Lua tosi o Koloniko 22:6 - Tosi Tapu

⁶ Na toe liliu loa Solame mei ai ki Siseleele ke faitoo ona lavea ala na fai e le kau Silia i le tau i Lama, i le temi na taui ai e ia Asaele, sau o Silia. Na ifo loa Asalia, vosa o Solame, sau o Suta, o fakatele kia Solame, vosa o Akapo, i Siseleele, i lona masaki.

Lua tosi o Koloniko 22:6 ပူးပေါင်းရင်းမြစ်များ

Lua tosi o Sau 8:29

Na toe liliu loa le sau ko Solame, o faitoo ona lavea i Siseleele, ona lavea ala i le tau mo Asaele, sau o Silia. Na ifo loa Akasia, vosa o Solame, sau o Suta, o fakatele kia Solame, vosa o Akapo, i Siseleele, talie na masaki a ia.

Lua tosi o Sau 9:15

Kae kua toe liliu loa le sau ko Solame o faitoo ona lavea i Siseleele, lavea ala i le tau mo Asaele, sau o Silia. Na pati loa a Seu : Kapau ko leinei lokoutou loto, ti e leaise toe sola loa se tasi mei le kolo, ke ano o fakasa le logo leinei ki Siseleele.

Lua tosi o Koloniko 21:17

Na lotou pale loa ke taui a Suta, ti na lotou ulu loa ki le fenua, ti na lotou too loa a koloa fuli ala na tuku i le fale o le sau, ti na lotou ave loa ona vosa mo ana avaga, o toe fai kiate ia a Soakase, lona vosa mulimuli.

Lua tosi o Koloniko 22:1

Na fakanofo loa e le kakai o Selusalemi a Akasia, le vosa mulimuli o Solame, ke sau o fetogi a ia ; talie na tamate e le solia leia na au mo le kau Alape latou fuli ala na mua. Koia na sau loa a Akasia, vosa o Solame, sau o Suta.

Lua tosi o Koloniko 22:5

Na muli loa a ia ki alatou tokoi, o ano loa a ia mo Solame, vosa o Akapo, sau o Iselaele, ke taui Asaele, sau o Silia, i Lamoti i Kalaate. Ti na lavea loa Solame i le kau Silia.

Lua tosi o Koloniko 22:7

Ko le finegalo lena o le Atua ke ifo Akasia o fakatele kia Solame, talie ke mate ai. I le kaku loa a Akasia ki Siseleele, na ano loa a ia mo Solame o fakafetaulaki kia Seu, vosa o Nimesi, leia na fakanofo e le Eteleno ko le sau o tupu ke tamate le fale o Akapo ke puli.

Sosue 15:56

mo Siseleele, mo Soketeame, mo Sanoake ;