Lua tosi o Koloniko 7:1 - Tosi Tapu

¹ I le oki o le faikole a Salomone, na ifo loa le afi mei lagi o tutu le failaulau mo sakilifisio, ti na fakaapele loa le fale katoa e le kololia o le Eteleno.

Lua tosi o Koloniko 7:1 ပူးပေါင်းရင်းမြစ်များ

Senesi 15:17

I le galo o le laa, na vilo loa se fakapouli lasi ; ti fokifa kua sa loa se afi kaka leia na kokofu mo ulaula, o fakalaka i loto malie o manu ala na paipaisi.

Uluaki tosi o Sau 18:24

Ti kotou kalaga loa ki le suafa o lokoutou atua ; ti ko au, e kau kalagai loa le suafa o le Eteleno. Ko le Atua leia e tali mai loa ki le afi, ko ia loa leia e Atua. Ti na tali loa le kakai katoa : E malie !

Uluaki tosi o Sau 18:38

Ti na vilo loa le afi a le Eteleno o tutu le failaulau, mo le fafie, mo fatu, ti mo le kele, ti na malo loa le vai leia na tafe i le kanivo.

Uluaki tosi o Sau 9:1

I le oki o le fakatuu e Salomone o le fale o le Eteleno, mo le fale o le sau, ti mo nea fuli ala na loto a ia ke fai,

Uluaki tosi o Koloniko 21:26

Na fakatuu loa e Tavite se aletale ki le Eteleno, ti na momoli loa e ia ni failaulau mo ni sakilifisio fakafetai. Na kalaga loa a ia ki le Eteleno, ti na tali loa le Eteleno kiate ia ki le afi, leia na ifo loa mei le lagi, o tutu le failaulau i aluga o le aletale.

Pesalemo 26:8

Eteleno, e kau alofa ki le fale leia e ke nofo ai, Ki le ganea leia e agai ai lou kololia.

Ekesote 19:18

Na afu katoa loa le mauga o Sinai, talie na ifo loa le Eteleno ki ai i loto malie o se afi ; na malaga ake le afu lena ki aluga ofaipe se afu o se gutuumu kaka, ti na galulu le mauga katoa.

Ekesote 29:43

E kau felavei loa i ai mo fanau a Iselaele, ti e maokioki loa le ganea lena o tupu ko loku kololia.

Esaia 65:24

I mua o lalatou fetapa mai kiate au, E kau tali loa ; I mua o le tuku o lalatou masau, e kau tali loa.

Esekiele 43:5

Ti na too loa au e le Laumalie o ave ki le malae loto. Ti ko leinei, kua apele le fale tapu i le kololia o le Eteleno.

Esekiele 44:4

Na taki loa e ia au ki le matapa o le potu noleto, i mua o le fale tapu. Na kau tio, ti ko leinei, na fakaapele e le kololia o le Eteleno le fale o le Eteleno. Ti na kau fakamapee loa ki lalo o fakatau oku mata ki le kele.

Taniela 9:20

Na kau toe masau, na kau faikole, ti na kau kofesio aku agasala mo agasala o loku kakai ko Iselaele, ti na kau fai aku tagi ki le Eteleno, loku Atua, o uiga mo le mauga maokioki o loku Atua ;

Malakia 3:4

Ti e malie loa le moliga a Suta mo Selusalemi ki le Eteleno, Ofaipe aso mago, ofaipe fetuu o le temi afea.

Gaoi 4:31

I le oki o lalatou faikole, na galulu loa le ganea leia na lotou fakatasi ai ; ti na lotou apele fuli loa i le Laumalie Maokioki, ti na lotou fakasa loa le folafola a le Atua i le makeke katoa.

Apokalipisi 21:23

Ti na leaise aoga ki le kolo se laa mo se masina, ke fakamalama ia a ia ; talie e fakamalama a ia e le kololia o le Atua, ti ko le Akeno ko lona fa malama a ia.

Tuifakamaau 6:21

Na falo loa e le aselo o le Eteleno le tokotoko leia na too e ia i lona lima o fakalave lona tumutumu ki le kanoi manu mo pane sala fakatupu. Ti na mafuta loa le afi i le fatu, o tutu le kanoi manu mo pane sala fakatupu. Ti na puli loa le aselo o le Eteleno i ona mata.