Lua tosi o Koloniko 9:2 - Tosi Tapu

² Na tali loa Salomone ki ana vesili fuli, ti na leaise nea fua na leaise mafai ke fakamatala e Salomone kiate ia.

Lua tosi o Koloniko 9:2 ပူးပေါင်းရင်းမြစ်များ

Uluaki tosi o Sau 3:12

ko leinei, e kau fai loa o mulimuli ki lau kole. E kau soli loa kiate koe se loto poto mo atamai ; koia e leaise maua loa se tasi e tatau mo koe talu mei mua, ti e leaise toe tupu ake loa se tasi ke tatau mo koe ki muli.

Uluaki tosi o Sau 4:29

Na soli loa e le Atua kia Salomone le poto lasi ai, mo se loto fakakaukau lasi ai, ti mo se loto iloa, kua liuliuga o tatau mo le one leia i le mata tai.

Lua tosi o Koloniko 9:1

Na logo loa le fafine sau o Sepa ki le logologona o Salomone, ti na au loa a ia ki Selusalemi ke asiasii le poto o Salomone ki ni vesili faigataa. Na au a ia mo se toka api o ana kau tagata fakasausau, mo se kau kamelo leia na fetuku ia ni nea fakamanogi, mo se aulo lasi ai, ti mo ni fatu mauiga. Na ano loa le fafine sau o Sapa ki le sau ko Salomone, ti na fai loa e ia kiate ia ana vesili fuli ala na maua i lona loto.

Lua tosi o Koloniko 9:3

Na tio loa le fafine sau o Sepa ki le poto o Salomone ti mo le fale leia na fakatuu e ia,

Taagapati 13:20

Ko leia e nofo tuumau mo le kau poto e liliu loa o poto, Kae ko leia e fiafia i le nofo mo le kau vale e liliu loa o veli.

Taagapati 18:4

Ko masau o le gutu o se tagata ko ni vai loloto ; Ko le matapuna o le poto ko se liua e mapaa mei se mauga.

Maleko 4:11

Ti na pati loa a ia kia latou : Kua tuku atu kia koutou ke kotou iloa le misitelio o le puleaga o le Atua ; kae kia latou ala i tafa e fai a nea fuli anei i ni folafola fakatata,

Maleko 4:34

Na leaise masau fua a ia kia latou o sala fakatata ; kae ka lotou tefua, na fakamatala e ia a nea fuli ki ana tisipulo.

Soane 15:15

E leaise kau toe fakaigoa koutou ko tagata fakasausau, talie e leaise iloa e le tagata fakasausau le nea leia e fai e lona pule ; kae kua kau fakaigoa koutou ko kaukaunea, talie kua kau fakasa kia koutou a nea fuli ala kua kau ako mei loku Tamana.

Kolose 2:3

misitelio leia e fufu ai a koloa fuli o le poto ti mo le iloa.

Epelo 4:12

Talie ko le folafola a le Atua e mauli, mo makeke, mo matakakai ake i se seleta mata lua, mo ulu loloto o kaku ki le vaei o le loto mo le laumalie, o sokoga mo gako o ivi ; e fakamaaui e ia a manatu o le laumalie ti mo manatu o le loto.

Sakopo 1:5

Kapau e mativa se tasi ia koutou i le poto, ke kole e ia a ia ki le Atua, leia e soli lasi ki tagata fuli, sala valoki, ti e soli loa a ia kiate ia.