Lua tosi o Koloniko 9:11 - Tosi Tapu

¹¹ Na fai loa e le sau ki le asi ni kakega ki le fale o le Eteleno mo le fale o le sau, mo ni alepe mo ni lute ki le kau sua. Na leikiaise tio i mua ki ni nea fenaaki i le fenua o Suta.

Lua tosi o Koloniko 9:11 ပူးပေါင်းရင်းမြစ်များ

Uluaki tosi o Sau 10:12

Na fai loa e le sau ki le asi ni a takatakai ki le fale o le Eteleno ti mo le fale o le sau, mo ni alepe ti mo ni lute ki le kau sua. Na leaise toe aumai loa se asi talu mei ai, ti na leaise toe tio loa ki se asi o kaku mai ki le aso nei.

Uluaki tosi o Koloniko 23:5

ti ke nofo ni tino afe e fa ko tagata leo matapa, ti ke tokaga ni tino afe e fa ki le fakavikiviki ki le Eteleno mo nea fai musika ala na kau teuteui ki le fakavikiviki.

Uluaki tosi o Koloniko 25:1

Na vaei kese loa e Tavite mo le kau pule solia a vosa o Asafe, mo vosa o Emani, mo vosa o Setutune, ke lotou sua a folafola a le Atua i le alepe, mo pa, mo le lute. Ko leinei le api o latou ala na tokaga ki le gaoi lena.

Lua tosi o Koloniko 2:8

Ke ke toe aumai foki kiate au mei Lipane ni sete, mo ni sipele, ti mo ni asi ; talie e kau iloa e popoto au tagata fakasausau i le sele o laakau o Lipane. Ko leinei, e gaoi fakatasi loa aku tagata fakasausau mo au tagata fakasausau.

Lua tosi o Koloniko 9:10

Ko tagata fakasausau a Ilame mo tagata fakasausau a Salomone, ala na aumai ia loa se aulo mei Ofile, na toe aumai ia foki ni asi mo ni fatu mauiga.

Lua tosi o Koloniko 9:12

Na soli loa e le sau ko Salomone ki le fafine sau o Sepa a nea fuli ala na loto a ia ki ai, mo nea fuli ala na kole e ia, o lasi ake i nea ala na aumai e ia ki le sau. Ti na toe liliu loa a ia ki lona fenua mo ana tagata fakasausau.

Apokalipisi 5:8

I lana too le tosi, na tulolo loa a manu mauuli e fa ti mo matua e tino lua tupu fa i mua o le Akeno, o tasi too lana alepe ti mo ni ipu aulo kua apelepele i kaloni, ala ko faikole a le kau sagato.