Lua tosi o Koloniko 5:2 - Tosi Tapu

² Ti na fakatasii mai loa e Salomone ki Selusalemi le kau matua o Iselaele ti mo pule fuli o faasiga, a pule famili o fanau a Iselaele, ke amo mei le kolo o Tavite ko Sione, le aleka o le sai a le Eteleno.

Lua tosi o Koloniko 5:2 ပူးပေါင်းရင်းမြစ်များ

Lua tosi a Samuele 5:7

Kae na too loa e Tavite le kolo tau o Sione : ko le kolo o Tavite.

Lua tosi a Samuele 6:12

Na fakasa loa ki le sau ko Tavite : Kua tapuakii e le Eteleno le fale o Opeto-Etome mo ana nea fuli, o tupu ko le aleka o le Atua. Ti na ano loa Tavite, o avake le aleka o le Atua mei le fale o Opeto-Etome ki le kolo o Tavite, i loto malie o ni fakafiafia.

Uluaki tosi o Koloniko 15:1

Na fakatuu loa e Tavite ni fale kiate ia i le kolo o Tavite ; ti na teuteui loa e ia se ganea ke tuku ai le aleka o le Atua, mo fakatuu loa se falela ki ai.

Uluaki tosi o Koloniko 15:12

Na pati loa Tavite kia latou : Ko pule koutou o famili o le kau Levi ; ke kotou fakamea, a koutou mo okoutou fetaina, ti ke kotou paleaki mai le aleka o le Eteleno, o le Atua o Iselaele, ki le ganea leia kua kau teuteui kiate ai.

Uluaki tosi o Koloniko 15:25

Ti na ano loa Tavite, mo le kau matua o Iselaele, mo pule solia, ke paleaki mai le aleka o le sai a le Eteleno mei le fale o Opeto-Etome, i loto malie o ni fakafiafia.

Uluaki tosi o Koloniko 15:3

Ti na fakatasii loa e Tavite a Iselaele katoa ki Selusalemi, o tupu ke paleaki ake le aleka o le Eteleno ki le ganea leia na teuteui e ia kiate ia.

Uluaki tosi o Koloniko 16:1

I le oki o le aumai o le aleka o le Atua, na fakatuu loa le aleka ki loto o lona falela leia na fakatuu e Tavite, ti na momoli loa i mua o le Atua ni failaulau mo ni sakilifisio fakafetai.

Uluaki tosi o Koloniko 24:31

Na toso foki latou, ofaipe olatou fetaina, vosa o Alone, a alatou gaoi i le tausi, i mua o le sau ko Tavite, mo Satoke, mo Asimeleke, mo pule famili o le kau tagata faisakilifisio mo le kau Levi : na fai fenaaki foki ki pule famili taki tasi fuli, o tatau ki leia e mua mo leia e muli.

Uluaki tosi o Koloniko 24:6

Ko Semaesa, vosa o Netaneele, le sekalaipe mei le faasiga o Levi, na tosi ia loa latou i mua o le sau mo le kau pule, i mua o Satoke, le tagata faisakilifisio, ti mo Asimeleke, vosa o Apiatale, ti mo mua o pule famili o le kau tagata faisakilifisio mo le kau Levi. Na toso loa se fale fakatamana kia Eleasale, ti na toe toso foki mo se tasi ake fale fakatamana kia Itamale.

Uluaki tosi o Koloniko 26:26

ko Selomite mo ona fetaina na taupau ki koloa fuli mo nea tapu, ala na momoli e le sau ko Tavite, mo pule famili, mo pule solia, mo pule tau :

Uluaki tosi o Koloniko 28:1

Na fakatasii loa e Tavite a pule fuli o Iselaele, a pule o faasiga, mo pule o kau gaoi ala na gaoi ki le sau, mo pule o tino afe mo tino lelau, latou ala na tokaga ki koloa mo kau manu a le sau, mo latou ala na tokaga ki ona vosa, le kau enuke, mo tagata makeke, ti mo tagata toa fuli.

Lua tosi o Koloniko 1:4

kae kua ave e Tavite le aleka o le Atua mei Kiliate-Sealimi ki lona tukuaga leia na teuteui e ia kiate ia, talie na fakatuu e ia se falela kiate ia i Selusalemi.

Lua tosi o Koloniko 5:1

Ti na oki katoa loa le gaoi leia na fai e Salomone ki le fale o le Eteleno. Ti na aumai loa e ia le siliva, mo le aulo, mo nea gaoi fuli ala na fakatapui e lona tamana ko Tavite, ti na tuku loa e ia latou ki koloa o le fale o le Atua.

Lua tosi o Koloniko 5:12

ti ko Levi fuli ala na sua, Asafe, mo Emane, mo Setutune, mo olatou vosa ti mo olatou fetaina, na lotou kofu loa ki olatou kofu tetea, ti na lotou tutuu loa i le potu esite o le aletale mo ni pa, mo lute, mo alepe ; ti na tutuu loa i olatou tafa a tagata faisakilifisio e tino lelau e lua ala na pupusi ia a fakatagi pupusi, -

Pesalemo 2:6

Ko au leia na pani lolo ia loku sau, I Sione, loku mauga maokioki !

Pesalemo 87:2

E alofa le Eteleno ki matapa o Sione O lasi ake i nofoaga fuli o Sakopo.

Levitiko 9:5

Ti na latou ave loa ki mua o le falela tapu le nea leia na fakatotonu e Moisese ; ti na fakafeofi ake loa le kakai katoa, o tuu i mua o le Eteleno.

Numelo 10:33

Na lotou mavae loa mei le mauga o le Eteleno, ti na lotou saele loa i aso e tolu : na muamua loa ia latou le aleka o le fakamaoki o le Eteleno, ti na fai loa e ia se saele i aso e tolu, o afa se ganea malolo kia latou.

Numelo 10:36

Ti ka tuku loa le Aleka ki lalo, na pati loa Moisese : Toe liliu mai, Eteleno, ki atu miliate mo afe o Iselaele !