Lua tosi o Koloniko 6:6 - Tosi Tapu

⁶ kae kua kau filifili Selusalemi ke agai ai loku suafa, ti kua kau filifili Tavite ke pule ki loku kakai ko Iselaele !

Lua tosi o Koloniko 6:6 ပူးပေါင်းရင်းမြစ်များ

Lua tosi o Sau 21:4

Na fakatuu loa e ia ni aletale i le fale tapu o le Eteleno, logo ai le pati a le Eteleno : Ko Selusalemi leia e kau agai ai loa.

Lua tosi o Sau 21:7

Na tuku loa e ia le fakatata o Asetalate, leia na fai e ia, ki loto o le fale leia na pati ki ai le Eteleno kia Tavite mo Salomone, lona vosa : Ko le fale leinei, leia e tuu i Selusalemi, leia na kau filifili i faasiga fuli o Iselaele, ti e kau loto ke fakasa ai loku suafa o lee gato.

Uluaki tosi o Koloniko 17:5

Talie na leaise kau nofo fua i se fale talu mei le aso leia na kau fakamavae ai Iselaele mei Esipito, o kaku mai ki le aso nei ; kae na kau fakamalumalu i ni falela, o feanoaki i ganea fuli.

Uluaki tosi o Koloniko 17:7

I le lakaga nei e ke pati loa ki laku tagata fakasausau ko Tavite : Ko leinei le folafola a le Eteleno o kau tau : Na kau too a koe mei le nofoaga o kau manu, mei muli o kau ovi, o tupu ke ke liliu ko le pule o loku kakai ko Iselaele ;

Uluaki tosi o Koloniko 28:4

Ka na filifili au e le Eteleno, le Atua o Iselaele, i le fale katoa o loku tamana, ke kau liliu ko le sau o Iselaele o lee gato ; talie na filifili e ia Suta ko le pule, ti na filifili e ia le fale o loku tamana i le faasiga o Suta, ti na fakanofo e ia au i vosa o loku tamana ke sau ki Iselaele katoa.

Lua tosi o Koloniko 12:13

Na toe fakamakeke loa le sau ko Lopoamo i Selusalemi ti na toe liliu loa a ia ko le sau, ti na sau loa a ia i fetuu e kau fa tupu fitu i Selusalemi, le kolo leia na filifili e le Eteleno i faasiga fuli o Iselaele ke agai ai lona suafa. Na igoa lona tinana ko Naama, fafine Amone.

Lua tosi o Koloniko 20:8

Na lotou nofoi a ia, ti na lotou fakatuu i ai se sagatualio ki lou suafa, o pati :

Lua tosi o Koloniko 30:8

Aua na kotou ua fefeka, ofaipe okoutou tamana ; kae kotou soli okoutou lima ki le Eteleno, kotou au ki lona sagatualio leia na fakatapui e ia o lee gato, ti kotou tausi ki le Eteleno, lokoutou Atua, o tupu ke maliu kese lona sausau lasi meia koutou.

Lua tosi o Koloniko 33:4

Na fakatuu loa e ia ni aletale i le fale o le Eteleno, logo ai na pati le Eteleno : Ko Selusalemi leia e agai ai loa loku suafa o lee gato.

Lua tosi o Koloniko 6:20

Ke ke tuku tuumau ou mata i le ao mo le po ki le fale leinei, ki le ganea leia kua ke pati ki ai : E agai loa i ai loku suafa ! Ke ke fakalogo ki le kole leia e fai e lau tagata fakasausau i le ganea leinei.

Lua tosi o Koloniko 6:5

Talu mei le aso leia na kau fakamavae ai loku kakai mei le fenua o Esipito, na leaise kau filifili fua se kolo i nofoaga fuli o Iselaele, ke fakatuu ai se fale ki loku suafa, ti na leaise kau filifili fua se tagata ke pule ki loku kakai ko Iselaele ;

Lua tosi o Koloniko 7:16

I le lakaga nei, kua kau filifili ti kua kau fakatapui le fale leinei ke agai ai loku suafa o tuumau, ti kua kau tuku ki ai oku mata mo loku loto o lee gato.

Esetalasi 7:16

mo le paaga katoa mo le aulo leia e ke maua loa i le fenua o Papilone, ti mo nea alofa ala na fai e le kakai mo le kau faisakilifisio ki le fale o lolatou Atua i Selusalemi.

Pesalemo 122:2

E tutuu omatou vae I ou matapa, Selusalemi !

Pesalemo 132:13

Io, na filifili e le Eteleno a Sione, Na oli a ia ke liliu a ia ko lona nofoaga :

Pesalemo 48:1

Katiko. Pesalemo o vosa o Kole.

Ekesote 20:24

E ke fakatuu loa kiate au se aletale kele, ti e ke momoli loa i ai au failaulau mo au sakilifisio fakafetai, mo au ovi fafine, mo au pipi tagata. I ganea fuli ala e kau fakamanatu ai loa loku suafa, e kau au loa kiate koe, ti e kau tapuaki loa kiate koe.

Esaia 14:32

Ti kolea ke tali loa ki tagata avelogo a le kakai ? Kua fakatuu e le Eteleno a Sione, Ti kua maua e le kau fakaaloalofa o lona kakai se mumuniaga i ai.

Sakalia 2:12

E maua loa e le Eteleno a Suta ko lona vaega I le kele maokioki, Ti e toe filifili loa e ia Selusalemi.

Sakalia 3:2

Na folafola loa le Eteleno kia Satana : Ke valoki a koe, Satana, e le Eteleno ! Ke valoki a koe e le Eteleno, leia kua filifili ia Selusalemi ! Pe leaise ko se ugaafi kaka a koe kua tatai mei le afi ?

Uluaki tosi a Samuele 16:1

Na pati loa le Eteleno kia Samuele : E tuku loa afea lau tagi kia Saulo ? Kua kau tiaki a ia, ke aua na toe pule a ia i Iselaele. Ke ke fakaapele lau talai manu ki le lolo, ti ke ano ; e kau kakau loa a koe kia Isaia, ko le tagata Peteleemi, talie kua kau tio i ona vosa ki leia e kau loto ke sau.