Lua tosi o Koloniko 7:17 - Tosi Tapu

¹⁷ Ti ko koe, kapau e ke saele loa i oku mua ofaipe le saele a Tavite, lou tamana, o ke fai a nea fuli ala na kau fakatotonu atu kiate koe, ti kapau e ke tausi aku lao mo aku fakatotonu,

Lua tosi o Koloniko 7:17 ပူးပေါင်းရင်းမြစ်များ

Uluaki tosi o Sau 11:38

Kapau e ke fakalogo ki nea fuli ala e kau fakatotonu loa kiate koe, kapau e ke saele i oku ala, ti kapau e ke fai le nea leia e totonu i oku mua, o tausi aku lao mo aku fakatotonu, ofaipe lona fai e Tavite, laku tagata fakasausau, e kau nofo loa mo koe, ti e kau fakamakeke loa lou sakoga ofaipe laku fakamakeke le sakoga o Tavite, ti e kau soli loa kiate koe Iselaele.

Uluaki tosi o Sau 2:3

Tausi a fakatotonu a le Eteleno, lou Atua, o ke saele i ona ala, ti mo taupau ana lao, mo ana fakatotonu, mo ana fakamaau, ti mo ana pelesepeto, o mulimuli ki le nea leia e tuu i le lao a Moisese, o tupu ke ke manuia i nea fuli ala e ke fai loa, ti mo ganea fuli ala e ke maliu loa ki ai,

Uluaki tosi o Sau 3:14

Ti kapau e ke saele i oku ala, o mulimuli ki aku lao mo aku fakatotonu, ofaipe Tavite, lou tamana, e kau fakatologa loa lou mauli.

Uluaki tosi o Sau 8:25

I le lakaga nei, Eteleno, Atua o Iselaele, fai ki lau tagata fakasausau ko Tavite, loku tamana, le fakapapau, o pati : E leaise ke mativa loa i se aso i se tagata ke ekeeke i le ekeekeaga fakasau o Iselaele i oku mua, mo kapau e tokaga loa ou vosa ki olatou ala ti mo lotou saele loa i loku agai ofaipe lau saele i loku agai.

Uluaki tosi o Koloniko 28:9

Ti ko koe, Salomone, loku vosa, ke ke iloa e koe le Atua o lou tamana, ti ke ke tausi kiate ia i lou loto katoa, ti mo le loto fia fai, talie e iloa e le Eteleno a loto fuli ti e ului e ia a fakatuutuu fuli mo manatu fuli. Kapau e ke afa a ia, e tuku loa e ia ke ke maua a ia ; kae kapau e ke tiaki a ia, e tiaki loa e ia a koe o lee gato.

Lua tosi o Koloniko 6:16

I le lakaga nei, Eteleno, Atua o Iselaele, ke ke fakasoko le fakapapau leia na ke fai kia Tavite, loku tamana, o pati : E leaise ke mativa loa i se aso i oku mua i se tagata leia ke nofo i le ekeekeaga fakasau o Iselaele, o fetogi a koe, ko leia fua ke tokaga ou vosa ki olatou ala ti ke lotou saele i laku lao ofaipe lau saele i oku mua.

Lua tosi o Koloniko 7:16

I le lakaga nei, kua kau filifili ti kua kau fakatapui le fale leinei ke agai ai loku suafa o tuumau, ti kua kau tuku ki ai oku mata mo loku loto o lee gato.

Lua tosi o Koloniko 7:18

e kau fakamakeke loa le ekeekeaga fakasau o lou puleaga, ofaipe le nea leia na kau fakapapau kia Tavite, lou tamana, o pati : E ke maua tuumau loa se tasi i lou sakoga ke sau i Iselaele.

Pesalemo 105:45

O tupu ke lotou tausi ana fakatotonu Ti ke lotou fai ana lao. Kotou fakafetai ki le Eteleno !

Pesalemo 119:5

Ke amusia ake ke sako oku ala, O tupu ke kau tausi au lekula !

Esekiele 36:27

E kau tuku loa loku Laumalie kia koutou, ti e kau fakalotoi loa koutou ke kotou mulimuli i aku fakatotonu, ti ke kotou tausi mo fai aku lao.

Sakalia 3:7

E folafola le Eteleno o kau tau, o pati : Kapau e ke saele i oku ala, ti kapau e ke tausi aku fakatotonu, e ke fakamaui loa loku fale ti e ke tausi loa oku lotoa tapu, ti e kau tuku loa kiate koe ke ke ulu faitalisa kia latou ala e nonofo i leinei.

Soane 14:21

Ko leia e maua ia aku fakatotonu ti e fai ia latou, ko ia leia e alofa kiate au. Ko leia e alofa kiate au, e alofa loa loku Tamana kiate ia, ti e kau alofa loa mo au kiate ia, ti e kau fakasa loa au kiate ia.

Soane 15:10

Kapau e kotou fai aku fakatotonu, ti e kotou nofo loa i loku alofa, ofaipe laku fai a fakatotonu a loku Tamana, ti mo laku nofo i lona alofa.

Tetelonome 4:40

Ti ke ke tausi ana lao mo ana folafola ala e kau tuku atu kiate koe i le aso nei, o tupu ke ke manuia, a koe mo au fanau i ou muli, ti ke ke fakatologa loa ou aso i le fenua leia e soli loa kiate koe e le Eteleno, lou Atua o lee gato.