Lua tosi o Koloniko 2:4 - Tosi Tapu

⁴ Ko leinei, e kau laga ia se fale ki le suafa o le Eteleno, loku Atua, se fale ke fakatapu kiate ia, ke tutu ai le kaloni fakamanogi i ona mua, ke tuku tuumau ai a pane tapu, ti ke momoli ai a failaulau o le usu, mo le afiafi, mo sapato, mo masina foou, ti mo aso lalasi o le Eteleno, lomatou Atua, o mulimuli ki se lao lee gato ki Iselaele.

Lua tosi o Koloniko 2:4 ပူးပေါင်းရင်းမြစ်များ

Uluaki tosi o Sau 5:5

Ko leinei, e kau manatu ke fakatuu se fale ki le suafa o le Eteleno, loku Atua, ofaipe le nea kua fakasa e le Eteleno kia Tavite, loku tamana, o pati : Ko lou vosa leia ka kau tuku loa ki lou ekeekeaga fakasau o fetogi a koe, ko ia leia e laga ia loa se fale ki loku suafa.

Uluaki tosi o Sau 8:18

Ti na pati loa le Eteleno kia Tavite, loku tamana : Talie na ke manatu ke fakatuu se fale ki loku suafa, na malie lau maua le manatu lena.

Uluaki tosi o Sau 8:63

Na tamate loa e Salomone ni kau pipi e kau lua tupu lua afe ti mo ni kau ovi e kau lelau kau lua afe ki le sakilifisio fakafetai leia na momoli loa e ia ki le Eteleno. Na fai loa i ai e le sau mo fanau a Iselaele le fakatapu o le fale o le Eteleno.

Uluaki tosi o Koloniko 22:5

Na pati Tavite : Koi muli ai ti koi gaegae ai loku vosa ko Salomone, kae e tonu ke malie tukupau le fale leia e tonu ke laga loa ki le Eteleno ti ke logologona lona kololia i fenua fuli ; koia e kau loto ai ke fai ni tokonaki ki ai. Ti na fai loa e Tavite ni tokonaki lalasi i mua o lona mate.

Lua tosi o Koloniko 13:11

E motou momoli i usu fuli mo afiafi fuli a failaulau ki le Eteleno, e motou tutu le kaloni fakamanogi, e motou teki a pane taputapu ki le laupapa mea, ti e motou tutu i afiafi fuli le tekiaga malama aulo mo ona malama ; talie e motou tausi a fakatotonu a le Eteleno, lomatou Atua. Ti ko koutou, kua kotou tiaki a ia.

Lua tosi o Koloniko 2:1

Na fakatotonu loa e Salomone ke laga se fale ki le suafa o le Eteleno, ti mo se fale sau kiate ia.

Neemia 10:33

ki le pane tapu, mo le moliga o le aso taki tasi, mo le failaulau o le sapato, mo masina foou, mo aso lalasi, ki nea taputapu, mo sakilifisio fakamolemole o agasala a Iselaele, ti mo nea fuli ala e fai i le fale o lomatou Atua.

Pesalemo 86:8

Aliki, e leaise tatau se tasi mo koe i le kau atua, Ti e leaise tatau se nea mo au gaoiaga.

Pesalemo 96:4

Talie e lasi le Eteleno ti e gali ai mo le fakavikiviki, E fakaii a ia i aluga o atua fuli.

Ekesote 25:30

E ke tuku tuumau loa i oku mua, i aluga o le laupapa, a pane taputapu.

Ekesote 30:7

E tutu loa e Alone le kaloni fakamanogi ; e tutu loa e ia i usu fuli, i le temi leia e fakamea ai e ia a malama.

Taagapati 7:20

Ti na ave e ia mo ia le taga paaga, Koi toe liliu mai loa a ia ki fale i le masina foou.