Lua tosi o Koloniko 17:3 - Tosi Tapu

³ Na nofo loa le Eteleno mo Sosafate, talie na saele loa a ia i uluaki ala o Tavite, lona tamana, ti na leaise afa fua e ia a Paale ;

Lua tosi o Koloniko 17:3 ပူးပေါင်းရင်းမြစ်များ

Senesi 39:21

Na nofo loa le Eteleno mo Sosefo, ti na fakasa loa e ia lona agamalie kiate ia. Na tuku loa e ia kiate ia se kalasia i mua o le pule o le fale pilisoni.

Lua tosi a Samuele 5:10

Na liliu Tavite o asilisili makeke, ti na nofo mo ia le Eteleno, le Atua o kau tau.

Lua tosi a Samuele 8:15

Na pule loa Tavite i Iselaele, ti na fakamaaui e ia lona kakai i le faitotonu.

Uluaki tosi o Sau 11:6

Ti na fai loa e Salomone le nea leia e veli ki mata o le Eteleno, ti na leaise mulimuli katoa loa a ia ki le Eteleno, ofaipe Tavite, lona tamana.

Uluaki tosi o Sau 22:43

Na saele loa a ia i le ala katoa o Asa, lona tamana ; ti na leaise maliu kese loa a ia mei ia, o fai le nea leia e totonu ki mata o le Eteleno.

Uluaki tosi o Sau 3:3

Na alofa Salomone ki le Eteleno, ti na mulimuli a ia ki nea fuli ala na fai e Tavite. Kae na momoli e ia a sakilifisio mo kaloni i ganea taualuga.

Lua tosi o Sau 14:3

Na fai loa e Amatesia le nea leia na totonu ki mata o le Eteleno, kae na leaise tatau mo Tavite, lona tamana ; na fai katoa loa e ia a nea ala na fai e Soasi, lona tamana.

Lua tosi o Sau 16:2

Na sau Akase i lona fetuu kau lua, ti na sau loa a ia i fetuu e kau agafulu tupu ono i Selusalemi. Na leaise fai loa e Akase le nea leia e totonu ki mata o le Eteleno, lona Atua, ofaipe le agatonu o Tavite, lona tamana.

Lua tosi o Sau 18:3

Na fai loa e ia le nea leia e malie ki mata o le Eteleno, ofaipe le fai katoa a Tavite, lona tamana.

Lua tosi o Sau 22:2

Na fai loa e Sosiasi le nea leia e malie ki le Eteleno, ti na saele loa a ia i le ala katoa o Tavite, lona tamana ; na leaise toe se loa a ia ki tafa.

Uluaki tosi o Koloniko 22:18

Pe leaise nofo le Eteleno, lokoutou Atua, mo koutou ? pe na leaise tuku atu e ia kia koutou le tokamalie mei potu fuli ? Talie kua tuku e ia ki oku lima le kakai o le fenua ti kua popula le fenua ki le Eteleno mo lona kakai.

Lua tosi o Koloniko 14:11

Na taai loa e le Eteleno le kau Etiopia i mua o Asa mo Suta, ti na sosola loa le kau Etiopia.

Lua tosi o Koloniko 15:2

ti na ano loa Asalia ki mua o Asa, o pati kiate ia : Kotou fakalogo mai, ei Asa, mo Suta, ti mo Pesamino katoa ! E nofo le Eteleno mo koutou mo ka e kotou nofo mo ia ; kapau e kotou afa a ia, e kotou maua loa a ia ; kae kapau e kotou tiaki a ia, e tiaki loa e ia koutou.

Lua tosi o Koloniko 17:2

Na fakamakeke loa a ia ki Iselaele : na tuku loa e ia ni fa solia ki kolo tau fuli o Suta, mo ni solia leo i le fenua o Suta mo kolo o Efalaimi ala na too e Asa, lona tamana.

Lua tosi o Koloniko 17:4

talie na afa loa e ia le Atua o lona tamana, ti na muli loa a ia ki ana fakatotonu, ti na leaise faifaitaki loa a ia ki nea ala na fai e Iselaele.

Lua tosi o Koloniko 20:32

Na saele loa a ia i le ala o lona tamana ko Asa, ti na leaise toe maliu kese loa a ia mei ai, o fai le nea leia e totonu i mua o le Eteleno.

Lua tosi o Koloniko 21:12

Na aumai loa kiate ia se tosi mei le polofeta ko Elia, o pati i ai : Ko leinei le folafola a le Eteleno, le Atua o Tavite, lou tamana : O tupu na leaise ke saele i ala o Sosafate, lou tamana, ti mo ala o Asa, sau o Suta,

Lua tosi o Koloniko 22:9

Na afa loa e ia Akasia, ti na tapo loa a ia i Samalia, leia na mumuni ai. Na aumai loa a ia kia Seu, ti na tamate loa a ia. Ti na lotou tanu loa a ia, talie na lotou pati : Ko le vosa o Sosafate, leia na afa ia le Eteleno i lona loto katoa. Ti na leaise toe loa se fa toka tasi i le fale o Akasia ke feala ke sau.

