Lua tosi o Koloniko 20:7 - Tosi Tapu

⁷ Pe leaise ko koe, ei lomatou Atua, leia na kapu ia le kakai o le fenua leinei, i mua o lou kakai ko Iselaele, ti na soli ia a ia o lee gato ki le sakoga o Apalaamo leia na alofa kiate koe ?

Lua tosi o Koloniko 20:7 ပူးပေါင်းရင်းမြစ်များ

Senesi 12:7

Na sa loa le Eteleno kia Apalamo, o pati : E kau soli loa le fenua leinei ki lou sakoga. Ti na fakatuu loa e Apalamo i le ganea lena se aletale ki le Eteleno, leia na sa kiate ia.

Senesi 13:15

talie ko le fenua katoa leia e ke tio ki ai, e kau soli atu loa a ia kiate koe mo lou sakoga, o tuumau.

Senesi 17:7

E kau fakatuu loa laku sai iate koe mo au, ti mo ou sakoga i ou muli, o mulimuli ki olatou tautupu. E lee gato loa le sai leinei, ti e fakasa e ia : ko Au ko lou Atua, ti ko le Atua o lou sakoga i ou muli.

Lua tosi o Koloniko 14:11

Na taai loa e le Eteleno le kau Etiopia i mua o Asa mo Suta, ti na sosola loa le kau Etiopia.

Lua tosi o Koloniko 20:8

Na lotou nofoi a ia, ti na lotou fakatuu i ai se sagatualio ki lou suafa, o pati :

Neemia 9:8

Na ke iloa loa lona loto na faitotonu i ou mua, na ke fai loa se sai mo ia, ti na ke fakapapau loa ke soli ki lona sakoga le fenua o le kau Kanaane, mo le kau Eti, mo le kau Amole, mo le kau Felesi, mo le kau Sepusi ti mo le kau Kilekasi, ti na ke taupau lau fakapapau, talie e ke faitotonu.

Pesalemo 44:2

Ei Atua ! na motou logo i omatou taliga, Na fakamatala mai kia matou e omatou tamana, A gaoi lalasi ala na ke fai i olatou aso, le temi mua.

Pesalemo 44:3

Na ke kapu ki lou lima ni puleaga ke fakanofo latou, Na ke taai ni kakai ke fakamafolafola latou.

Pesalemo 80:8

Ei Atua o kau tau, toe fakatuu ake matou ki aluga ! Fakagigila mai ou mata, ti e motou mauli loa !

Ekesote 20:2

Ko au ko le Eteleno, ko lou Atua, leia na fakamavae ia a koe mei le fenua o Esipito, mei le fale o le popula.

Ekesote 33:2

E kau kakau loa i ou mua se aselo, ti e kau kapu loa le kau Kanaane, mo le kau Amole, mo le kau Eti, mo le kau Felesi, mo le kau Evi, mo le kau Sepusi.

Ekesote 6:7

E kau too loa koutou ko loku kakai, ti e kau liliu loa ko lokoutou Atua, ti e kotou iloa loa ko au ko le Eteleno, ko lokoutou Atua, leia e fakalauatea ia koutou mei gaoi ala kua teki kia koutou e le kau Esipito.

Esaia 41:8

Kae ko koe, Iselaele, laku tagata fakasausau, Sakopo, leia na kau filifili, Sakoga o Apalaamo leia na kau alofa ki ai !

Soane 11:11

I le oki o folafola ana, na pati loa a ia kia latou : Ko lotatou kaukau nea ko Lasalo e moe ; kae kau ano nei o fafagu a ia.

Soane 15:15

E leaise kau toe fakaigoa koutou ko tagata fakasausau, talie e leaise iloa e le tagata fakasausau le nea leia e fai e lona pule ; kae kua kau fakaigoa koutou ko kaukaunea, talie kua kau fakasa kia koutou a nea fuli ala kua kau ako mei loku Tamana.

Tetelonome 4:38

na kapu e ia i ou mua ni puleaga ala e lalasi ake mo makeke ake iate koe, o tupu ke fakaulu e ia a koe ki lolatou fenua ke ke maua tofiga a ia, ofaipe lau tio ki ai i le aso nei.

Sakopo 2:23

Na fakamaoki i ai le nea leia e fakasa e le Tosi : Na tui Apalaamo ki le Atua, ti na lau le nea lena kiate ia ko se faitotonu ; ti na fakaigoa a ia ko le kaukau nea o le Atua.

Sosue 1:6

Ke ke fakamakeke mo ke loto toa, talie ko koe leia e ave ia loa le kakai leinei ki le fenua leia na kau fakapapau ki olatou tamana ke soli kia latou.

Sosue 23:9

Kua kapu e le Eteleno i okoutou mua ni puleaga lalasi mo makeke ; ti na leaise tasi fua na toe mafai ke tuu i okoutou mua.

Sosue 24:13

Na kau soli loa kia koutou se fenua leia na leaise kotou pakia ki ai, mo ni kolo ala na leaise kotou fakatuu ia kae kua kotou nofo ai, mo ni vite ti mo ni olive ala na leaise kotou to ia kae kua kotou kai olatou fua.

Sosue 24:3

Na kau too loa lokoutou tamana ko Apalaamo i le kauvai o le vaitafe ti na kau fakafoli a ia i le fenua katoa o Kanaane ; na kau soli loa kiate ia se sakoga mauke, ti na kau soli loa kiate ia Isaake.