Lua tosi o Sau 1:12 - Tosi Tapu

¹² Na tali loa Elia kia latou : Kapau ko se tagata au a le Atua, ti ke vilo le afi mei lagi o tutu a koe mo lau kau tagata e tino lima ! Ti na ifo loa le afi a le Atua mei lagi o tutu a ia mo lana kau tagata e tino lima.

Lua tosi o Sau 1:12 ပူးပေါင်းရင်းမြစ်များ

Uluaki tosi o Sau 18:38

Ti na vilo loa le afi a le Eteleno o tutu le failaulau, mo le fafie, mo fatu, ti mo le kele, ti na malo loa le vai leia na tafe i le kanivo.

Lua tosi o Sau 1:11

Na toe kakau loa e Akasia kia Elia se tasi ake a pule solia mo lana kau tagata e tino lima. Na pati loa le pule lena kia Elia : Tagata a le Atua, kua pati mai le sau : Ke ke ifo fakatavili mai !

Lua tosi o Sau 1:13

Na toe kakau loa e Akasia se tasi ake a pule mo lana kau tagata e tino lima. Na pale loa le tolu pule lena kia Elia ; kae i lana kaku loa kia Elia, na peluki loa e ia ona tuli i mua o Elia, ti na kolekole loa a ia, o pati : Tagata a le Atua, e kau kolekole atu ke mauiga kiate koe loku mauli mo le mauli o tagata anei e tino lima, ko au tagata fakasausau !

Sopo 1:16

Koi lolotoga masau a ia, kae kaku mai se tasi ake tagata avelogo, o pati : Kua vilo le afi a le Atua mei lagi, o tutu a ovi mo tagata tausi ovi, o mamate fuli. Ti na kau sao, au toka tasi, o aumai le logo kiate koe.

Levitiko 10:2

Ti na mavae loa se afi mei mua o le Eteleno, o tutu laua : ti na la mamate loa i mua o le Eteleno.