Lua tosi o Koloniko 27:6

Na liliu loa Sotame o makeke, talie na saele a ia i ala o le Eteleno lona Atua.

Lua tosi o Koloniko 29:2

Na fai loa e Esekiasi le nea leia e totonu ki mata o le Eteleno, o mulimuli ki le nea katoa leia na fai e Tavite, lona tamana.

Lua tosi o Koloniko 34:2

Na fai loa e ia le nea leia e totonu ki mata o le Eteleno, ti na saele loa a ia i ala o Tavite, lona tamana ; na leaise toe se kese loa a ia pe ki le fetuu atamai pe ki le fetuu sema.

Pesalemo 46:11

Ke kotou tuku, ti ke kotou iloa ko au ko le Atua : E kau pule ki atu puleaga, ti e kau pule ki le malama nei.

Pesalemo 46:7

E taugaoi ni puleaga, ti e sosolo ni puleaga ; Kae ka fakasa e ia lona leo, ti e liliu o vai le malama nei i le i.

Ekesote 3:12

Na pati loa le Atua : E kau nofo loa mo koe ; ti ko leinei le fakamailoga kiate koe ko au leia e kakau ia a koe : I le oki o lau fakamavae loa le kakai mei Esipito, e kotou atolasio loa kiate au i le mauga leinei.

Ekesote 4:12

Ke ke ano, e kau nofo loa mo lou gutu, ti e kau ako loa kiate koe le nea leia e tonu ke ke fakasa.

Esaia 41:10

Aua na ke i ki se nea, talie e kau nofo mo koe ; Aua na ke takamilo ni mata tuania, talie ko au ko lou Atua ; E kau fakamakeke a koe, e kau au o tokoi kiate koe, E kau taofi a koe ki loku lima atamai malo.

Esaia 8:10

Kotou fai ni fakatuutuu, ti e lotou ano noa loa ; Kotou tuku ni fakatotonu, ti e leaise lotou aoga loa : Talie e kau le Atua mo matou.

Selemia 2:23

E feaki loa lau pati : Na leaise kau fakakelekele, Na leaise kau ano ki Paale ? Tio ki ou lakaaga i le vaivailiua, Fakamaoki ki le nea leia na ke fai, Kamelo vae gasolo mo vae mafi i le eva.

Mateo 1:23

Ko leinei, e tinae loa le taupoou, e fanaui loa e ia se vosa, ti e soli loa kiate ia le igoa ko Emanuele, ko lona uiga ko le Atua mo tatou.

Mateo 18:20

Talie ko le ganea leia e fakatasi ai i loku suafa se toka lua pe ko se toka tolu, e kau nofo i loto malie o latou.

Mateo 25:16

Ko leia na tali ia a fa tenalio e lima na ano aifai a ia, o fakagaoii latou ke fua, ti na toe maua loa e ia ni iki ake fa tenalio e lima.

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Lua tosi kia Timoteo 4:22

Ke nofo le Aliki mo lou laumalie ! Ke nofo le kalasia mo koutou !

Sosue 1:5

E leaise tuu loa se tasi i ou mua, i le temi o lou mauli. E kau nofo loa mo koe, ofaipe laku nofo mo Moisese : E leaise kau tukunoa loa a koe, e leaise kau tiaki loa a koe.

Sosue 1:9

Pe na leaise kau tuku atu kiate koe le fakatotonu leinei : Ke ke fakamakeke mo ke loto toa ? Ke aua na ke i, ti ke aua na ke loto gaegae, talie ko le Eteleno, lou Atua, e nofo mo koe i ganea fuli ala e ke ano loa ki ai.

Tuifakamaau 2:11

Ti na fai loa e fanau a Iselaele le nea leia e veli ki mata o le Eteleno, ti na lotou tausi loa ki Paale.

Tuifakamaau 2:18

I le temi leia na tuku ai loa e le Eteleno kia latou ni tui fakamaau, na nofo loa le Eteleno mo le tui fakamaau o saofaki latou mei le lima o olatou fili i le temi katoa o le tui fakamaau ; talie na alofa loa le Eteleno kia latou o tupu ko alatou tagi i mua o latou ala na fakavelivelii ia latou ti mo fakamamae ia latou.

Tuifakamaau 6:12

Na sa loa le aselo o le Eteleno kiate ia, o pati kiate ia : E nofo le Eteleno mo koe, tagata loto makeke mo toa !

Tuifakamaau 8:33

I le oki o le mate o Seteone, na kamata loa e fanau a Iselaele le toe faiaga kia Paale, ti na lotou too loa Paale-Peliti ko lolatou atua.

Uluaki tosi a Samuele 18:12

Na i Saulo kia Tavite ; talie na nofo le Eteleno mo Tavite, ti kua mavae a ia meiate ia.

Uluaki tosi a Samuele 18:14

Na manuia a ia i ana nea fuli na fai, ti na nofo le Eteleno mo ia.

Uluaki tosi a Samuele 18:5

Na ano loa Tavite ki potu fuli ala na kakau a ia ki ai e Saulo, ti na manuia a ia ; na fakanofo loa a ia e Saulo ke pule ki lana kau tau, ti na malie a ia ki mata o le kakai katoa mo tagata fakasausau a Saulo.