Lua tosi o Koloniko 22:7 - Tosi Tapu

⁷ Ko le finegalo lena o le Atua ke ifo Akasia o fakatele kia Solame, talie ke mate ai. I le kaku loa a Akasia ki Siseleele, na ano loa a ia mo Solame o fakafetaulaki kia Seu, vosa o Nimesi, leia na fakanofo e le Eteleno ko le sau o tupu ke tamate le fale o Akapo ke puli.

Lua tosi o Koloniko 22:7 ပူးပေါင်းရင်းမြစ်များ

Uluaki tosi o Sau 12:15

Koia na leaise fakalogo loa le sau ki le kakai ; talie na fakataga loa e le Eteleno le nea lena, ke fakasoko ai le folafola leia na fai e le Eteleno i le gutu o Akisa mei Silo kia Selopoamo, vosa o Nepate.

Uluaki tosi o Sau 12:24

Ke ke pati kia latou : Ko leinei le folafola a le Eteleno : Aua na kotou pale loa o taui okoutou fetaina ko fanau a Iselaele ! Ke kotou tasi toe liliu ki lona kaiga, talie ko au leia na fakataga ia ke soko le nea leinei. Na lotou fakalogo loa ki le folafola a le Eteleno, ti na lotou toe liliu loa ki olatou falela, o mulimuli ki le folafola a le Eteleno.

Uluaki tosi o Sau 19:16

E ke toe pani lolo loa mo Seu, vosa o Nimesi, ko le sau o Iselaele ; ti e ke pani lolo loa mo Eliseo, vosa o Sapate, mei Apele-Meola, ko le polofeta ke fetogi ai a koe.

Uluaki tosi o Sau 22:20

Ti na pati loa le Eteleno : Ko ai leia ka fakalotoi ia loa Akapo ke pale o taui Lamoti i Kalaate, o tupu ke tamate ai a ia ?

Lua tosi o Sau 10:11

Ti na tamate loa e Seu latou fuli ala na toe i le famili o Akapo i Siseleele, lana kau lalasi fuli, mo ona kaiga, ti mo ana minisi, ti na leaise sao fua se fa toka tasi.

Lua tosi o Sau 9:21

Ti na pati loa Solame : Teuteui laku saliote ! Ti na teuteui loa lana saliote. Na tasi eke loa Solame, sau o Iselaele mo Akasia, sau o Suta, ki lana saliote, o ano ki mua o Seu, ti na lotou felavei loa i le faisaga o Napote mei Siseleele.

Lua tosi o Sau 9:27

I le tio loa a Akasia, sau o Suta, ki le nea lena, na sola loa a ia i le ala o le fale o le oloto. Na tuli loa a ia e Seu, o pati : Mo ia foki, kotou taai a ia i le saliote ! Ti na taai loa Akasia i le paleaga o Kule, o ofi ki Sipeleami. Na mumuni loa a ia i Mekito, ti na mate ai loa a ia.

Lua tosi o Koloniko 10:15

Koia na leaise fakalogo loa le sau ki le kakai ; talie na takitaki le nea lena e le Atua, ke fakasoko ai le folafola leia na fakasa e le Eteleno i le polofeta ko Akisa mei Silo, o uiga mo Selopoamo, vosa o Nepate.

Lua tosi o Koloniko 22:6

Na toe liliu loa Solame mei ai ki Siseleele ke faitoo ona lavea ala na fai e le kau Silia i le tau i Lama, i le temi na taui ai e ia Asaele, sau o Silia. Na ifo loa Asalia, vosa o Solame, sau o Suta, o fakatele kia Solame, vosa o Akapo, i Siseleele, i lona masaki.

Pesalemo 9:16

E vivilo a atu puleaga ki le popoko leia na lotou kenu, Ti e visia olatou vae i masele ala na lotou fufu.

Taagapati 16:9

E fakakaukau le loto o le tagata ki lona ala, Kae ko le Eteleno leia e taki ia ona lakaaga.

Esaia 46:10

E kau fakasa mei le kamataaga le nea leia e tonu ke soko, Ti mei mamao le nea leia e leikiaise soko ; E kau pati : E tuu mau loa aku fakatuutuu, Ti e kau fai loa loku finegalo katoa.

Oseo 14:9

Ko leia e poto ke tokaga ki nea anei ! Ko leia e atamai ke matala ki nea anei ! Talie e totonu a ala o le Eteleno ; E saele loa i ai le kau agatonu, Kae e sisiga loa i ai le kau agatuu.

Malakia 4:3

Ti e kotou takatakafi loa le kau agaveli, Talie e lotou fai loa pe se mugalafu I lalo o okoutou taga vae, I le aso leia e kau teuteui, E pati le Eteleno o kau tau.

Tetelonome 32:35

A aku le lagavaka mo le totogi, I le aso leia e seke ai loa olatou vae ! Talie kua ofi fua le aso o lolatou malaia, Ti e leaise toe tuvai loa le nea leia e talitali kia latou !

Sosue 11:20

Talie na fakataga e le Eteleno ke fakafefeka a loto o puleaga ana o tau ki Iselaele, o tupu ke tamate latou e Iselaele, ti ke aua na maua loa se alofa kia latou, kae ke tamate latou ke puli oki, o mulimuli ki le nea leia na fakatotonu e le Eteleno kia Moisese.

Tuifakamaau 14:4

Na leaise iloa loa e lona tamana mo lona tinana na au le nea lena mei le Eteleno : talie na afa loa e Samisoni se nea ke fefele ai mo le kau Filisitini. I le temi lena, na pule loa le kau Filisitini ki Iselaele.