Lua tosi o Koloniko 5:13 - Tosi Tapu

¹³ na soko loa i le lakaga leia na kau fakatasi ai loa le kau pupusi fakatagi mo le kau sua, ke lotou leo tasi i le sua mo le fakafetai ki le Eteleno ; ti na lotou siki fakatasi ake loa olatou leo mo fakatagi pupusi, mo pa, mo la ake a nea fai musika, o sua ki le Eteleno : Talie e agamalie a ia, talie e lee gato lona manava alofa ! I le temi lena na fakaapele loa le fale ki se ao, io le fale o le Eteleno.

Lua tosi o Koloniko 5:13 ပူးပေါင်းရင်းမြစ်များ

Uluaki tosi o Koloniko 16:4

Na tuku loa e Tavite ki ni iki o le kau Levi ke tausi i mua o le aleka o le Eteleno, ke fakamanatu, mo fakafetai, mo fakavikiviki ki le Eteleno, le Atua o Iselaele.

Lua tosi o Koloniko 20:21

Ti na loto tasi loa a ia mo le kakai ke filifili loa e ia se kau sua, ala na kofu ia loa a teu taputapu ti na saele loa i mua o le solia, ke fakavikiviki ki le Eteleno, o pati : Kotou fakavikiviki ki le Eteleno talie e lee gato lona manava alofa !

Lua tosi o Koloniko 20:22

I le temi leia na kamata ai a sua mo fakavikiviki, na fakamaveuveu loa e le Eteleno le kau solia a le kau Amone, mo le kau Moape, ti mo latou mei le mauga o Seili, ala na au ke taui a Suta. Ti na lotou lava loa.

Lua tosi o Koloniko 7:1

I le oki o le faikole a Salomone, na ifo loa le afi mei lagi o tutu le failaulau mo sakilifisio, ti na fakaapele loa le fale katoa e le kololia o le Eteleno.

Lua tosi o Koloniko 7:2

Na leaise mafai ke ulu le kau tagata faisakilifisio ki le fale o le Eteleno, o tupu kua fakaapele le fale o le Eteleno e le kololia o le Eteleno.

Lua tosi o Koloniko 7:3

I le tio loa a fanau fuli a Iselaele ki le ifo o le afi mo le kololia o le Eteleno ki le fale, na lotou punou loa ki le kele o su mo fakafetai ki le Eteleno, o pati : Talie e agamalie a ia, talie e lee gato lona manava alofa !

Lua tosi o Koloniko 7:6

Na fai e le kau tagata faisakilifisio lalatou gaoi, ti na fai foki e le kau Levi lalatou gaoi mo alatou nea fai musika ki le Eteleno, ala na fai e le sau ko Tavite ke sua ki ai a fakavikiviki ki le Eteleno, i le aso leia na tuku ai loa e Tavite kia latou ke fakafetai ki le Eteleno, o pati : Talie lee gato lona manava alofa ! Na pupusi e tagata faisakilifisio ni fakatagi pupusi i olatou mua. Ti na tutuu le kakai katoa o Iselaele i aluga.

Esetalasi 3:11

Na lotou sua loa, o fakavikiviki ki le Eteleno, o pati : Talie e agamalie a ia, talie e tuumau lona manava alofa ki Iselaele ! Ti na kalaga fakafiafia loa le kakai katoa ki le Eteleno, i le teki o le fakatafito o le fale o le Eteleno.

Neemia 12:27

I le aso na fakatapui ai a paa fatu o Selusalemi, na kalagai loa le kau Levi mei potu fuli ala na lotou nonofo ai, ti na aumai loa latou ki Selusalemi ki le fakatapu o le paa fatu, o tupu ke lotou fai le fakatapu o le paa fatu i se fiafia lasi, mo ni sua fakafetai, mo ni katiko, mo ni musika, mo ni sapale, mo ni lute mo ni alepe.

Pesalemo 100:5

Talie e agamalie le Eteleno ; e lee gato lona agamalie, Ti e tuu lona agatonu i tautupu ki tautupu.

Pesalemo 106:1

Kotou fakafetai ki le Eteleno ! Kotou fakafetai ki le Eteleno, talie e agamalie a ia, Talie e tologa lona manava alofa o lee gato !

Pesalemo 107:1

Kotou fakafetai ki le Eteleno, talie e agamalie a ia, Talie e tologa lona manava alofa o lee gato !

Pesalemo 118:1

Kotou fakafetai ki le Eteleno, talie e agamalie a ia, Talie tologa lona manava alofa o lee gato !

Pesalemo 150:3

Kotou fakafetai kiate ia i le leo o le fakatagi pupusi ! Kotou fakafetai kiate ia i le lute mo le alepe !

Pesalemo 150:5

Kotou fakafetai kiate ia i ni sapale tatagi ! Kotou fakafetai kiate ia i ni sapale leo lasi !

Pesalemo 22:4

Kae ko le Maokioki a koe, E ke nofo i loto malie o fakafetai a Iselaele.

Pesalemo 81:2

Kotou sua i se fiafia lasi ki le Atua, lotatou makeke ! Kotou fai ni kalaga fiafia ki le Atua o Sakopo !

Ekesote 29:43

E kau felavei loa i ai mo fanau a Iselaele, ti e maokioki loa le ganea lena o tupu ko loku kololia.

Esaia 52:8

E tatagi le leo o au kau tagata leo ; E lotou siki olatou leo ki aluga, E lotou fai fakatasi ni kalaga nekenekea ; Talie e lotou tio ki olotou mata totonu E aumai Sione e le Eteleno.

Selemia 32:39

E kau soli loa kia latou se loto e tasi, mo se ala e tasi, O tupu ke lotou i tuumau kiate au, Ti ke lotou manuia ai, ti ke manuia ai foki alatou fanau i olatou muli.

Selemia 33:11

Ki kalaga fakafiafia mo kalaga nekenekea, Ki sua a le tama feauaki ti mo sua a le taine feauaki, Ki le leo o latou ala e pati : Kotou fakafetai ki le Eteleno o kau tau, Talie e agamalie le Eteleno, talie e lee gato lona manava alofa ! Ki le leo o latou ala e momoli ia ni sakilifisio fakafetai I le fale o le Eteleno. Talie e kau toe aumai loa le kau popula o le fenua, E kau toe fakanofo loa latou ofaipe le temi mua, E pati le Eteleno.

Gaoi 4:32

Na loto tasi mo laumalie tasi latou fuli ala na tui. Ti na leaise pati se tasi ko nea ala e maua e ia ko ana nea, kae na fakatasi alatou nea fuli.

Loma 15:6

o tupu ke kotou fakatasi fuli, i se loto e tasi mo se leo e tasi, o fakavikiviki ki le Atua ti mo le Tamana o lotatou Aliki ko Sesu-Kilisito.

Apokalipisi 15:8

Ti na apele loa le fale tapu i le afu, o tupu ko le kololia o le Atua ti mo lona mafimafi ; ti na leaise mafai ke ulu se tasi ki le fale tapu, o kaku ki le katoa o malaia e fitu a aselo e fitu.