Lua tosi o Koloniko 23:3 - Tosi Tapu

³ Na fai loa e le fakatasiga katoa se sai mo le sau i le fale o le Atua. Ti na pati loa Seosata kia latou : Ko leinei, e sau loa le vosa o le sau, ofaipe lona fakasa e le Eteleno o uiga mo vosa o Tavite.

Lua tosi o Koloniko 23:3 ပူးပေါင်းရင်းမြစ်များ

Lua tosi a Samuele 5:3

Koia na au loa le kau matua fuli o Iselaele kia Tavite i Epelone, ti na fai loa e le sau ko Tavite se sai mo latou i mua o le Eteleno. Na lotou pani lolo loa Tavite ko le sau o Iselaele.

Lua tosi a Samuele 7:12

Ka oki loa ou aso, ti e ke moe loa mo ou tamana, e kau lagai loa lou sakoga i ou muli, leia e ulu loa mei ou tootooga, ti e kau fakamakeke loa lana pule.

Lua tosi a Samuele 7:16

E tuu loa lou fale mo lou puleaga o lee gato, ti e tuu makeke loa lou ekeekeaga fakasau o lee gato.

Uluaki tosi o Sau 2:4

o tupu ke fakasoko e le Eteleno le folafola leinei na fai e ia kiate au : Kapau e tokaga loa ou vosa ki olatou ala, o saele agatonu i oku mua, i lolatou loto katoa, ti mo lolatou laumalie katoa, e leaise ke toe mativa tagata loa i ou muli, ke ekeeke i le ekeekeaga fakasau o Iselaele.

Uluaki tosi o Sau 9:5

e kau fakatuu mau loa le ekeekeaga fakasau o lou puleaga i Iselaele, ofaipe laku fakasa kia Tavite, lou tamana, o pati : E leaise ke mativa loa i se tagata ke fetogi ia a koe i le ekeekeaga fakasau o Iselaele.

Lua tosi o Sau 11:17

Na fai loa e Seosata se sai i mua o le Eteleno, mo le sau, ti mo le kakai, ke lotou liliu ko kakai a le Eteleno ; ti na fai foki e ia le sai i le vasa o le sau mo le kakai.

Uluaki tosi o Koloniko 11:3

Koia na ano loa le kau matua fuli o Iselaele ki le sau i Epelone, ti na fai loa e Tavite se sai mo latou i Epelone, i mua o le Eteleno. Na lotou pani lolo loa Tavite ko le sau o Iselaele, o mulimuli ki le folafola a le Eteleno, leia na fakasa e Samuele.

Lua tosi o Koloniko 21:7

Kae na leaise loto loa le Eteleno ke maumaui le famili o Tavite, o tupu ko le sai leia na fai e ia mo Tavite ti mo le fakapapau leia na fai e ia kiate ia ke soli tuumau se malama kiate ia mo ona vosa.

Lua tosi o Koloniko 23:16

Na fai loa e Seosata, mo le kakai katoa, ti mo le sau, se sai, o tupu ko le kakai latou a le Eteleno.

Lua tosi o Koloniko 6:16

I le lakaga nei, Eteleno, Atua o Iselaele, ke ke fakasoko le fakapapau leia na ke fai kia Tavite, loku tamana, o pati : E leaise ke mativa loa i se aso i oku mua i se tagata leia ke nofo i le ekeekeaga fakasau o Iselaele, o fetogi a koe, ko leia fua ke tokaga ou vosa ki olatou ala ti ke lotou saele i laku lao ofaipe lau saele i oku mua.

Lua tosi o Koloniko 7:18

e kau fakamakeke loa le ekeekeaga fakasau o lou puleaga, ofaipe le nea leia na kau fakapapau kia Tavite, lou tamana, o pati : E ke maua tuumau loa se tasi i lou sakoga ke sau i Iselaele.

Pesalemo 89:29

E kau taupau tuumau loa kiate ia loku agamalie, Ti e agatonu loa laku sai kiate ia ;

Pesalemo 89:36

Na kau fakapapau tua tasi i loku maokioki : Pe kau loi loa kia Tavite ?