Lua tosi o Koloniko 26:9 - Tosi Tapu

⁹ Na fakatuu loa e Osiasi ni tule tau i Selusalemi, i le matapa o le tifi, mo le matapa o le vaivailiua, ti mo aluga o le agele, ti na fakamakeke loa e ia latou.

Lua tosi o Koloniko 26:9 ပူးပေါင်းရင်းမြစ်များ

Lua tosi o Sau 14:13

Na too loa e Soasi, sau o Iselaele, i Pete-Semesi, a Amatesia, sau o Suta, vosa o Soasi, vosa o Akasia. Na au loa Soasi ki Selusalemi, o fai se fa pu leia na meta kau lelau lua lona loa i le paa o Selusalemi, mei le matapa o Efalaimi o kaku ki le matapa i le tifi.

Lua tosi o Koloniko 25:23

Na too loa e Soasi, sau o Iselaele, a Amatesia, sau o Suta, vosa o Soasi, vosa o Soakase i Pete-Semesi. Na ave loa e ia a ia ki Selusalemi, ti na maumaui loa e ia a meta e kau lelau lua i le paa o Selusalemi, i le vasa o le matapa o Efalaimi mo le matapa i le tifi.

Neemia 2:13

Na kau ulu loa ki fafo i le pouli i le matapa o le vaivailiua, ti na kau ano loa ki le matapuna vai o le Talakone, ti mo le matapa o penu, ti na kau sivisivi loa a paa fatu o Selusalemi, ala kua solo, ti na kau fakakaukau loa ki ona matapa, ala kua tutu o okioki e le afi.

Neemia 2:15

Na kau pale loa, i le pouli aifai, i le vaivailiua, o toe tioi le paa. Ti na kau toe ulu loa ki le kolo i le matapa o le vaivailiua, o kau toe liliu loa i ai.

Neemia 3:13

Na fakafoou loa e Anune mo le kakai o Sanoake le matapa o le vaivailiua. Na lotou lagai a ia, o fakapipiki ona matapa, mo ona loka, ti mo ona laakau fakamaumau. Na lotou toe fai foki mo ni meta e kau lelau lima o le paa o kaku ki le matapa o penu.

Neemia 3:24

Na olo mai loa kia laua a Pinui, vosa o Enatate, leia na lagai ia loa le tasi a koga o le paa fatu, mei le fale o Asalia o kaku ki le pikoga o le paa fatu, i le tuliki.

Neemia 3:32

Na gaoi loa le kau tufuga aulo mo le kau fai koloa i le vasa o le kogafale taualuga o le tuliki ti mo le matapa o ovi.

Selemia 31:38

Ko leinei, e au a aso, e pati le Eteleno, Ala e toe laga ai loa le kolo ki le Eteleno, Mei le tule o Ananeele o kaku ki le matapa i le agele.

Sakalia 14:10

E liliu loa le fenua katoa ofaipe le fenua tokamalie, mei Kepa o kaku ki Limoni I le potu saute o Selusalemi ; Ti e malaga loa Selusalemi ki aluga ti e tuu loa a ia i lona tuuaga, Mei le matapa o Pesamino o kaku ki le uluaki matapa, O kaku ki le matapa o agele, Ti mei le tule o Ananeele o kaku ki tatauaga vino o le sau.