Lua tosi o Koloniko 4:4 - Tosi Tapu

⁴ Na teki loa e ia le tai ki pipi sila e kau agafulu tupu lua, ala na agaaga loa a pipi e tolu ki le noleto, mo pipi e tolu ki le uesite, mo pipi e tolu ki le saute, ti mo pipi e tolu ki le esite ; na teki loa le tai i aluga, ti na maliu loa a potu muli o pipi ki loto, i lalo o le tai.

Lua tosi o Koloniko 4:4 ပူးပေါင်းရင်းမြစ်များ

Uluaki tosi o Sau 7:25

Na teki loa le tai i ni pipi sila e kau agafulu tupu lua ; na agaaga a pipi e tolu ki le potu noleto, mo pipi e tolu ki le potu saute, mo pipi e tolu ki le potu esite, ti mo pipi e tolu ki le potu uesite ; ti na teki loa le tai i aluga o pipi, ti na agaaga loa ki loto olatou potu muli fuli.

Lua tosi o Koloniko 4:3

Na paaki loa i lalo o laugutu o le tai, i le takatakai katoa, ni pipi tagata, ko pipi e kau lua i le meta e tasi i atu e lua. Na kule fakatasi loa a pipi ana mo le tai ke tuu ko se nea e tasi.

Lua tosi o Koloniko 4:5

Ko le matotolu o le tai ko le alofilima e tasi, ti na gaoi loa lona laugutu ke faipe le laugutu o se ipu inu ki ni se o le lisi. Na fakaapele loa le tai ki liti e kau lelau kau lua afe.

Mateo 16:18

Ti ko au, e kau pati atu kiate koe, ko Petelo a koe, ti e kau fakatuu loa i le utu lena loku Ekelesia, ti e leaise makeke loa a matapa o le nofoaga o le kau mate iate ia.

Maleko 16:15

Ti na pati loa a ia kia latou : Kotou ano i le malama nei katoa, ti kotou fakamafola le logo malie ki tagata fuli.

Gaoi 9:15

Kae na pati loa le Aliki kiate ia : Ano, talie ko le tagata lena ko se nea gaoi kua kau filifili, ke ave ia loku suafa ki mua o puleaga, mo mua o sau, ti mo mua o vosa o Iselaele ;

Efeso 2:20

Kua fakatuu koutou i le fakatafito o le kau apositolo mo le kau polofeta, Sesu-Kilisito totonu, leia ko le fatu agele.

Apokalipisi 21:14

Ti ko le kaua o le kolo na fakatuu ki ni fatu fakatafito e kau agafulu tupu lua, ti na tosi i ai a igoa e kau agafulu tupu lua o apositolo e tino agafulu tupu lua a le Akeno.