Lua tosi o Koloniko 2:5 - Tosi Tapu

⁵ Ko le fale leia e kau fakatuu e tonu ke lasi, talie e lasi ake lomatou Atua i atua fuli.

Lua tosi o Koloniko 2:5 ပူးပေါင်းရင်းမြစ်များ

Uluaki tosi o Sau 8:27

Kaea koia ! Pe nofo maoki loa le Atua i le malama nei ? Ko leinei, e leaise ke o fua i le lagi mo le atu lagi ! Ti e feaki ake loa le fale leinei kua kau fakatuu kiate koe ?

Uluaki tosi o Sau 9:8

Ti e logo ai le mauiga o le fale leinei, ko le tagata leia e fakalaka loa i ona tafa, e punamauli loa mo mapu loa ki ai, o pati : Kolea kua fai feneeki ai e le Eteleno ki le fenua leinei mo le fale leinei ?

Uluaki tosi o Koloniko 16:25

Talie e lasi le Eteleno ti e gali a ia mo le fakavikiviki, E fakaii a ia i aluga o atua fuli ;

Uluaki tosi o Koloniko 29:1

Na pati loa le sau ko Tavite ki le kakai katoa : Koi muli ai ti koi gaegae ai loku vosa ko Salomone, leia kua filifili e le Atua, kae e lasi ai le gaoi, ti e leaise ko se fale sau leinei ki se tagata, kae ko le fale o le Eteleno Atua.

Uluaki tosi o Koloniko 29:14

Talie ko ai au ti ko ai loku kakai, ke mafai ai lamatou momoli atu kiate koe a nea alofa anei ? E au nea fuli meiate koe, ti e motou tali mei lou lima a nea fuli ala e motou momoli atu kiate koe.

Lua tosi o Koloniko 2:9

Ke ke sapena mai kiate au se laakau ke lasi ai, talie e lasi loa ti e fulumalie loa le fale leia ka kau aga o fakatuu.

Lua tosi o Koloniko 29:11

I le aso nei, ei oku vosa, ke kotou tuku la le fakaagaaganoa, talie kua filifili koutou e le Eteleno ke kotou tausi i ona mua, ke kotou liliu ko ana tagata fakasausau, ti ke kotou momoli kiate ia ni kaloni.

Lua tosi o Koloniko 6:18

Pe feala koia ke nofo maoki le Atua mo le tagata i le kele ? Ko leinei, e leaise o fua a ia i le lagi mo le lagi o atu lagi : Ti e feaki ake loa ke o a ia i le fale leinei kua kau fakatuu !

Pesalemo 135:5

E kau iloa e lasi le Eteleno, Ti e taualuga lotatou Aliki i atua fuli.

Pesalemo 145:3

E lasi le Eteleno, ti e gali a ia i le fakafetai, Ti e leaise mafai ke iloa lona lasi.

Pesalemo 148:4

Kotou fakafetai kiate ia, atu lagi o atu lagi, Ti mo koutou, ko atu vai ala i aluga o atu lagi !

Ekesote 15:11

Eteleno, ko ai le atua e tatau mo koe ? Ko ai e tatau mo koe leia e gigila i le maokioki, Leia e gali mo fakavikiviki, Leia e fai ia a nea fakamanamana ?

Ekesote 18:11

I le aso nei kua kau iloa e lasi ake le Eteleno i atua fuli ; talie kua toe vilo le agaveli a le kau Esipito kia latou.

Esaia 66:1

Ko leinei le folafola a le Eteleno : Ko le lagi ko loku ekeekeaga fakasau, Ti ko le malama nei ko loku tekitekiaga vae. Ko le fale fea leia e feala ke kotou fakatuu mai loa kiate au, Ti ko le potu fea leia e kotou soli mai loa ke kau malolo ai ?

Selemia 10:6

E leaise tasi e tatau mo koe, Eteleno ! E ke lasi, ti e lasi lou suafa o tupu ko lou mafimafi.

Esekiele 7:20

Na lotou nekenekea i olatou koloa fulumalilie, Ti na lotou fai ki ai olatou fakatata fakalialia, mo olatou taulaatua. Koia e kau fakaliliu ai loa olatou koloa ko se nea fakalialia kia latou.

Uluaki tosi kia Timoteo 6:15

leia e fakasa loa i lona temi e le Aliki taualuga toka tasi mo manuia, le Sau o atu sau, le Aliki o aliki,