Lua tosi o Koloniko 5:12 - Tosi Tapu

¹² ti ko Levi fuli ala na sua, Asafe, mo Emane, mo Setutune, mo olatou vosa ti mo olatou fetaina, na lotou kofu loa ki olatou kofu tetea, ti na lotou tutuu loa i le potu esite o le aletale mo ni pa, mo lute, mo alepe ; ti na tutuu loa i olatou tafa a tagata faisakilifisio e tino lelau e lua ala na pupusi ia a fakatagi pupusi, -

Lua tosi o Koloniko 5:12 ပူးပေါင်းရင်းမြစ်များ

Uluaki tosi o Koloniko 13:8

Na mako Tavite mo Iselaele katoa i mua o le Atua i le makeke katoa, o sua mo ta ni alepe, mo ni lute, mo ni nafa, mo ni pa, ti mo pupusi ni fakatagi pupusi.

Uluaki tosi o Koloniko 15:24

ti na tutuu a Opeto-Etome mo Sekisa, tagata tuu matapa, i le tasi fetuu o le aleka. Na pupusi loa e Sepania, mo Sosafate, mo Netaneele, mo Amasai, mo Sakalia, mo Penasa mo Eliesele, tagata faisakilifisio, ni fakatagi pupusi i mua o le aleka o le Atua.

Uluaki tosi o Koloniko 15:27

Na kofu e Tavite se taupulupulu tea ; ti na felaaki foki ki le kau Levi fuli ala na amo ia le aleka, mo le kau sua, mo le pule fai musika ko Kenania ; ti toe kofu foki e Tavite se efote tea.

Uluaki tosi o Koloniko 23:30

Na tonu ke lotou tuu i usu fuli mo afiafi fuli o fakavikiviki mo fakafetai ki le Eteleno,

Uluaki tosi o Koloniko 23:5

ti ke nofo ni tino afe e fa ko tagata leo matapa, ti ke tokaga ni tino afe e fa ki le fakavikiviki ki le Eteleno mo nea fai musika ala na kau teuteui ki le fakavikiviki.

Uluaki tosi o Koloniko 6:33

Ko nei olatou igoa mo olatou vosa ala na gaoi mo latou. I vosa o Keati : ko Emani, le pule sua, vosa o Soele, vosa o Samuele,

Uluaki tosi o Koloniko 6:39

Ko lona taina ko Asafe, leia na tuu i lona fetuu atamai, ko Asafe, vosa o Pelekia, vosa o Simea,

Lua tosi o Koloniko 29:25

Na fakanofo loa e ia le kau Levi i le fale o le Eteleno mo ni sapale, mo ni lute, mo ni alepe, o mulimuli ki le fakatotonu a Tavite, mo Kate, le polofeta a le sau, ti mo Natane, le polofeta ; talie ko se fakatotonu a le Eteleno, leia na tuku e ana polofeta.

Lua tosi o Koloniko 29:26

Na tutuu loa le kau Levi mo nea fai musika a Tavite, ti na tutuu loa le kau tagata faisakilifisio mo alatou fakatagi pupusi.

Lua tosi o Koloniko 7:6

Na fai e le kau tagata faisakilifisio lalatou gaoi, ti na fai foki e le kau Levi lalatou gaoi mo alatou nea fai musika ki le Eteleno, ala na fai e le sau ko Tavite ke sua ki ai a fakavikiviki ki le Eteleno, i le aso leia na tuku ai loa e Tavite kia latou ke fakafetai ki le Eteleno, o pati : Talie lee gato lona manava alofa ! Na pupusi e tagata faisakilifisio ni fakatagi pupusi i olatou mua. Ti na tutuu le kakai katoa o Iselaele i aluga.

Pesalemo 149:3

Ke lotou fakafetai ki lona suafa i ni mako, Ke lotou sua fakafetai kiate ia i le alepe mo le nafa !

Pesalemo 50:1

Pesalemo a Asafe. Atua, Atua, le Eteleno, ke ke folafola, ti ke ke fakatasi le malama nei, Mei le sopoaga o le laa ki le galoaga o le laa.

Pesalemo 62:1

Ki le pule o le kau sua. Meia Setutune. Pesalemo a Tavite.

Pesalemo 68:25

E lotou tio ki lau saele, ei Atua, Ki le polosesio o loku Atua, o loku sau, i le sagatualio.

Pesalemo 88:1

Katiko. Pesalemo a vosa o Kole. Ki le pule o le kau sua. Ke sua i le fulute. Katiko a Emani, ko le tagata Eselaki.

Pesalemo 92:3

Ke fakasa i le usu lou agamalie, Ti mo lou agatonu i lolotoga o pouli,

Apokalipisi 15:6

Ti na ulu loa mei le fale tapu ni aselo e fitu ala na too ia a malaia e fitu, ti kua kofu ki se kie tea mea, mo gigila, ti kua toi i olatou fatafata ni kilii pipi aulo.

Apokalipisi 19:8

ti kua tuku kiate ia ke teuteu a ia ki se kie tea maninifi, mo gigila, mo mea ; talie ko le kie tea maninifi ko gaoi maokioki a ia a le kau sagato.