Lua tosi o Koloniko 32:7 - Tosi Tapu

⁷ Kotou fakamakeke ti kotou loto makeke ! Aua na kotou tuania ia fua se nea ti aua na kotou i fua ki le sau o Asilia mo lana solia toka api leia e nofo mo ia ; talie e lasi ake le makeke ia tatou i leia ia latou.

Lua tosi o Koloniko 32:7 ပူးပေါင်းရင်းမြစ်များ

Lua tosi o Sau 18:30

Ke aua na taki koutou e Esekiasi ke tuku lakoutou fanaki ki le Eteleno, o pati : E saofaki loa tatou e le Eteleno, ti e leaise tuku loa le kolo leinei ki lima o le sau o Asilia.

Lua tosi o Sau 18:5

Na tuku loa e Esekiasi lana fanaki ki le Eteleno, le Atua o Iselaele ; ti na leaise maua loa se sau na toe tatau mo ia i sau fuli o Suta i ona mua mo ona muli.

Lua tosi o Sau 6:16

Na tali loa Eliseo : Aua na ke tuania fua, talie e api ake latou ala e kau mo taua ia latou ala e nofo mo latou.

Uluaki tosi o Koloniko 22:13

Ti e manuia loa au nea fuli, mo kapau e ke tokaga o fai a lao mo fakatotonu ala na tosi e le Eteleno kia Moisese o uiga mo Iselaele. Ke ke makeke mo loto toa, aua na ke tuania mo ke i ki se nea.

Uluaki tosi o Koloniko 28:10

Ke ke iloa papau kua filifili a koe e le Eteleno i le aso nei, o tupu ke ke fakatuu kiate ia se fale ko lona sagatualio. Ke ke fakamakeke ti ke ke gaoi.

Uluaki tosi o Koloniko 28:20

Na pati loa Tavite kia Salomone, lona vosa : Ke ke fakamakeke, ke ke loto makeke, ti ke ke gaoi, aua na ke tuania, ti aua na ke i fua. Talie e nofo loa le Eteleno Atua, loku Atua mo koe ; e leaise tuku noa loa fua e ia a koe, e leaise tiaki loa fua e ia a koe, o kaku ki le oki o gaoi fuli o le fale.

Lua tosi o Koloniko 15:7

Koia ke kotou fakamakeke, ti ke aua na kotou tuku ke gaegae okoutou lima, talie e i ai loa se totogi ki akoutou gaoi.

Lua tosi o Koloniko 16:7

I le temi lena, na ano loa Anani, le polofeta kia Asa, sau o Suta, o pati kiate ia : O tupu na ke fanaki ki le sau o Silia, kae na leaise ke fanaki ki le Eteleno, lou Atua, koia kua sola ai le solia a le sau o Silia mei ou lima.

Lua tosi o Koloniko 20:15

Ti na pati loa Sakasiele : Kotou fakalogologo mai, Suta katoa mo le kakai o Selusalemi, ti mo koe, sau ko Sosafate ! Ko leinei le folafola a le Eteleno kia koutou : Aua na kotou tuania ti aua na kotou i ki le kakai toka api lena, talie e leaise ko koutou loa ala ka tau, kae ko le Atua.

Lua tosi o Koloniko 20:17

E leaise kotou tau loa i le tau lena : Ke kotou ano fua, ke kotou tutuu i ai, ti e kotou tio loa ki le saofaki leia ka tuku atu loa e le Eteleno kia koutou. Suta mo Selusalemi, aua na kolua tuania ti aua na kolua i, i apogipogi, kotou ulu ki fafo o fakafetaulaki kia latou, ti e kau loa le Eteleno mo koutou !

Neemia 4:8

Na lotou fono fakatasi fuli loa ke lotou au o taui Selusalemi, o tupu ke taofi lona toe lagai.

Pesalemo 118:8

E malie ake le afa o se mumuniaga i le Eteleno I le fanaki ki le tagata ;

Esaia 35:4

Kotou pati kia latou ala kua loto gaegae : Kotou loto makeke, aua na kotou i ; Ko leinei lokoutou Atua, e au loa le tautea, Le totogi a le Atua ; E au loa a ia totonu, ti e fakamauli loa e ia koutou.

Selemia 42:11

Aua na kotou i ki le sau o Papilone, leia e kotou i ki ai ; aua na kotou i kiate ia, e pati le Eteleno, talie e kau nofo mo koutou o fakamauli koutou ti mo saofaki koutou mei lona lima.

Taniela 10:19

Ti na pati mai loa a ia kiate au : Aua na ke i, tagata alofaina, ke iate koe le tokamalie ! Loto makeke ! Loto makeke ! I le lolotoga o lana masau mai kiate au, na kau toe maua loa loku makeke, ti na kau pati loa : Ke masau loku Aliki, talie kua ke fakamakeke au.

Sakalia 4:6

Ti na toe masau mai loa a ia kiate au, o pati : Ko leinei le folafola leia e tuku e le Eteleno kia Solopapele : E leaise ko le fakamakeke pe ko le makeke, kae ko loku Laumalie, e folafola le Eteleno o kau tau.

Sakalia 8:23

Koia e folafola ai le Eteleno o kau tau, o pati : I aso ana, e too loa e ni tagata e tino agafulu mei masau kesekese fuli o atu puleaga se tagata Sutea e toka tasi i le tapatapa o lona kofu, o pati : E motou ano loa mo koe, talie kua motou iloa kua nofo le Atua mo koutou.

Sakalia 8:9

Koia e folafola ai le Eteleno o kau tau, o pati : Kotou fakamakeke okoutou lima, koutou ala e logo i le aso leinei ki folafola anei mei le gutu o polofeta ala na sa i le temi leia na fakatafito ai le fale tapu o le Eteleno o kau tau, i le temi leia na kamata fakatuu ai le fale tapu.

Loma 8:31

Kolea loa ke tou pati ki nea ana ? Kapau e kau le Atua mo tatou, ko ai loa ka fakafesagai mai kia tatou ?

Efeso 6:10

Fakaoki, kotou fakamakeke i le Aliki, ti kotou fakamakeke ki lona makeke mafimafi.

Tetelonome 20:1

Ka ke ano loa o tau ki ou fili, ti ke tio loa ki ni osi, mo ni saliote mo se kakai leia e api ake iate koe, ke aua na ke i loa kia latou ; talie ko le Eteleno, lou Atua, leia na fakamavae ia a koe mei Esipito, e kau loa mo koe.

Tetelonome 31:23

Na tuku loa e le Eteleno ana fakatotonu kia Sosue, vosa o Nune. Na pati loa a ia : Ke ke fakamakeke mo ke loto makeke, talie ko koe leia e fakaulu ia loa fanau a Iselaele ki le fenua leia na kau fakapapau ke soli kia latou ; ti e kau nofo totonu loa mo koe.

Lua tosi kia Timoteo 2:1

Ko koe loa, ei laku fanau, fakamakeke a koe i le kalasia leia ia Sesu-Kilisito.

Uluaki tosi a Soane 4:4

Ko koutou, fanau liliki, e kotou au mei le Atua, ti kua kotou malo i le kau polofeta loi, talie ko leia e nofo ia koutou e lasi ake i leia e nofo i le malama nei.