Lua tosi o Koloniko 8:16 - Tosi Tapu

¹⁶ Na fenaaki le fakasoko o le gaoi katoa a Salomone, mei le aso leia na kamata ai o kaku ki le aso leia na fakaoki ai le fale o le Eteleno. Ti na oki loa le fale o le Eteleno.

Lua tosi o Koloniko 8:16 ပူးပေါင်းရင်းမြစ်များ

Uluaki tosi o Sau 5:18

Na ta loa latou e le kau gaoi a Salomone, mo le kau gaoi a Ilame, ti mo le kau Kipiloti, ti na lotou teuteui loa a laakau mo fatu ke fakatuu ai le fale.

Uluaki tosi o Sau 6:37

Na teki loa a fakavae o le fale o le Eteleno i le fa fetuu, i le masina o Siva ;

Uluaki tosi o Sau 6:38

ti na fakaoki loa le fakatuu o le fale i le kau agafulu tupu tasi fetuu, i le masina o Pulu, leia ko le valu o masina, i ona koga fuli, o mulimuli ki lona paaki totonu. Na fau a ia e Salomone i fetuu e fitu.

Uluaki tosi o Sau 6:7

I le fakatuu o le fale, na fakaaoga ata ni fatu kua ta, ti na leaise logo fua ki se amale, pe ko se toki, pe ko se tasi ake nea gaoi ukamea i le lolotoga o le fakatuu o le fale.

Lua tosi o Koloniko 8:15

Na leaise mavae kese loa mei le fakatotonu a le sau ki le kau tagata faisakilifisio, mo le kau Levi, mo koloa, mo se faasiga nea fua.

Lua tosi o Koloniko 8:17

Na ano loa Salomone ki Etesoni-Kepele mo Elote, i le mata tai, i le fenua o Etome.