Lua tosi o Koloniko 7:2 - Tosi Tapu

² Na leaise mafai ke ulu le kau tagata faisakilifisio ki le fale o le Eteleno, o tupu kua fakaapele le fale o le Eteleno e le kololia o le Eteleno.

Lua tosi o Koloniko 7:2 ပူးပေါင်းရင်းမြစ်များ

Uluaki tosi o Sau 8:10

I le temi leia na ulu ai loa a tagata faisakilifisio ki fafo mei le potu tapu, na fakaapele loa e le ao le fale o le Eteleno.

Lua tosi o Koloniko 5:13

na soko loa i le lakaga leia na kau fakatasi ai loa le kau pupusi fakatagi mo le kau sua, ke lotou leo tasi i le sua mo le fakafetai ki le Eteleno ; ti na lotou siki fakatasi ake loa olatou leo mo fakatagi pupusi, mo pa, mo la ake a nea fai musika, o sua ki le Eteleno : Talie e agamalie a ia, talie e lee gato lona manava alofa ! I le temi lena na fakaapele loa le fale ki se ao, io le fale o le Eteleno.

Lua tosi o Koloniko 5:14

Na leaise feala loa ke toe nonofo le kau tagata faisakilifisio i loto o fai le tausi, o tupu ko le ao ; talie na fakaapele e le kololia o le Eteleno le fale o le Atua.

Pesalemo 26:8

Eteleno, e kau alofa ki le fale leia e ke nofo ai, Ki le ganea leia e agai ai lou kololia.

Ekesote 24:17

Na sa loa le kololia o le Eteleno ki mata o fanau a Iselaele ofaipe se afi kaka i le tumutumu o le mauga.

Esaia 6:5

Ti na kau pati loa : Malaia kiate au ! Kua kau puli noa, talie ko au ko se tagata leia e kelekele oku laugutu, ti e kau nofo i loto malie o se kakai leia e kelekele ona laugutu, kae kua tio oku mata ki le Sau, le Eteleno o kau tau.

Apokalipisi 15:8

Ti na apele loa le fale tapu i le afu, o tupu ko le kololia o le Atua ti mo lona mafimafi ; ti na leaise mafai ke ulu se tasi ki le fale tapu, o kaku ki le katoa o malaia e fitu a aselo e fitu.