Lua tosi o Koloniko 26:7 - Tosi Tapu

⁷ Na tokoi loa le Atua kiate ia i le tau mo le kau Filisitini, mo le kau Alape ala na nonofo i Kule-Paale, ti mo le kau Maoni.

Lua tosi o Koloniko 26:7 ပူးပေါင်းရင်းမြစ်များ

Uluaki tosi o Koloniko 12:18

Ti na ifo loa le Laumalie o le Atua kia Amasai, ko se tasi o le pule solia, ti na pati loa a ia : E motou kau mo koe, Tavite, vosa o Isaia ! Tokamalie, tokamalie kiate koe, tokamalie kia latou ala e tokoi kiate koe, talie na tokoi kiate koe lou Atua ! Ti na tali loa latou e Tavite, o fakanofo latou ke kau i le kau pule o le solia.

Uluaki tosi o Koloniko 4:41

Ko tagata ana, kua tosi olatou igoa, na kaku loa ki le fenua i le sau a Esekiasi i Suta ; na lotou taui loa a falela o le sakoga o Sami mo le kau Maoni ala na nonofo i ai, ti na lotou tamate le kakai o puli ai o kaku mai ki le aso nei, kae na lotou nonofo loa i olatou nofoaga, talie na maua i ai se mutie ki alatou kau manu.

Uluaki tosi o Koloniko 5:20

Na tokoi loa le Atua kia latou, ti na lotou malo loa i le kau Akale mo latou ala na kau mo le kau Akale. Talie i le lolotoga o le tau, na lotou tagi ki le Atua ti na tali loa le Atua kia latou talie na lotou fanaki kiate ia.

Uluaki tosi o Koloniko 5:22

talie na lasi ai a mate, o tupu na au le tau mei le Atua. Ti na lotou nonofo loa i nofoaga o le kau Akale o kaku ki le temi leia na ave popula ai loa latou.

Lua tosi o Koloniko 14:10

Na tagi loa Asa ki le Eteleno, lona Atua, o pati : Eteleno, ko koe toka tasi e mafai ke au o tokoi ki leia e gaegae mo leia e makeke : au o tokoi mai kia matou, Eteleno, lomatou Atua ! talie ko koe leia e motou fanaki ki ai, ti na motou au i lou suafa o taui le kakai api leinei. Eteleno, ko koe ko lomatou Atua : ke aua na malo le tagata iate koe !

Lua tosi o Koloniko 14:11

Na taai loa e le Eteleno le kau Etiopia i mua o Asa mo Suta, ti na sosola loa le kau Etiopia.

Lua tosi o Koloniko 17:11

Na fai loa e ni kau Filisitini ni nea alofa kia Sosafate ti mo se tukusau ko se siliva ; ti na aumai foki e le kau Alape kiate ia ni kau manu, ko ovi tagata e fitu afe mo kau lelau e fitu, mo koti tagata e fitu afe mo kau lelau e fitu.

Lua tosi o Koloniko 20:1

I le oki o le nea lena, na ano loa a vosa o Moape mo vosa o Amone, ti mo ni tagata Maoni, ke taui Sosafate.

Lua tosi o Koloniko 21:16

Ti na lagai ake loa e le Eteleno le kau Filisitini mo le kau Alape ala na nonofo i tafatafa o le kau Etiopia ke taui Solame.

Lua tosi o Koloniko 25:8

Kapau e ke ano loa mo latou, e logo ai pe ke makeke loa i le tau, kae e tuku loa a koe e le Atua ke vilo i mua o ou fili, talie e maua e le Atua le pule ke tokoi ti ke fakavilo.

Pesalemo 18:29

Io, e ke fakamu loku malama ; Eteleno, loku Atua, fakamalama oku pouli.

Esaia 14:29

Aua na ke fakafiafia, fenua o le kau Filisitini, I le fatii o le laakau leia na taai ia a koe ! Talie e ulu loa mei le aka o le gata se gata utikona, Ti e liliu loa lona fua ko se talakone lele.

Gaoi 26:22

Kae, i le tokoi a le Atua, koi kau mauli o kaku mai ki le aso nei, o fakamaoki i mua o le kau liliki mo le kau lalasi, kae e leaise kau sese fua i se nea fakaikiiki mei nea ala na fakasa e le kau polofeta mo Moisese e tonu ke soko,