Lua tosi o Koloniko 7:16 - Tosi Tapu

¹⁶ I le lakaga nei, kua kau filifili ti kua kau fakatapui le fale leinei ke agai ai loku suafa o tuumau, ti kua kau tuku ki ai oku mata mo loku loto o lee gato.

Lua tosi o Koloniko 7:16 ပူးပေါင်းရင်းမြစ်များ

Uluaki tosi o Sau 8:16

Talu mei le aso leia na kau fakamavae ai mei Esipito loku kakai ko Iselaele, na leaise kau filifili fua se kolo i faasiga fuli o Iselaele, ke fakatuu ai se fale ki loku suafa, kae na kau filifili Tavite ke pule ki loku kakai ko Iselaele !

Uluaki tosi o Sau 8:35

Kapau e tapono loa le lagi, ti e leaise toe to loa se ua, o tupu ko alatou agasala kiate koe, kapau e lotou faikole loa i le ganea leinei mo fakavikiviki ki lou suafa, ti kapau e lotou tafoki loa mei alatou agasala, talie na ke tautea loa latou,

Uluaki tosi o Sau 8:44

Kapau e ulu loa lou kakai ki fafo o tau ki lona fili, o mulimuli ki le ala leia e ke fakasa loa kiate ia, ti kapau e lotou fai loa kiate koe ni kole, o tagaki olotou mata ki le kolo leinei kua ke aga o filifili ti mo le fale leinei kua kau fakatuu ki lou suafa,

Uluaki tosi o Sau 8:48

Kapau e lotou toe tafoki mai loa kiate koe i lolatou loto katoa ti mo lolatou laumalie katoa, i le fenua o olatou fili ala na ave ia latou o fakapopula, kapau e lotou fai atu kiate koe ni kole, o tagaki olatou mata ki lolatou fenua leia na ke soli ki olatou tamana, ki le kolo leia na ke filifili ti mo le fale leia na kau fakatuu ki lou suafa,

Uluaki tosi o Sau 9:3

Ti na pati loa le Eteleno kiate ia : Kua kau tali lau kole mo lau tagi ala na ke fai mai kiate au, ti kua kau fakatapui le fale leinei na ke fakatuu ki loku suafa o lee gato ; ti e kau tuku tuumau loa ki ai oku mata mo loku loto.

Lua tosi o Sau 21:4

Na fakatuu loa e ia ni aletale i le fale tapu o le Eteleno, logo ai le pati a le Eteleno : Ko Selusalemi leia e kau agai ai loa.

Lua tosi o Koloniko 30:8

Aua na kotou ua fefeka, ofaipe okoutou tamana ; kae kotou soli okoutou lima ki le Eteleno, kotou au ki lona sagatualio leia na fakatapui e ia o lee gato, ti kotou tausi ki le Eteleno, lokoutou Atua, o tupu ke maliu kese lona sausau lasi meia koutou.

Lua tosi o Koloniko 6:20

Ke ke tuku tuumau ou mata i le ao mo le po ki le fale leinei, ki le ganea leia kua ke pati ki ai : E agai loa i ai loku suafa ! Ke ke fakalogo ki le kole leia e fai e lau tagata fakasausau i le ganea leinei.

Lua tosi o Koloniko 7:12

na sa loa le Eteleno kia Salomone i le pouli, o pati kiate ia : Kua kau tali lau kole ti kua kau filifili le ganea leinei ofaipe le fale leia e tonu loa ke momoli mai ai kiate au ni sakilifisio.

Lua tosi o Koloniko 7:15

I le aso lena, e mavaa loa oku mata, ti e logo loa oku taliga ki le kole leia e fai i le ganea leinei.

Lua tosi o Koloniko 7:17

Ti ko koe, kapau e ke saele loa i oku mua ofaipe le saele a Tavite, lou tamana, o ke fai a nea fuli ala na kau fakatotonu atu kiate koe, ti kapau e ke tausi aku lao mo aku fakatotonu,

Pesalemo 132:13

Io, na filifili e le Eteleno a Sione, Na oli a ia ke liliu a ia ko lona nofoaga :

Pesalemo 132:14

Ko loku maloloaga a ia o lee gato ; E kau nofo loa i ai, talie na kau oli ki ai.

Sakalia 3:2

Na folafola loa le Eteleno kia Satana : Ke valoki a koe, Satana, e le Eteleno ! Ke valoki a koe e le Eteleno, leia kua filifili ia Selusalemi ! Pe leaise ko se ugaafi kaka a koe kua tatai mei le afi ?

Mateo 3:17

Ti ko leinei, na kalaga loa se leo mei le lagi, o fakasa a masau anei : Ko ia leinei ko loku Alo alofaina, leia kua kau tuku ki ai loku alofa katoa.

Tetelonome 12:21

Kapau e mamao meiate koe le ganea leia e filifili loa e le Eteleno, lou Atua, ke fakanofo ai lona suafa, e feala loa ke ke tamate se manu lasi pe ko se manu ikiiki, o fai ki le nea leia kua kau fakatotonu atu kiate koe, ti e feala loa ke ke kai a ia o fai ki lou loto.

Tetelonome 16:11

E ke fakafiafia loa i mua o le Eteleno, lou Atua, i le ganea leia e filifili loa e le Eteleno, lou Atua, ke fakanofo ai lona suafa, a koe, mo lou vosa, mo lou taine, mo lau tagata fakasausau, mo lau fafine fakasausau, mo le Levi leia e nofo mo koe, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa i loto malie o ou.

Kolose 2:9

Talie e nofo fakatino iate ia le apeleaga katoa o le Atua.