Lua tosi o Koloniko 5:1 - Tosi Tapu

¹ Ti na oki katoa loa le gaoi leia na fai e Salomone ki le fale o le Eteleno. Ti na aumai loa e ia le siliva, mo le aulo, mo nea gaoi fuli ala na fakatapui e lona tamana ko Tavite, ti na tuku loa e ia latou ki koloa o le fale o le Atua.

Lua tosi o Koloniko 5:1 ပူးပေါင်းရင်းမြစ်များ

Lua tosi a Samuele 8:11

Na fakatapui loa latou e le sau ko Tavite ki le Eteleno, ofaipe lana fakatapui le aulo, mo le siliva ala na too e ia mei puleaga fuli ala na malo ai,

Uluaki tosi o Sau 7:39

Na fakatuu loa e ia a saliote e lima mo olotou tanakiaga vai i le fetuu atamai o le fale, ti na fakatuu loa e ia ala ake e lima i le fetuu sema o le fale. Na fakatuu loa e ia le tai i le fetuu atamai o le fale, o ofi ki le tifi saute esite.

Uluaki tosi o Sau 7:51

I le oki o le fai e le sau ko Salomone o gaoiaga fuli ki le laga o le fale o le Eteleno, na ave loa e ia le paaga, mo le aulo ti mo nea fuli ala na fakatapui e lona tamana ko Tavite, ti na tuku loa e ia latou ki koloa o le fale o le Eteleno.

Uluaki tosi o Koloniko 18:11

Na momoli loa e le sau ko Tavite a nea fuli ana ki le Eteleno, o fakatasi mo le paaga ti mo le aulo leia na too e ia mei puleaga fuli, mei Etome, mo Moape, mo vosa o Amone, mo le kau Filisitini, ti mo le kau Amaleke.

Uluaki tosi o Koloniko 22:14

Ko leinei, kua kau sapena i loku makeke ki le fale o le Eteleno ni fa tenalio aulo e kau lelau afe, mo ni fa tenalio paaga e miliona, ti mo se ukamea mo se sila lasi ai leia e leaise mafai ke fua, o tupu ko lona lasi ; kua kau teuteui foki ni laakau mo ni fatu, ti e ke toe fakalasi loa latou.

Lua tosi o Koloniko 4:22

mo sele, mo ipu loloto, mo ipu liliki, mo tanakiaga malala aulo mea ; ti mo laui matapa aulo ki le matapa i loto o le fale i le uluaga o le potu taputapu, ti mo le matapa o le fale i le uluaga o le fale tapu.