Lua tosi o Koloniko 32:5 - Tosi Tapu

⁵ Na loto makeke loa Esekiasi ; na toe fau loa e ia le paa leia na maumau, ti na toe siki ake loa e ia a ia ke taualuga o kaku ki tule leo, na toe fai loa e ia mo le tasi ake paa ki tafa, na fakamakeke loa e ia a Milo i le kolo o Tavite, ti na teuteui loa e ia ni masafu mo ni paletau o lasi ai.

Lua tosi o Koloniko 32:5 ပူးပေါင်းရင်းမြစ်များ

Lua tosi a Samuele 5:9

Na nofo loa Tavite i le kolo tau, leia na fakaigoa loa e ia ko le kolo o Tavite. Na toe laga foki e ia ni iki kolo tau i le takatakai o le kolo, i le vasa o Milo mo lona nofoaga.

Uluaki tosi o Sau 11:27

Ko leinei le tupuaga o lana fakafesagai ki le sau ko Salomone. Na lolotoga fakatuu e Salomone a Milo, ti mo tapono e ia le pu i le paa o le kolo o Tavite, lona tamana.

Uluaki tosi o Sau 9:24

Na pale ake loa le taine o Falaone mei le kolo o Tavite ki lona fale leia na fakatuu e Salomone. Ti na fakatuu loa e Salomone a Milo i le temi lena.

Lua tosi o Sau 12:20

Na fono loa ana tagata fakasausau ke tamate a ia ; na lotou tamate loa Soasi i le fale o Milo, leia e tuu i le ifoaga ki Sila.

Lua tosi o Sau 25:4

Ti na fai loa se pu i le paa o le kolo ; ti na sosola loa a tagata tau fuli o Suta i le pouli, i le ala o le matapa i vasa o paa ala e ofi ki le oloto o le sau, kae na lolotoga takatakai e le kau Kaletea le kolo. Na too loa e le kau tagata ala na sosola le ala o le toafa.

Lua tosi o Koloniko 12:1

I le temi na makeke ai Lopoamo i lona puleaga ti na makeke ai lona puleaga, na tiaki loa e ia le lao a le Eteleno, ti na tiaki loa e Iselaele katoa le lao a le Eteleno o mulimuli kiate ia.

Lua tosi o Koloniko 23:1

I le fitu o fetuu, na loto makeke loa Seosata ti na fai loa e ia se sai mo pule o tino lelau ko Asalia, vosa o Selokame, mo Isemaele, vosa o Sokanane, mo Asalia, vosa o Opeto, mo Maasesa, vosa o Atasa, ti mo Elisapate, vosa o Sikeli.

Lua tosi o Koloniko 25:23

Na too loa e Soasi, sau o Iselaele, a Amatesia, sau o Suta, vosa o Soasi, vosa o Soakase i Pete-Semesi. Na ave loa e ia a ia ki Selusalemi, ti na maumaui loa e ia a meta e kau lelau lua i le paa o Selusalemi, i le vasa o le matapa o Efalaimi mo le matapa i le tifi.

Lua tosi o Koloniko 26:8

Na fai loa e le kau Amone ni nea alofa kia Osiasi, ti na mafola loa lona logologona o kaku ki koiga o Esipito, talie na liliu loa a ia o makeke lasi ai.

Lua tosi o Koloniko 33:14

I le oki o nea ana, na laga loa e ia i tafa o le kolo o Tavite, i le potu uesite, i le fetuu o Kioni, i le vaivailiua, se paa taualuga, leia na ano o kaku ki le matapa o ika, ti na takatakai ia le mauga ; na toe tuku foki e ia ni pule solia ki kolo tau fuli o Suta.

Taagapati 25:28

Ofaipe se kolo sala solia ti sala paa, E fenaaki le tagata leia e leaise mafai ke lolomi ia lona ita.

Selemia 39:4

I le tio loa a Setesiasi, sau o Suta, mo kau tagata tau fuli kia latou, na lotou sosola loa, ti na lotou mavae loa mei le kolo i le pouli i le ala o le oloto o le sau, mo le matapa i loto o paa e lua, ti na lotou too loa le ala o le toafa.

Soele 2:8

E leaise lotou fetekeaki le tasi ki le tasi, Kae e lotou tasi saele i lona atu ; E lotou oso ki faigataa fuli, E leaise toe fakatuu latou e se nea.

Tuifakamaau 9:6

Na fakatasi loa tagata fuli o Siseme mo le kakai fuli o Pete-Milo, ti na lotou ano loa ki le sene o Siseme, i tafa o le fatu tapu, o fakanofo Apimeleke ke sau.