Lua tosi o Koloniko 7:9 - Tosi Tapu

⁹ I le valu o aso na fai loa se fakatasi mamalu, talie na lotou fai loa le fakatapui o le aletale i aso e fitu, ti mo le fakafiafia i aso e fitu.

Lua tosi o Koloniko 7:9 ပူးပေါင်းရင်းမြစ်များ

Uluaki tosi o Sau 8:2

Na fakatasi loa a tagata fuli o Iselaele ki le sau ko Salomone, i le aso lasi o le masina ko Etanime, leia ko le fitu o masina.

Uluaki tosi o Sau 8:65

Na fai loa e Salomone le aso lasi o fale pola i le temi lena, a ia mo Iselaele katoa. Na au loa se kakai api ai, leia na au mei tafatafa fuli o Amati o kaku ki le liua o Esipito, na fakatasi loa i mua o le Eteleno, lotatou Atua, i aso e fitu, ti mo ni iki ake a aso e fitu, o fakatasi ko aso e kau agafulu tupu fa.

Lua tosi o Koloniko 30:23

Na loto tasi loa le fakatasiga katoa ke toe fai ni iki a aso e fitu. Ti na lotou toe fakafiafia loa i aso ana e fitu ;

Lua tosi o Koloniko 7:10

I le kau lua tupu tolu o aso o le fitu o masina, na kakau loa e Salomone ki olatou falela le kakai mo le loto fiafia mo nekenekea o tupu ko nea malilie ala na fai e le Eteleno kia Tavite, mo Salomone, ti mo Iselaele, lona kakai.

Neemia 8:18

Na lau loa i le tosi o le lao a le Atua i aso fuli, mei le uluaki aso o kaku ki le aso fakaoki o le fakatasi. Na fai loa le fakatasi i lolotoga o aso e fitu, ti na fai loa se fakatasi mamalu i le aso fakaoki, o mulimuli ki lona lekula.

Ekesote 29:37

E ke fai loa le tootooga lena i aso ana e fitu ; e liliu loa le aletale o maokioki, ti e maokioki loa a nea fuli e lave loa ki ai.

Soele 1:14

Kotou logologo se sesunio, se fakatasi mamalu ! Kotou fakatasi a matua, mo kakai fuli o le fenua I le fale o le Eteleno, lokoutou Atua, Ti kotou tagi ki le Eteleno !

Levitiko 23:36

I aso e fitu, e kotou momoli loa ki le Eteleno ni sakilifisio tutu e le afi. I le valu o aso, e kotou fai loa se fakatasi tapu, ti e kotou momoli loa ki le Eteleno ni sakilifisio tutu e le afi ; ko se fakatasi tapu loa a ia : aua na kotou fai loa se gaoi masani.

Numelo 7:10

Na ave loa e pule o famili lalatou moliga ki le ului o le aletale, i le aso leia na fakatapui ai le aletale ; na ave loa e pule lalatou moliga ki mua o le Eteleno.

Tetelonome 16:8

I aso e ono, e ke kai loa ni pane sala fakatupu ; kae i le fitu o aso e ke fai loa se fakatasi lasi ki le Eteleno, lou Atua : ke aua na ke fai loa se gaoi.