Lua tosi o Koloniko 26:18 - Tosi Tapu

¹⁸ tagata loto makeke, ala na fakafesagai loa ki le sau ko Osiasi, o pati kiate ia : E leaise taga kiate koe, Osiasi, ke ke momoli ni kaloni ki le Eteleno ! E fakalogo le tuulaga lena ki le kau tagata faisakilifisio, vosa o Alone, ala na fakatapui ke momoli ia latou. Mavae mei le sagatualio, talie e ke fai ia se agasala ! Ti e leaise maliu loa le nea lena o malie kiate koe i mua o le Eteleno Atua.

Lua tosi o Koloniko 26:18 ပူးပေါင်းရင်းမြစ်များ

Lua tosi o Koloniko 19:2

Ti na ano loa Seu, vosa o Anani, le polofeta, o fakafetaulaki kiate ia. Ti na pati loa a ia ki le sau ko Sosafate : Pe totonu kiate koe ke ke tokoi ki le tagata agaveli ? Pe ke alofa kia latou ala e vesia ki le Eteleno ? Koia kua ita ai le Eteleno kiate koe.

Lua tosi o Koloniko 30:7

Aua na kotou faipe okoutou tamana mo okoutou fetaina, ala na agasala ki le Eteleno, le Atua o okoutou tamana, ti na tuku e ia ki le malaia ofaipe le nea leia e kotou tio ki ai.

Ekesote 28:1

Fakafeofi mai kiate koe lou taokete ko Alone, mo ona vosa, ti ke vaei kese latou mei fanau a Iselaele, o ke fakanofo latou ke gaoi kiate au i le gaoi fakapelepitelo : Ko Alone mo ona vosa ko Natape, mo Apiu, mo Eleasale, mo Itamale.

Selemia 13:18

Pati ki le sau mo le fafine sau : Kolua tonatona ki le kele ! Talie kua vilo mei okoulua ulu Le pala fakasau leia na teu fakaaliki ia koulua.

Taniela 4:37

I le temi nei, ko au Nepukatenesale, e kau fakavikiviki, e kau atolasio, ti e kau fakakololiai le sau o le atu lagi, leia e maoki ana gaoi fuli ti e totonu ona ala, ti e mafai ke tuku ia ki lalo latou ala e saele i le fia nealasi.

Numelo 18:7

Ko koe, Alone, mo ou sakoga, e kotou fai loa lakoutou gaoi fakapelepitelo i le aletale mo le ganea taputapu i loto o le kie tapono : Ko au leia e soli fakaalofa atu ia kia koutou le gaoi fakapelepitelo. Kapau e fakafeofi mai loa se tasi kese kiate au, e tautea loa a ia ki le mate.

Numelo 3:10

E ke fakanofo loa Alone mo ona vosa ke fai ia le gaoi o le tagata faisakilifisio lasi. Ti kapau e fakafeofi loa se tagata kese ki ai, ti e tautea loa a ia ki le mate.

Mateo 10:18

e taki loa koutou, o tupu ko au, ki mua o ni kovana, ti mo ni sau, ke kotou liliu ko ni fakamaoki kia latou ti mo le kau pagani.

Mateo 10:28

Aua na kotou i kia latou ala e tamate ia le tino kae e leaise mafai ke lotou tamate ia le laumalie ; kotou i tafito ki leia e tamate ia le laumalie ti mo le tino i Ifeli.

Mateo 14:4

talie na pati Soane kiate ia : E leaise taga kiate koe ke ke nofo fakataumatua mo ia.

Soane 5:44

E feaki le mafai ke kotou tui, koutou ala e afa ia lokoutou kololia ia koutou, kae e leaise kotou afa le kololia leia e au mei le Atua toka tasi ?

Uluaki tosi ki le kau Kolinto 5:5

ke tuku le tagata lena kia Satana ke maumaui le tino, kae ke fakamauli le laumalie i le aso o le Aliki ko Sesu.

Lua tosi ki le kau Kolinto 5:16

Koia, i le temi nei, e leaise ma iloa ai se tasi fua i le kanofi ; ti kapau na ma iloa Kilisito i le kanofi, i le temi nei e leaise koi ma iloa a ia i le fai lena.

Kalate 2:11

Kae i le au loa a Kefasi ki Atiokia, na kau tuu loa ki aluga o valoki a ia, talie na tonu ke valoki a ia.

Epelo 5:4

E leaise mafai ke too e se tasi le tulaga mauiga lena kiate ia ; kae na leaise kalagai a ia e le Atua, ofaipe Alone.

Sakopo 2:1

Ei oku fetaina, ke mea lakoutou tui ki lotatou Aliki fakakololia ko Sesu-Kilisito mei fakapalatasi fuli.

Sosue 22:15

Na lotou ano loa ki le fenua o Kalaate ki vosa o Lupeni, mo vosa o Kate, ti mo vosa o le vaelua o Manase, ti na lotou masau loa, o pati :

Uluaki tosi a Samuele 2:30

Koia ko leinei le nea leia e fakasa e le Eteleno, le Atua o Iselaele : Na kau fakasa e saele loa lou fale mo le fale o lou tamana i oku mua o lee gato. Kae i le aso nei, e pati le Eteleno : Ke mamao le nea lena iate au ! talie e kau siki loa ki aluga leia e fakaapaapa loa kiate au, kae e kau tuku loa ki lalo leia e nukinuki loa kiate au.