Lua tosi o Koloniko 2:6 - Tosi Tapu

⁶ Kae ko ai leia e mafai ia le laga o se fale kiate ia ? Talie ko leinei e leaise mafai ke o a ia i le laulasi katoa o le lagi. Ti ko ai au ke laga ia se fale kiate ia ? E kau laga fua se fale ke tutu ai ni nea fakamanogi i ona mua.

Lua tosi o Koloniko 2:6 ပူးပေါင်းရင်းမြစ်များ

Lua tosi a Samuele 7:18

Ti na ano loa le sau ko Tavite o nofo i mua o le Eteleno, o pati : Ko ai au, ei Aliki Eteleno ? ti kolea loku fale, kua ke fakakaku mai ai au ki le tuulaga e kau nofo ai nei ?

Uluaki tosi o Sau 7:13

Na aumai loa e le sau ko Salomone mei Tile a Ilame,

Uluaki tosi o Sau 7:14

vosa o se fafine lokonui mei le faasiga o Nefetali, ti mo se tagata Tile, leia na gaoi ki le sila. Na apele Ilame i le poto, mo le atamai, ti mo le iloa ke fai ia gaoi kesekese ki le sila. Na kaku mai loa a ia ki le sau ko Salomone, ti na fai loa e ia gaoi fuli ana.

Uluaki tosi o Sau 8:27

Kaea koia ! Pe nofo maoki loa le Atua i le malama nei ? Ko leinei, e leaise ke o fua i le lagi mo le atu lagi ! Ti e feaki ake loa le fale leinei kua kau fakatuu kiate koe ?

Uluaki tosi o Koloniko 22:15

E ke maua loa i ou tafa se kau gaoi api, ni kau tagata tafatu, ni kau tagata fai papa mo ni kau tagata tufuga kesekese.

Uluaki tosi o Koloniko 29:14

Talie ko ai au ti ko ai loku kakai, ke mafai ai lamatou momoli atu kiate koe a nea alofa anei ? E au nea fuli meiate koe, ti e motou tali mei lou lima a nea fuli ala e motou momoli atu kiate koe.

Lua tosi o Koloniko 1:10

Soli mai foki kiate au le poto mo le iloa, o tupu ke kau iloa le saele i mua o le kakai leinei ! talie ko ai e mafai ia loa ke fakamaaui ia lou kakai, le kakai lasi leinei ?

Lua tosi o Koloniko 6:18

Pe feala koia ke nofo maoki le Atua mo le tagata i le kele ? Ko leinei, e leaise o fua a ia i le lagi mo le lagi o atu lagi : Ti e feaki ake loa ke o a ia i le fale leinei kua kau fakatuu !

Ekesote 3:11

Na pati loa Moisese ki le Atua : Ko ai au, ke kau ano kia Falaone, ti ke kau fakamavae mei Esipito a fanau a Iselaele ?

Ekesote 31:5

i le togi mo le fakapipiki o fatu fakateuteu, i le gaoi o le laakau, ti mo le fai o gaoi kesekese.

Esaia 66:1

Ko leinei le folafola a le Eteleno : Ko le lagi ko loku ekeekeaga fakasau, Ti ko le malama nei ko loku tekitekiaga vae. Ko le fale fea leia e feala ke kotou fakatuu mai loa kiate au, Ti ko le potu fea leia e kotou soli mai loa ke kau malolo ai ?

Selemia 23:24

Pe tuu loa se tasi i se ganea munia, Kae leaise kau tio kiate ia ? e pati le Eteleno. Pe leaise kau fakaapele ia a atu lagi mo le kele ? e pati le Eteleno.

Lua tosi ki le kau Kolinto 2:16

Ki ni iki, ko se sauga o le mate, leia e soli ia le mate ; ki ni iki ake, ko se sauga o le mauli leia e soli ia le mauli. Ti ko ai e feauga ki le gaoi lasi lena ?

Efeso 3:8

Kiate au, leia e ikiiki oki i le kau sagato katoa, kua tuku ki ai le kalasia lena ke kau fakasa ia ki le kau pagani a koloa loloto o Kilisito,

Tetelonome 12:11

Ti e ia loa se ganea leia e filifili loa e le Eteleno, lokoutou Atua, ke fakanofo ai lona suafa. Ko lena loa le ganea leia e tonu ke kotou ave ki ai a nea fuli ala na kau fakatotonu kia koutou, akoutou failaulau, mo akoutou sakilifisio, mo vaega kau agafulu, mo uluaki fua, mo akoutou moliga fuli ala kua kotou fakapapau ke fai ki le Eteleno ke fakasoko ai akoutou fakapapau.

Tetelonome 12:14

kae ke ke momoli loa latou i le ganea e tasi leia e filifili loa e le Eteleno, i se tasi o okoutou faasiga, ti ko lena le ganea leia e tonu ke fai ai loa a nea fuli ala e kau fakatotonu atu kiate koe.

Tetelonome 12:26

Kae ke ke ave loa ki le ganea leia e filifili loa e le Eteleno a nea ala e ke loto loa ke fakatapui ki le Eteleno mo moliga ala e ke fai loa ke fakasoko ai se fakapapau.