Lua tosi o Koloniko 6:11 - Tosi Tapu

¹¹ Ti kua kau tuku ki ai le aleka leia e tuku ai le sai a le Eteleno, le sai leia na fai e ia mo fanau a Iselaele.

Lua tosi o Koloniko 6:11 ပူးပေါင်းရင်းမြစ်များ

Uluaki tosi o Sau 8:21

Kua kau teuteui i ai se ganea ke tuku ai le aleka o le sai a le Eteleno, le sai leia na fai e ia mo otatou tamana, i le temi leia na fakamavae ai latou mei le fenua o Esipito.

Uluaki tosi o Sau 8:9

Na gato fai ki fatu e lua na tuku loa i loto o le aleka, fatu ala na tuku ki ai e Moisese i Olepe, i le temi leia na fai ai e le Eteleno lana sai mo fanau a Iselaele, i lalatou mavae mei le fenua o Esipito.

Lua tosi o Koloniko 5:10

Na tuku tefua i loto o le aleka a fatu e lua o le lao ala na tuku ki ai e Moisese i Olepe, i le temi leia na fai ai e le Eteleno lana sai mo fanau a Iselaele, i lalatou mavae mei Esipito.

Lua tosi o Koloniko 5:7

Na ave loa e le kau tagata faisakilifisio le aleka o le sai a le Eteleno ki lona tukuaga, i le sagatualio o le fale tapu, i le potu taputapu, i lalo o kapakau o selupino.

Lua tosi o Koloniko 6:10

Ti kua fakasoko e le Eteleno le folafola leia na fakasa e ia. Talie kua kau tuu ake ki aluga o fetogi Tavite, loku tamana, ti kua kau eke i le ekeekeaga fakasau o Iselaele, ofaipe lona fakasa e le Eteleno, ti kua kau fakatuu le fale ki le suafa o le Eteleno, le Atua o Iselaele.

Lua tosi o Koloniko 6:12

Na tuu loa Salomone i mua o le aletale o le Eteleno, mo mua o le fakatasiga katoa o Iselaele, ti na folasi loa e ia ona lima.

Pesalemo 50:5

Ke kotou fakatasi mai kiate au aku kau agatonu, Latou ala na fai ia se sai mo au i le sakilifisio !

Ekesote 40:20

Na too loa e ia le fakamaoki, o tuku ki loto o le aleka ; na tui loa e ia a amo ki kavei o le aleka, ti na teki loa e ia le nofoaga o le manava alofa ki aluga o le aleka.

Epelo 9:4

Na tuu i ai le aletale aulo ki kaloni, ti mo le aleka o le sai leia na kofu katoa ki le aulo. Na tuku i loto o le aleka se ipu aulo leia na tuku ai le mane, mo le tokotoko o Alone, leia na se, ti mo laui fatu o le sai.