Lua tosi o Koloniko 2:1 - Tosi Tapu

¹ Na fakatotonu loa e Salomone ke laga se fale ki le suafa o le Eteleno, ti mo se fale sau kiate ia.

Lua tosi o Koloniko 2:1 ပူးပေါင်းရင်းမြစ်များ

Uluaki tosi o Sau 5:15

Na toe maua foki e Salomone ni kau tagata e tino fitu afe ala na amo ia a kavega ti mo tagata e tino valu afe ala na ta ia a fatu i le mauga,

Uluaki tosi o Sau 5:5

Ko leinei, e kau manatu ke fakatuu se fale ki le suafa o le Eteleno, loku Atua, ofaipe le nea kua fakasa e le Eteleno kia Tavite, loku tamana, o pati : Ko lou vosa leia ka kau tuku loa ki lou ekeekeaga fakasau o fetogi a koe, ko ia leia e laga ia loa se fale ki loku suafa.

Uluaki tosi o Sau 7:1

Na toe fakatuu foki e Salomone lona fale ; na fai loa e ia le fale i fetuu e kau agafulu tupu tolu, o kaku ki lona oki malie.

Uluaki tosi o Sau 8:18

Ti na pati loa le Eteleno kia Tavite, loku tamana : Talie na ke manatu ke fakatuu se fale ki loku suafa, na malie lau maua le manatu lena.

Uluaki tosi o Sau 8:20

Kua fakasoko e le Eteleno le folafola leia na fai e ia. Kua kau tuu ake i le nofoaga o loku tamana ko Tavite, ti kua kau ekeeke i le ekeekeaga fakasau o Iselaele, o fai ki le nea leia na fakasa e le Eteleno, ti kua kau fakatuu le fale ki le suafa o le Eteleno, le Atua o Iselaele.

Uluaki tosi o Sau 9:1

I le oki o le fakatuu e Salomone o le fale o le Eteleno, mo le fale o le sau, ti mo nea fuli ala na loto a ia ke fai,

Uluaki tosi o Koloniko 22:10

Ko ia loa leia ka fakatuu ia loa se fale ki loku suafa. E liliu loa a ia kiate au ko se vosa, ti e kau liliu loa kiate ia ko se tamana ; ti e kau fakamakeke loa lona ekeekeaga fakasau i Iselaele o lee gato.

Lua tosi o Koloniko 1:17

Na aumai e kau tagata fai koloa ana le saliote mei Esipito, o totogi ki ni fa sikele siliva e kau lelau ono, ti ko le osi ki fa sikele siliva e kau lima. Na lotou toe totogi mai foki ni saliote mo ni osi mei sau o le kau Eti mo sau o Silia.

Lua tosi o Koloniko 2:12

Na toe pati foki Ilame : Ke fakafetai ki le Eteleno, le Atua o Iselaele, leia na fakatupu ia le lagi mo le kele, i lana soli ki le sau ko Tavite se vosa poto, mo fakapotopoto, ti mo atamai, leia ka fakatuu ia loa se fale ki le Eteleno ti mo se fale sau kiate ia !

Tetelonome 12:11

Ti e ia loa se ganea leia e filifili loa e le Eteleno, lokoutou Atua, ke fakanofo ai lona suafa. Ko lena loa le ganea leia e tonu ke kotou ave ki ai a nea fuli ala na kau fakatotonu kia koutou, akoutou failaulau, mo akoutou sakilifisio, mo vaega kau agafulu, mo uluaki fua, mo akoutou moliga fuli ala kua kotou fakapapau ke fai ki le Eteleno ke fakasoko ai akoutou fakapapau.

Tetelonome 12:5

Kae ke kotou afa loa a ia i lona nofoaga, ti ke kotou ano loa ki le ganea leia e filifili loa e le Eteleno, lokoutou Atua, i okoutou faasiga fuli, ke nofo ai lona suafa.

Tetelonome 28:58

Kapau e leaise ke tausi loa ti mo fai loa a folafola fuli o le lao leinei, ala kua tuu i le tosi leinei, ti kapau e leaise ke fakaapaapa loa ki le suafa fakakololia mo fakaii o le Eteleno, lou Atua,