Lua tosi o Sau 1:16 - Tosi Tapu

¹⁶ Na pati loa Elia ki le sau : Ko leinei le folafola a le Eteleno : Talie na ke kakau ni tagata avelogo kia Paale-Sepu, atua o Ekeloni, o sakinake na leaise maua i Iselaele se Atua leia e mafai ke afa ki ai, e leaise ke ifo loa mei le palepale leia e ke moe ai, talie e ke mate loa.

Lua tosi o Sau 1:16 ပူးပေါင်းရင်းမြစ်များ

Uluaki tosi o Sau 22:28

Ti na tali loa Mikea : Kapau e ke toe liliu mai i le tokamalie, ti na leaise masau le Eteleno iate au. Na toe pati loa a ia : Ke kotou logo fuli, koutou ko kakai !

Lua tosi o Sau 1:6

Na lotou tali loa ki le sau : Na pale mai se tagata o fakafelavei mai kia matou, ti na pati mai a ia kia matou : Kotou ano, kotou toe liliu ki le sau leia na kakau mai ia koutou, ti kotou pati kiate ia : Ko leinei le folafola a le Eteleno : Pe leaise Atua i Iselaele leia e ke kakau ai ke ano o afa kia Paale-Sepu ? Koia e leaise ke ifo ai loa mei le palepale lena e ke moe ai, talie e ke mate loa.

Lua tosi o Sau 20:1

I le temi lena, na masaki loa Esekiasi o teiteiki ke mate. Na au loa le polofeta ko Esaia, vosa o Amote, ki ona tafa, o pati kiate ia : Ko leinei le folafola a le Eteleno : Ke tuku au fakatotonu ki lou fale talie ka ke mate loa, e leaise ke toe mauli loa mei lou masaki.

Lua tosi o Sau 5:21

Ti na makape loa Keasi i muli o Naamane. I le tio mai a Naamane ki lana makape ake i ona muli, na ifo loa a ia mei lana saliote, o ano o fakafetaulaki kiate ia, o pati : Pe malie fai ?

Lua tosi o Sau 8:10

Na tali loa Eliseo kiate ia : Ano, o pati kiate ia : E ke mauli loa mei lou masaki ! Kae kua fakasa mai e le Eteleno kiate au, e mate loa a ia.

Lua tosi o Sau 8:8

Na pati loa le sau kia Asaele : Too se nea alofa, o ano mo koe ki mua o le tagata a le Atua ; kole kiate ia le finegalo o le Eteleno, o pati : Pe kau mauli loa mei loku masaki ?

Pesalemo 132:3

E leaise kau ulu loa ki le falela leia e kau nofo ai, E leaise kau sopo loa ki le palepale leia e kau malolo ai,

Taagapati 11:19

Ko le faitotonu e taki ia ki le mauli, Kae ko leia e muli i le veli e maua ia le mate.

Esekiele 14:4

Koia ke ke masau kia latou, ti ke pati kia latou : E folafola le Aliki, le Eteleno, o pati : Ko tagata fuli o le fale o Iselaele e amo ia ona taulaatua i lona loto, ti e pipiki ona mata ki le nea leia na fakavilo ia a ia ki lana agaveli, - kapau e au a ia o masau ki le polofeta, - ko au, le Eteleno, e kau tali loa kiate ia, logo ai le lasi o ona taulaatua,