Lua tosi o Koloniko 7:3 - Tosi Tapu

³ I le tio loa a fanau fuli a Iselaele ki le ifo o le afi mo le kololia o le Eteleno ki le fale, na lotou punou loa ki le kele o su mo fakafetai ki le Eteleno, o pati : Talie e agamalie a ia, talie e lee gato lona manava alofa !

Lua tosi o Koloniko 7:3 ပူးပေါင်းရင်းမြစ်များ

Uluaki tosi o Sau 18:39

I le tio loa a le kakai ki le nea lena, na lotou tulolo fuli loa ki le kele, o pati : Ko le Eteleno leia e Atua ! Ko le Eteleno leia e Atua !

Uluaki tosi o Koloniko 16:34

Ke kotou fakavikiviki ki le Eteleno, talie e agamalie a ia, Talie e lee gato lona manava alofa !

Uluaki tosi o Koloniko 16:41

Na tutuu loa i olatou tafa a Emani, mo Setutune, mo latou ala na filifili mo lau olatou igoa, ke fakavikiviki ki le Eteleno, talie e lee gato lona manava alofa.

Uluaki tosi o Koloniko 29:20

Na pati loa Tavite ki le fakatasiga katoa : Ke kotou fakafetai ki le Eteleno, lokoutou Atua ! Ti na fakafetai loa le fakatasiga katoa ki le Eteleno, le Atua o olatou tamana. Na lotou punou loa ki le kele i mua o le Eteleno, ti mo mua o le sau.

Lua tosi o Koloniko 20:18

Na punou loa Sosafate o fakatau ona mata ki le kele, ti na punou loa Suta katoa mo le kakai o Selusalemi i mua o le Eteleno, o su kiate ia.

Lua tosi o Koloniko 20:21

Ti na loto tasi loa a ia mo le kakai ke filifili loa e ia se kau sua, ala na kofu ia loa a teu taputapu ti na saele loa i mua o le solia, ke fakavikiviki ki le Eteleno, o pati : Kotou fakavikiviki ki le Eteleno talie e lee gato lona manava alofa !

Lua tosi o Koloniko 29:28

Na punou loa le fakatasiga katoa ki le kele, na sua loa le katiko, ti na pupusi loa a fakatagi pupusi, o kaku ki le oki o le failaulau.

Lua tosi o Koloniko 29:29

I le oki loa o le failaulau, na tutuli loa le sau mo latou fuli ala na nonofo mo ia, o punou ki le kele.

Lua tosi o Koloniko 29:30

Ti na pati loa le sau ko Esekiasi mo pule ki le kau Levi ke sua mo fakafetai ki le Eteleno ki folafola a Tavite mo le polofeta ko Asafe ; ti na lotou sua fakafetai loa i le fiafia, ti na lotou punou loa ki le kele, o atolasio ki le Eteleno.

Lua tosi o Koloniko 5:13

na soko loa i le lakaga leia na kau fakatasi ai loa le kau pupusi fakatagi mo le kau sua, ke lotou leo tasi i le sua mo le fakafetai ki le Eteleno ; ti na lotou siki fakatasi ake loa olatou leo mo fakatagi pupusi, mo pa, mo la ake a nea fai musika, o sua ki le Eteleno : Talie e agamalie a ia, talie e lee gato lona manava alofa ! I le temi lena na fakaapele loa le fale ki se ao, io le fale o le Eteleno.

Esetalasi 3:11

Na lotou sua loa, o fakavikiviki ki le Eteleno, o pati : Talie e agamalie a ia, talie e tuumau lona manava alofa ki Iselaele ! Ti na kalaga fakafiafia loa le kakai katoa ki le Eteleno, i le teki o le fakatafito o le fale o le Eteleno.

Pesalemo 100:5

Talie e agamalie le Eteleno ; e lee gato lona agamalie, Ti e tuu lona agatonu i tautupu ki tautupu.

Pesalemo 103:17

Kae e lee gato le agamalie o le Eteleno kia latou ala e i kiate ia, Ti mo lona manava alofa ki fanau o alatou fanau,

Pesalemo 106:1

Kotou fakafetai ki le Eteleno ! Kotou fakafetai ki le Eteleno, talie e agamalie a ia, Talie e tologa lona manava alofa o lee gato !

Pesalemo 107:1

Kotou fakafetai ki le Eteleno, talie e agamalie a ia, Talie e tologa lona manava alofa o lee gato !

Pesalemo 118:1

Kotou fakafetai ki le Eteleno, talie e agamalie a ia, Talie tologa lona manava alofa o lee gato !

Pesalemo 95:6

Kotou au, tou punou, ti tou fakataulalo i ona mua, Tou peluki otatou tuli i mua o le Eteleno, lotatou tupuaga !

Ekesote 4:31

Ti na tui loa le kakai. Na lotou iloa loa kua asiasi le Eteleno ki fanau a Iselaele, ti kua tio a ia ki lolatou mamae ; ti na lotou tulolo loa ki le kele, o fakafetai.

Esaia 63:7

E kau fakasa loa a kalasia o le Eteleno, a fakavikiviki o le Eteleno, O mulimuli ki nea fuli ala na fai e le Eteleno kia matou ; E kau fakasa loa lona agamalie lasi ki le fale o Iselaele, Leia na fai e ia o mulimuli ki lona manava alofa lasi ti mo le mou koloa o lona alofa.

Selemia 33:11

Ki kalaga fakafiafia mo kalaga nekenekea, Ki sua a le tama feauaki ti mo sua a le taine feauaki, Ki le leo o latou ala e pati : Kotou fakafetai ki le Eteleno o kau tau, Talie e agamalie le Eteleno, talie e lee gato lona manava alofa ! Ki le leo o latou ala e momoli ia ni sakilifisio fakafetai I le fale o le Eteleno. Talie e kau toe aumai loa le kau popula o le fenua, E kau toe fakanofo loa latou ofaipe le temi mua, E pati le Eteleno.

Levitiko 9:24

Na mavae loa se afi mei mua o le Eteleno, o tutu le failaulau mo gako i aluga o le aletale. Na tio loa le kakai katoa ki le nea lena ; ti na lotou kalaga loa i le fiafia, ti na lotou punou loa o fakatau olatou mata ki le kele.

Numelo 14:5

Na tulolo loa Moisese mo Alone o fakatuu o la ulu ki le kele, i mua o le kakai katoa o Iselaele.

Numelo 16:22

Na la fakapulou loa o fakatuu ola mata ki le kele, o pati : Ei Atua, ko le Atua o laumalie o kanofi fuli ! ko le tagata fai e toka tasi leia kua agasala, ti e ke sausaua loa ki le fakatasi katoa ?

Luka 1:50

Ti e mafola lona manavaalofa i le tautupu ki le tautupu Kia latou ala e i kiate ia.