Lua tosi o Sau 1:11 - Tosi Tapu

¹¹ Na toe kakau loa e Akasia kia Elia se tasi ake a pule solia mo lana kau tagata e tino lima. Na pati loa le pule lena kia Elia : Tagata a le Atua, kua pati mai le sau : Ke ke ifo fakatavili mai !

Lua tosi o Sau 1:11 ပူးပေါင်းရင်းမြစ်များ

Lua tosi o Sau 1:10

Na pati loa Elia ki le pule o le tino lima : Kapau ko se tagata au a le Atua, ti ke vilo le afi mei lagi, o tutu a koe mo lau kau tagata e tino lima ! Ti na vilo loa le afi mei lagi, o tutu a ia mo lana kau tagata e tino lima.

Lua tosi o Sau 1:12

Na tali loa Elia kia latou : Kapau ko se tagata au a le Atua, ti ke vilo le afi mei lagi o tutu a koe mo lau kau tagata e tino lima ! Ti na ifo loa le afi a le Atua mei lagi o tutu a ia mo lana kau tagata e tino lima.

Taagapati 29:12

Kapau e tau tokaga leia e pule ki masau loi, E liliu o agaveli ana tagata fakasausau fuli.

Esaia 26:11

Eteleno, e mafimafi lou lima : Kae e leaise lotou tio ki ai. E lotou tio loa ki lou alofa ki le kakai, ti e lotou luma loa ; E tutu loa e le afi ou fili.

Esaia 32:7

E matakakai a masafu a le tagata kaka ; E fai e ia ni fakakaukau veveli, Ke fakapuli ai le tagata fakaaloalofa ki ni masau loi, Logo ai pe tonu le tagata mativa.

Selemia 5:3

Eteleno, pe leaise tio ou mata ki le maoki ? E ke taai latou, kae e leaise lotou logoi fua se mamae ; E ke tutu latou ke okioki, kae e leaise lotou tokaga fua ki se akonaki : E lotou asili fakafefeka ake olotou mata i le fatu ; E leaise lotou fia tafoki kiate koe.

Numelo 16:41

I le apogipogi ake fai, na lalau loa le fakatasi katoa o Iselaele kia Moisese mo Alone, o pati : Ko koulua ala na tamate ia le kakai o le Eteleno.

Mateo 2:16

Ko Elote, i lana tio kua manogii a ia e le kau masi, na itaita lasi ai, ti na fakatotonu loa e ia ke tamate a toe tagata liliki fuli kua fetuu lua o ifo ki lalo, ala na nonofo i Peteleemi ti mo fenua fuli i ona tafatafa, o mulimuli ki le aso leia na afaafa logo ai a ia ki le kau masi.

Uluaki tosi a Samuele 6:9

Ke kotou tioi loa lana ano : kapau e pale loa a ia i le ala ki le koiga o Iselaele, o ano ki Pete-Semesi, ti ko le Eteleno leia na tautea ia tatou ki le mamae lasi leinei ; ti kapau e leaise ano a ia i ai, e tou iloa loa e leaise ko le lima o le Atua leia na tautea ia tatou, kae na soko fakafuanoa le nea lena kia tatou.