Lua tosi o Koloniko 5:4 - Tosi Tapu

⁴ I le kaku ake loa a le kau matua fuli o Iselaele, na amo loa e le kau Levi le aleka.

Lua tosi o Koloniko 5:4 ပူးပေါင်းရင်းမြစ်များ

Uluaki tosi o Sau 8:3

I le katoa mai o le kau matua fuli o Iselaele, na amo loa le aleka e le kau tagata faisakilifisio.

Uluaki tosi o Koloniko 15:2

Ti na pati loa Tavite : E tonu ke amo le aleka o le Eteleno e le kau Levi tefua, talie ko latou ala kua filifili e le Eteleno ke amo ia le aleka o le Atua ti ke tausi kiate ia o lee gato.

Lua tosi o Koloniko 5:5

Na lotou amo loa le aleka, mo le falela taputapu, mo nea gaoi tapu fuli ala na tuku i loto o le falela tapu : ko le kau tagata faisakilifisio mo le kau Levi ala na amo ia loa latou.

Lua tosi o Koloniko 5:7

Na ave loa e le kau tagata faisakilifisio le aleka o le sai a le Eteleno ki lona tukuaga, i le sagatualio o le fale tapu, i le potu taputapu, i lalo o kapakau o selupino.

Numelo 4:15

Ka oki loa le kofu e Alone mo ona vosa o nea tapu mo nea gaoi fuli o le falela tapu, e ano loa a vosa o Keati, i le kamata o le fanoga, o amo latou ; kae e leaise tonu ke lotou lave loa ki se nea tapu, talie e lotou mamate loa. Ko lena le gaoi o vosa o Keati i le falela tapu.

Sosue 3:6

Na pati loa Sosue ki le kau tagata faisakilifisio : Ke kotou amo le aleka o le fakapapau ti ke kotou saele i mua o le kakai. Na lotou amo loa le aleka o le fakapapau ti na lotou saele loa i mua o le kakai.

Sosue 6:6

Na kalagai loa e Sosue, vosa o Nune, le kau tagata faisakilifisio, o pati kia latou : Ke kotou amo ki okoutou tuauma le aleka o le fakapapau ti ke too e ni tagata faisakilifisio e toka fitu ni fakatagi pupusi, o saele i mua o le aleka o le Eteleno.