Lua tosi o Koloniko 4:19 - Tosi Tapu

¹⁹ Na toe fai foki e Salomone ni iki ake a nea gaoi ki le fale o le Eteleno : le aletale aulo ; mo laupapa ala na teki ai a pane taputapu ;

Lua tosi o Koloniko 4:19 ပူးပေါင်းရင်းမြစ်များ

Lua tosi o Sau 24:13

Na too loa e ia a koloa fuli o le fale o le Eteleno mo koloa o le fale o le sau ; ti na maumaui loa e ia a nea aulo fuli na fai e Salomone, sau o Iselaele, ki le fale tapu o le Eteleno, o mulimuli ki le nea leia na fakasa e le Eteleno.

Uluaki tosi o Koloniko 28:16

Na soli loa e ia mo le aulo leia ke fai ai a laupapa o pane taputapu ; ti mo le paaga ki laupapa ala e tonu ke fai ki le paaga.

Lua tosi o Koloniko 2:3

Na kakau loa e Salomone ke pati kia Ilame, le sau o Tile : Ke ke fai mai kiate au ofaipe lau fai kia Tavite, loku tamana, leia na ke aumai ki ai ni sete ke fau ai lona fale nofo.

Lua tosi o Koloniko 36:10

I leia ake fetuu, na ave loa a ia e le sau ko Nepukatenesale ki Papilone mo nea gaoi mauiga o le fale tapu o le Eteleno. Ti na fakanofo loa e ia ke sau i Suta mo Selusalemi a Setesiasi, taina o Sosakini.

Lua tosi o Koloniko 36:18

Na ave loa e Nepukatenesale ki Papilone a nea gaoi fuli o le fale tapu o le Atua, a nea lalasi mo nea liliki, mo koloa o le fale o le Eteleno, ti mo koloa o le sau mo ana kau pule.

Lua tosi o Koloniko 4:8

Na fai loa e ia ni laupapa e kau agafulu, o tuku latou ki loto o le kogafale lasi o le fale tapu, o lima i le fetuu atamai, ti lima i le fetuu sema. Na fai loa e ia ni ipu aulo e kau lelau.

Selemia 28:3

Koi toe fua ni fetuu e lua, ti e kau toe fakaliliu mai loa ki le ganea leinei a ipu fuli o le fale o le Eteleno, ala na too e Nepukatenesale, sau o Papilone, i le ganea leinei, o ave ki Papilone.

Taniela 5:23

Na ke malaga ki aluga o agatuu ki le Aliki o le atu lagi ; ti na ke aumai a ipu o lona fale ki ou mua, ti na kotou inu ki ai le vino, e koe mo lau kau lalasi, mo au avaga, mo au feauaki ; na ke fakavikiviki ki atua siliva, mo aulo, mo kapa, mo ukamea, mo laakau, mo fatu, ala e leaise logo fua, e leaise tio fua, ti e leaise iloa fua se nea, kae na leaise ke fakakololiai le Atua leia e too ia i lona lima lau tukumanava ti mo ou ala fuli.

Mateo 12:4

pe na feaki lana ulu ki le fale o le Atua o kai a pane taputapu, ala na leaise taga fua ke kai e ia, pe ko latou ala na nonofo mo ia, kae na gato fai ki le kau tagata faisakilifisio ?

Apokalipisi 8:3

Ti na au loa se tasi ake aselo, o tuu i aluga o le aletale mo se tulipulo aulo ; ti na soli loa kiate ia ni kaloni mauke, o tupu ke momoli fakatasi e ia latou mo faikole a le kau sagato fuli, i aluga o le aletale aulo leia e tuu i mua o le ekeekeaga fakasau.

Apokalipisi 9:13

Ko le ono aselo na pupusi ia loa lana fakatagi pupusi. Ti na kau logo loa ki se leo na au mei talai pipi e fa o le aletale aulo leia e tuu i mua o le Atua,