Lua tosi o Koloniko 26:5 - Tosi Tapu

⁵ Na fakamalotoloto loa a ia o afa le Atua i le lolotoga o le mauli o Sakalia, leia na poto i le iloa o nea ala na sa mei le Atua ; ti na fakamanuia loa a ia e le Atua i le temi leia na afa ai loa e ia le Eteleno.

Lua tosi o Koloniko 26:5 ပူးပေါင်းရင်းမြစ်များ

Senesi 41:15

Na pati loa Falaone kia Sosefo : Na kau fai ia se moe miti, ti na leaise mafai ke fakamatala a ia e se tasi. Ti na kau logo e ke fakamatala ia a moe miti, i le oki o lau fakalogo ki ai.

Senesi 41:38

Ti na pati loa Falaone kia ana minisi : E nofo le tagata leinei mo le Laumalie o le Atua. Pe tou toe maua loa se tasi ake tagata ofaipe ia leinei ?

Lua tosi o Sau 15:34

Na fai loa e Sotame le nea leia e totonu i mata o le Eteleno ; na gaoi katoa a ia pe le gaoi a Osiasi, lona tamana.

Uluaki tosi o Koloniko 22:11

I le lakaga nei, ei loku vosa, ke nofo le Eteleno mo koe, o tupu ke manuia au gaoi ti ke ke fakatuu le fale o le Eteleno, lou Atua, ofaipe le nea leia na fakasa e ia o uiga mo koe !

Uluaki tosi o Koloniko 22:13

Ti e manuia loa au nea fuli, mo kapau e ke tokaga o fai a lao mo fakatotonu ala na tosi e le Eteleno kia Moisese o uiga mo Iselaele. Ke ke makeke mo loto toa, aua na ke tuania mo ke i ki se nea.

Lua tosi o Koloniko 14:6

Na pati loa a ia kia Suta : Tou fakatuu a kolo anei ti tou takatakai latou ki ni paa, mo ni tule leo, mo ni matapa, ti mo ni ukamea fakamaumau. Koi tuu foki le fenua i otatou mua, talie na tou aga o afa le Eteleno, lotatou Atua, io, na tou afa a ia, ti na soli mai e ia kia tatou le malolo mei potu fuli. Koia na lotou laga loa ti na lotou manuia loa.

Lua tosi o Koloniko 15:2

ti na ano loa Asalia ki mua o Asa, o pati kiate ia : Kotou fakalogo mai, ei Asa, mo Suta, ti mo Pesamino katoa ! E nofo le Eteleno mo koutou mo ka e kotou nofo mo ia ; kapau e kotou afa a ia, e kotou maua loa a ia ; kae kapau e kotou tiaki a ia, e tiaki loa e ia koutou.

Lua tosi o Koloniko 24:2

Na fai loa e Soasi le nea leia e malie ki mata o le Eteleno i le lolotoga o le mauli katoa o le tagata faisakilifisio ko Seosata.

Lua tosi o Koloniko 25:8

Kapau e ke ano loa mo latou, e logo ai pe ke makeke loa i le tau, kae e tuku loa a koe e le Atua ke vilo i mua o ou fili, talie e maua e le Atua le pule ke tokoi ti ke fakavilo.

Lua tosi o Koloniko 26:4

Na fai loa e ia le nea leia e totonu i mua o le Eteleno, ofaipe Amatesia, lona tamana.

Lua tosi o Koloniko 27:6

Na liliu loa Sotame o makeke, talie na saele a ia i ala o le Eteleno lona Atua.

Lua tosi o Koloniko 29:1

Na sau Esekiasi i lona fetuu kau lua tupu lima, ti na sau loa a ia i fetuu e kau lua tupu iva i Selusalemi. Na igoa lona tinana ko Apisa, taine o Sakalia.

Lua tosi o Koloniko 32:30

Ko Esekiasi foki leia na tapono ia le matapuna vai o Kioni, kae taki loa e ia le vai ki le potu uesite o le kolo o Tavite. Na manuia loa Esekiasi i ana gaoi fuli na fai.

Pesalemo 1:3

E tatau a ia mo se laakau na to i tafa se tafeaga vai, Leia e fua i lona temi, Ti e leaise gini lona lau : Ko nea fuli ala e fai e ia e manuia kiate ia.

Taniela 1:17

Na soli loa e le Atua ki tupulaga ana e toka fa le poto, mo le atamai i faasiga faitosi fuli ti mo le poto ; ti na fakamatala loa e Taniela a tio fuli mo moe miti fuli.

Taniela 10:1

I le fetuu tolu o Silusi, sau o Pelesi, na fakasa loa se folafola kia Taniela, leia na fakaigoa ko Pelesatesale. Ko le folafola lena, leia ko se folafola maoki, e fakasa ia se malaia lasi. Na tokaga loa a ia ki le folafola lena, ti na matala loa a ia ki le uiga o le tio.

Taniela 2:19

Ti na fakasa loa le nea fakafufu kia Taniela, i se tio i le pouli. Ti na fakafetai loa Taniela ki le Atua o le atu lagi.

Taniela 5:16

Na kau logo e mafai ke ke fakamatala le uiga o masau fakapulipuli ti mo le vevete o nea faigataa. I le lakaga nei, kapau e ke mafai ke ke lau le faitosi leinei ti mo ke fakamatala mai kiate au lona uiga, e fakakofu loa a koe ki le kofu kula, ti e fakatau loa se kasoa aulo ki lou ua, ti e ke maua loa le tuulaga tolu o le puleaga.

Oseo 6:4

Kolea e kau fai loa kiate koe, Efalaimi ? Kolea e kau fai loa kiate koe, Suta ? Ko lokoutou alofa kiate au e faipe le kokofu i le usu, Pe le sasau leia e puli vave !

Gaoi 20:30

ti e mafuta loa i lotomalie o koutou, ni tagata ala e ako ia loa ni nea salasala, ke toso ai a tisipulo i olatou muli.

Sosue 1:7

Ko leia fua ke ke fakamakeke, mo ke loto toa lasi, o agatonu ki le lao katoa leia na kau tuku kia Moisese, laku tagata fakasausau : Ke aua na ke maliu ki le fetuu atamai pe ko le fetuu sema, o tupu ke ke manuia i ganea fuli e ke ano loa ki ai.

Sosue 1:8

Ke aua na mamao loa mei lou gutu le tosi leinei o le lao ; kae ke ke metitasio a ia i le ao mo le pouli, o tupu ke ke agatonu ki nea fuli e tuu i ai ; talie koia e ke manuia ai loa i ou ala, koia e ke poto ai loa.

Tuifakamaau 2:7

Na tausi loa le kakai ki le Eteleno i le temi katoa o Sosue, ti mo le temi katoa o le tautupu leia na olo atu kia Sosue ti na tio ki gaoi lalasi fuli na fai e le Eteleno ki Iselaele.