pati ki le sau : Kolea na ke aga ai o sae ou kofu ? Tuku le tagata lena ke au kiate au, ti e iloa loa e ia e i ai se polofeta i Iselaele.

Pesalemo 76:1

Ki le pule o le kau sua. I ni nea faimusika va. Pesalemo a Asafe. Katiko.

Esaia 8:19

Kapau e pati atu kia koutou : Kotou afa kia latou ala e felogoi mo le kau mate ti mo latou ala e kikite ia le apogipogi, Ala e fai ia ni mapu mo ni mumusu. Kotou tali : Pe leaise totonu koia ke afa e le kakai ki lona Atua ? Pe totonu koia ke afa ki le kau mate kae tiaki leia e mauli ?

Sonasi 2:8

I le temi leia na gaegae ai loku laumalie iate au, Na kau manatui a koe, Eteleno, Ti na kaku laku kole kiate koe, I lou faletapu maokioki.

Maleko 3:22

Ti na pati loa le kau sekelipa ala na ifo mei Selusalemi : E iate ia Pelesepu ; ti e kapu e ia le kau temonio i le makeke o le pule o le kau temonio.

Gaoi 8:26

Na masau loa se aselo o le Aliki kia Filipo, o pati : Tuu ki aluga, ti ke ano ki le potu saute, ki le ala leia e ifo mei Selusalemi ki Kasa, leia e toafa.

Uluaki tosi a Samuele 17:46

I le aso nei, e tuku loa a koe e le Eteleno ki oku lima, e kau tamate loa a koe ti e kau tuuti ia loa lou ua ; i le aso nei e kau soli loa a mate o le solia a le kau Filisitini ki manu lele o le lagi mo manu o le kele. Ti e iloa loa e le malama nei katoa e i ai le Atua o Iselaele.