Lua tosi o Koloniko 17:4 - Tosi Tapu

⁴ talie na afa loa e ia le Atua o lona tamana, ti na muli loa a ia ki ana fakatotonu, ti na leaise faifaitaki loa a ia ki nea ala na fai e Iselaele.

Lua tosi o Koloniko 17:4 ပူးပေါင်းရင်းမြစ်များ

Uluaki tosi o Sau 12:28

I le oki o lana afa tokoi, na fai loa e le sau ni pipi aulo e lua, ti na pati loa a ia ki le kakai : Kua fualoa ai lakoutou tau pale ki Selusalemi ; Iselaele ! ko leinei lou atua, leia na fakamavae ia a koe mei le fenua ko Esipito.

Uluaki tosi o Sau 12:30

Na liliu loa le nea lena ko se nea fakatupu agasala. Na ave loa e se kakai toka api le lua o pipi o kaku ki Tane.

Uluaki tosi o Sau 12:33

Ti na pale loa a ia ki le aletale leia na fakatuu e ia i Petele, i le aso kau agafulu tupu lima o le valu o masina, le masina leia na filifili e ia i lona loto faitalisa. Na fai loa e ia se aso lasi ki fanau o Iselaele, ti na pale loa a ia ki le aletale o tutu a nea fakamanogi.

Uluaki tosi o Sau 3:3

Na alofa Salomone ki le Eteleno, ti na mulimuli a ia ki nea fuli ala na fai e Tavite. Kae na momoli e ia a sakilifisio mo kaloni i ganea taualuga.

Uluaki tosi o Sau 9:4

Ti ko koe, kapau e ke saele loa i oku mua ofaipe le saele a Tavite, lou tamana, i le loto sako mo le agatonu, ke fai a nea fuli ala na kau fakatotonu kiate ia, ti kapau e ke taupau aku lao mo aku fakatotonu,

Lua tosi o Sau 17:19

Ti na leaise taupau foki e Suta totonu a folafola a le Eteleno, lona Atua, kae na lotou mulimuli ki agai fenua ala na fakatuu e Iselaele.

Lua tosi o Sau 8:18

Na saele loa a ia i le ala o sau o Iselaele, ofaipe le fale o Akapo, talie na avaga a ia mo se taine o Akapo, ti na fai loa e ia le nea leia e veli ki mata o le Eteleno.

Lua tosi o Koloniko 14:6

Na pati loa a ia kia Suta : Tou fakatuu a kolo anei ti tou takatakai latou ki ni paa, mo ni tule leo, mo ni matapa, ti mo ni ukamea fakamaumau. Koi tuu foki le fenua i otatou mua, talie na tou aga o afa le Eteleno, lotatou Atua, io, na tou afa a ia, ti na soli mai e ia kia tatou le malolo mei potu fuli. Koia na lotou laga loa ti na lotou manuia loa.

Lua tosi o Koloniko 17:3

Na nofo loa le Eteleno mo Sosafate, talie na saele loa a ia i uluaki ala o Tavite, lona tamana, ti na leaise afa fua e ia a Paale ;

Lua tosi o Koloniko 21:12

Na aumai loa kiate ia se tosi mei le polofeta ko Elia, o pati i ai : Ko leinei le folafola a le Eteleno, le Atua o Tavite, lou tamana : O tupu na leaise ke saele i ala o Sosafate, lou tamana, ti mo ala o Asa, sau o Suta,

Lua tosi o Koloniko 22:9

Na afa loa e ia Akasia, ti na tapo loa a ia i Samalia, leia na mumuni ai. Na aumai loa a ia kia Seu, ti na tamate loa a ia. Ti na lotou tanu loa a ia, talie na lotou pati : Ko le vosa o Sosafate, leia na afa ia le Eteleno i lona loto katoa. Ti na leaise toe loa se fa toka tasi i le fale o Akasia ke feala ke sau.

Lua tosi o Koloniko 27:6

Na liliu loa Sotame o makeke, talie na saele a ia i ala o le Eteleno lona Atua.

Lua tosi o Koloniko 29:2

Na fai loa e Esekiasi le nea leia e totonu ki mata o le Eteleno, o mulimuli ki le nea katoa leia na fai e Tavite, lona tamana.

Lua tosi o Koloniko 34:2

Na fai loa e ia le nea leia e totonu ki mata o le Eteleno, ti na saele loa a ia i ala o Tavite, lona tamana ; na leaise toe se kese loa a ia pe ki le fetuu atamai pe ki le fetuu sema.

Oseo 4:15

Kapau kua ke faifeauaki, Iselaele, Kae ke aua na agasala a Suta ! Ke aua na kotou ano ki Kilikale, ke aua na kotou pale ki Pete-Aveni, Ti ke aua na kotou fakapapau : E mauli le Eteleno !

Luka 1:6

Na la agatonu toka lua i mua o le Atua, o tausi malie a lao fuli mo fakatotonu fuli a le Aliki.

Uluaki tosi ki le kau Tesalonika 2:12

talie na motou fakalotomakeke koutou, mo fakapelepele koutou, ti mo fakakolekole koutou, ke kotou saele o gali mo le Atua, leia kua kalagai ia koutou ki lona puleaga ti mo lona kololia.

Uluaki tosi ki le kau Tesalonika 4:1

Koia, fetaina, talie kua kotou ako meia matou le mauli leia e tonu ke kotou maua o tupu ke kotou mata malie ai ki le Atua, ti e kotou fai le nea lena, e motou kole atu kia koutou, ti e motou kole mamae atu a ia kia koutou i le suafa o le Aliki ko Sesu, ke kotou saele i le nea lena o lakalaka ki mua.