Lua tosi o Koloniko 20:3 - Tosi Tapu

³ I le i o Sosafate, na loto loa a ia ke afa le Eteleno, ti na fakatotonu loa e ia ke fai se sesunio i Suta katoa.

Lua tosi o Koloniko 20:3 ပူးပေါင်းရင်းမြစ်များ

Lua tosi o Koloniko 11:16

Ko latou ala o faasiga fuli o Iselaele na afa ia le Eteleno, le Atua o Iselaele, na muli loa i le kau Levi ki Selusalemi ke lotou momoli ai ni sakilifisio ki le Eteleno, le Atua o olatou tamana.

Lua tosi o Koloniko 19:3

Kae na maua e ia iate koe ni nea malilie, talie na ke fakapuli i le fenua a taulaatua, ti na ke afa le Atua i lou loto katoa.

Lua tosi o Koloniko 7:14

kapau e fakataulalo loa loku kakai leia e too ki ai loku suafa, mo faikole loa, mo afa ia loa oku mata, ti kapau e fakasemala loa a ia mo maliu loa a ia mei ona ala veveli, e kau tali loa a ia mei lagi, e kau fakamolemole loa lana agasala ti e kau fakamauli loa lona fenua.

Neemia 9:1

I le aso kau lua tupu fa o le masina lena, na fakatasi loa fanau a Iselaele, ti na lotou tui loa ni taga mo pani loa le efu ki se sesunio.

Esitele 4:16

Ano, o fakatasii le kau Sutea fuli leia e nonofo i Suse, ti kotou sesunio kiate au, aua na kotou kai fua pe kotou inu fua i ni aso e tolu i le pouli mo le ao. Ko au foki, e kau sesunio loa mo aku fafine fakasausau, ti oki aia, e kau ano loa ki le sau, logo ai le lao ; ti kapau e tonu ke kau mate, e kau mate loa.

Selemia 36:9

I le fetuu lima o le sau o Sosakimi, vosa o Sosiasi, sau o Suta, i le masina iva, na fakatotonu loa se sesunio i mua o le Eteleno ki le kakai katoa o Selusalemi mo le kakai katoa leia na au mei kolo o Suta ki Selusalemi.

Taniela 9:3

Na fakamaliu loa oku mata ki le Aliki Atua, o tupu ke afa i le faikole mo le tagi, ti na kau sesunio loa o tui le taga mo pani le mugalafu.

Soele 1:14

Kotou logologo se sesunio, se fakatasi mamalu ! Kotou fakatasi a matua, mo kakai fuli o le fenua I le fale o le Eteleno, lokoutou Atua, Ti kotou tagi ki le Eteleno !

Amosi 5:4

Talie e folafola le Eteleno ki le fale o Iselaele, o pati : Kotou afa au ! ti e kotou mauli loa !

Sonasi 1:16

Ti na maua loa e le kau tagata lena se i lasi ki le Eteleno, ti na lotou momoli loa se sakilifisio ki le Eteleno, ti na lotou fai loa ni fakapapau.

Mateo 10:28

Aua na kotou i kia latou ala e tamate ia le tino kae e leaise mafai ke lotou tamate ia le laumalie ; kotou i tafito ki leia e tamate ia le laumalie ti mo le tino i Ifeli.

Tuifakamaau 20:26

Na pale loa a fanau fuli o Iselaele mo le kakai katoa ki Petele. Ti na lotou fetagisi loa ti na lotou nonofo loa i ai i mua o le Eteleno, ti na lotou sesunio loa i le aso lena o kaku ki le afiafi, ti na lotou momoli loa ki le Eteleno ni failaulau mo ni sakilifisio fakafetai.

Uluaki tosi a Samuele 7:6

Na lotou asu loa se vai o liligi i mua o le Eteleno, ti na lotou sesunio loa i le aso lena, o pati : Kua motou agasala ki le Eteleno ! Na fakamaaui loa e Samuele a fanau a Iselaele i Misipa.