Lua tosi o Koloniko 17:5 - Tosi Tapu

⁵ Na fakamakeke loa e le Eteleno le puleaga i lima o Sosafate, ti na fai loa e Suta katoa ni nea alofa kiate ia, koia na maua ai loa e Sosafate ni koloa mo se kololia o lasi ai.

Lua tosi o Koloniko 17:5 ပူးပေါင်းရင်းမြစ်များ

Senesi 13:2

Na lasi ai a koloa o Apalamo : Na lasi ai lana kau manu, mo lana paaga, ti mo lana aulo.

Uluaki tosi o Sau 10:25

Ti na ave e le tagata taki toka tasi lana nea alofa, ni nea siliva, mo ni nea aulo, mo ni teu, mo ni masafu, mo ni nea fakamanogi, mo ni osi, ti mo ni mule ; ti na fenaaki i fetuu fuli.

Uluaki tosi o Sau 10:27

Na fakaliliu e le sau le paaga ke tatau mo fatu i Selusalemi, ti na fakaliliu e ia le sete ke tatau mo le sikomole leia na mauli i le potu toafa.

Uluaki tosi o Sau 4:21

Na koi pule Salomone ki puleaga fuli mei le vaitafe ko le Eufalate o kaku ki le fenua o le kau Filisitini ti mo le koiga o Esipito ; na lotou aumai ni nea alofa, ti na tukusau kia Salomone i le temi katoa o lona mauli.

Lua tosi o Koloniko 1:15

I le sau a Salomone, na tatau loa le lasi o le aulo mo le siliva i Selusalemi mo fatu, ti na tatau loa le lasi o sete mo sikomole ala e tupu i le fenua.

Lua tosi o Koloniko 18:1

Na maua loa e Sosafate ni koloa mo se kololia o lasi ai, ti na fakatasi loa a ia mo Akapo, sau o Iselaele, o tupu ko se avaga.

Lua tosi o Koloniko 32:23

Na aumai loa e se kakai toka api ni moliga ki le Eteleno ki Selusalemi, ti mo ni nea alofa mauiga kia Esekiasi, sau o Suta, leia na kamata siki ake loa mei ai ki aluga i mua o puleaga fuli.

Lua tosi o Koloniko 9:27

Na fakaliliu loa e le sau le siliva i Selusalemi ke tatau mo fatu, ti mo le sete ke lasi pe le sikomole leia e tuu i le potu tokamalie o le fenua.

Sopo 42:12

I le lolotoga o fetuu fakaoki ana, na maua loa e Sopo mei le Eteleno ni tapuakina o lasi ake i tapuakina ala na maua e ia i mua. Na maua loa e ia se kau ovi fafine e kau agafulu tupu fa afe, mo se kau kamelo e afe ono, mo ni soa pipi tagata e afe, ti mo se kau asino fafine e afe.

Pesalemo 127:1

Katiko o le fanoga tapu. A Salomone. Kapau e leaise fau e le Eteleno le fale, Ko latou ala e fau ia a ia e gaoi noa ; Kapau e leaise leoleo e le Eteleno le kolo, Ko leia e leoleo ia a ia e alaala noa.

Pesalemo 132:12

Kapau e tausi e ou vosa laku sai Ti mo aku pelesepeto ala e kau ako kia latou, Ko olatou vosa foki o lee gato E toe eke loa i lou ekeekeaga fakasau.

Pesalemo 68:29

E fakatotonu e lou Atua ke ke makeke ; Fakamakeke, ei Atua, le nea leia na ke fai kia matou !

Pesalemo 72:10

E totogi loa e sau o Talesisi mo sau o atu motu ni tukusau ; Ti e fai loa e sau o Sepa mo Sapa ni moliga.

Pesalemo 76:11

Io, e toe fakafetai foki kiate koe le tagata i lona itaita, Mo ka ke kofu ki lou sausau katoa.

Taagapati 16:12

E fakalialia a sau i le fai o le veli, Talie e fakamakeke le ekeekeaga fakasau e le faitotonu.

Mateo 2:11

Na lotou ulu loa ki le fale, ti na lotou tio loa ki le ga toe mo Malia lona tinana, ti na lotou tutuli loa ki lalo o atolasio ki le ga toe ; ti na lotou fakamavaa loa olatou koloa, ti na lotou momoli loa kiate ia alatou moliga ko le aulo, mo le iseso ti mo le mila.

Mateo 6:33

Kotou afa mua le Puleaga mo le faitotonu a le Atua, ti e fakalasi atu loa a nea fuli ana kia koutou.

Uluaki tosi a Petelo 5:10

Ko le Atua o kalasia fuli, leia na kalagai ia koutou ia Sesu-Kilisito ki lona kololia lee gato, mo ka oki loa lakotou tali ni mamae i se ga temi ikiiki fua, e fakasaosaoa loa e ia totonu koutou, mo fakafefeka loa koutou i le tui, mo fakamakeke koutou i le alofa, ti mo fakatuu mau koutou i le amanaki malie.

Uluaki tosi a Samuele 10:27

Kae na i ai foki mo ni tagata agaveveli, ala na pati : Ea koia ! Ko ia loa leinei ka saofaki ia tatou ! Ti na lotou nukinuki loa kiate ia, ti na leaise lotou ave loa se nea alofa kiate ia. Kae na nea noa a ia kia Saulo.