Lua tosi o Koloniko 2:3 - Tosi Tapu

³ Na kakau loa e Salomone ke pati kia Ilame, le sau o Tile : Ke ke fai mai kiate au ofaipe lau fai kia Tavite, loku tamana, leia na ke aumai ki ai ni sete ke fau ai lona fale nofo.

Lua tosi o Koloniko 2:3 ပူးပေါင်းရင်းမြစ်များ

Lua tosi a Samuele 5:11

Na kakau loa e Ilame, sau o Tile, ni tagata avelogo kia Tavite, mo ni laakau ko le sete, mo ni kau tufuga papa, mo ni kau tufuga fatu, ala na fakatuu ia loa se fale kia Tavite.

Uluaki tosi o Koloniko 14:1

Na kakau loa e Ilame, sau o Tile, ni tagata avelogo kia Tavite, mo ni papa sete, mo ni kau tagata tafatu ti mo ni kau tagata fai papa, ke fakatuu se fale kiate ia.

Lua tosi o Koloniko 13:11

E motou momoli i usu fuli mo afiafi fuli a failaulau ki le Eteleno, e motou tutu le kaloni fakamanogi, e motou teki a pane taputapu ki le laupapa mea, ti e motou tutu i afiafi fuli le tekiaga malama aulo mo ona malama ; talie e motou tausi a fakatotonu a le Eteleno, lomatou Atua. Ti ko koutou, kua kotou tiaki a ia.

Lua tosi o Koloniko 24:14

I le oki o le gaoi, na lotou ave loa ki le sau mo Seosata le toe o le paaga ; ti na fai loa ki ai ni ipu ki le fale o le Eteleno : ni nea ki le tausi mo failaulau, io, ni ipu mo ni pesini aulo mo siliva. Ti na momoli tuumau loa, i le mauli katoa o Seosata, ni failaulau i le fale o le Eteleno.

Lua tosi o Koloniko 4:19

Na toe fai foki e Salomone ni iki ake a nea gaoi ki le fale o le Eteleno : le aletale aulo ; mo laupapa ala na teki ai a pane taputapu ;

Lua tosi o Koloniko 8:13

Na momoli e ia le nea leia na fakatotonu e Moisese ki le aso taki tasi, mo sapato, mo masina foou, ti mo aso lalasi, o tua tolu i le fetuu, mo le aso lasi o pane sala fakatupu, mo le aso lasi o vasaa, ti mo le aso lasi o falela.

Esetalasi 6:3

I le uluaki fetuu o le sau ko Silusi, na tuku e le sau ko Silusi le fakatotonu leinei o uiga mo le fale o le Atua i Selusalemi : Ke toe lagai le fale, ke liliu ko se ganea leia e momoli ai ni sakilifisio, ti ke makeke ona fakavae. Ko lona taualuga ko meta e kau tolu, ti mo lona lau lasi ko meta e kau tolu,

Neemia 10:34

Na motou fai loa le toso, e matou ala ko le kau tagata faisakilifisio mo le kau Levi ti mo le kakai, ki le fakaanoano o le fafie leia e tonu ke motou aumai i fetuu fuli ki le fale o lomatou Atua, o mulimuli ki fale o omatou tamana, ti mo ni lakaga kua fakatuutuu ki ai, o tupu ke tutu a ia i le aletale o le Eteleno, lomatou Atua, o mulimuli ki le nea leia kua tosi i le lao.

Ekesote 25:30

E ke tuku tuumau loa i oku mua, i aluga o le laupapa, a pane taputapu.

Ekesote 29:38

Ko leinei le nea leia e ke momoli loa i le aletale : ko ni akeno e lua e fetuu taki tasi, i aso taki tasi, o tuumau.

Ekesote 29:39

E ke momoli loa se tasi akeno i le usu, ti ko le tasi akeno i le afiafi.

Ekesote 29:41

E ke momoli loa le lua o akeno i le afiafi, mo se moliga magiti ti mo se vino ofaipe leia i le usu ; ko se sakilifisio tutu a ia e le afi, ti e manogi malie a ia ki le Eteleno.

Ekesote 30:7

E tutu loa e Alone le kaloni fakamanogi ; e tutu loa e ia i usu fuli, i le temi leia e fakamea ai e ia a malama.

Levitiko 23:2

Masau ki fanau a Iselaele, o pati kia latou : Ko aso lalasi o le Eteleno, ala e tonu ke kotou fakasa loa, ko ni fakatasi tapu. Ko nei loa oku aso lalasi :

Levitiko 9:17

Ti na momoli loa e ia le moliga nea kai, o alii loa e ia ki lona alofilima se ga falina tea, leia na tutu fakatasi loa e ia mo le failaulau o le usu i aluga o le aletale.

Numelo 28:11

I le uluaki aso o masina fuli, e kotou momoli loa ki le Eteleno, se failaulau ko ni pipi tagata e lua, mo se ovi tagata e tasi, mo ni akeno fetuu taki tasi e fitu, ko manu fuli ana e tonu ke lee mele.

Numelo 28:9

I le aso o le sapato, e kotou momoli loa ni akeno e lua ala e fetuu taki tasi mo lee mele, mo se moliga nea kai ko kilo falina e ono ala kua lusi fakatasi mo le lolo, ti mo se moliga nea inu.