Lua tosi o Koloniko 16:7 - Tosi Tapu

⁷ I le temi lena, na ano loa Anani, le polofeta kia Asa, sau o Suta, o pati kiate ia : O tupu na ke fanaki ki le sau o Silia, kae na leaise ke fanaki ki le Eteleno, lou Atua, koia kua sola ai le solia a le sau o Silia mei ou lima.

Lua tosi o Koloniko 16:7 ပူးပေါင်းရင်းမြစ်များ

Uluaki tosi o Sau 15:19

Ke i ai se sai iate koe mo au, ofaipe le sai leia na fai e loku tamana mo lou tamana. Ko leinei, e kau avatu loa kiate koe se nea alofa ko le aulo mo le paaga. Ano, ti ke motusi lau sai mo Paesa, sau o Iselaele, o tupu ke fakamamao atu a ia iate au.

Uluaki tosi o Sau 16:1

Na tuku loa le folafola a le Eteleno kia Seu, vosa o Anani, o tupu ko Paesa, o pati :

Uluaki tosi o Sau 16:7

Na tuku e le Eteleno lana folafola ki le polofeta ko Seu, vosa o Anani, o uiga mo Paesa mo lona fale, o tupu ko le veli fuli leia na fai e ia i mua o mata o le Eteleno, i lana fakatupu le sausau o le Eteleno ki gaoi o ona lima, ti mo lana liliu o tatau mo le fale o Selopoamo ; ti o tupu ko lana tamate le fale o Selopoamo.

Lua tosi o Sau 18:5

Na tuku loa e Esekiasi lana fanaki ki le Eteleno, le Atua o Iselaele ; ti na leaise maua loa se sau na toe tatau mo ia i sau fuli o Suta i ona mua mo ona muli.

Uluaki tosi o Koloniko 5:20

Na tokoi loa le Atua kia latou, ti na lotou malo loa i le kau Akale mo latou ala na kau mo le kau Akale. Talie i le lolotoga o le tau, na lotou tagi ki le Atua ti na tali loa le Atua kia latou talie na lotou fanaki kiate ia.

Lua tosi o Koloniko 13:18

Na gaegae loa a fanau a Iselaele i le temi lena, kae na malo loa a fanau a Suta, talie na lotou fanaki ki le Eteleno, le Atua o olatou tamana.

Lua tosi o Koloniko 14:11

Na taai loa e le Eteleno le kau Etiopia i mua o Asa mo Suta, ti na sosola loa le kau Etiopia.

Lua tosi o Koloniko 16:6

Ti na ano loa le sau ko Asa mo Suta katoa, o fetuku le laakau mo le fatu, ala na fakaaoga e Paesa ki le laga o Lama, ke laga ai a Kepa mo Misipa.

Lua tosi o Koloniko 19:2

Ti na ano loa Seu, vosa o Anani, le polofeta, o fakafetaulaki kiate ia. Ti na pati loa a ia ki le sau ko Sosafate : Pe totonu kiate koe ke ke tokoi ki le tagata agaveli ? Pe ke alofa kia latou ala e vesia ki le Eteleno ? Koia kua ita ai le Eteleno kiate koe.

Lua tosi o Koloniko 20:32

Na saele loa a ia i le ala o lona tamana ko Asa, ti na leaise toe maliu kese loa a ia mei ai, o fai le nea leia e totonu i mua o le Eteleno.

Lua tosi o Koloniko 20:34

Ko le toe o gaoi a Sosafate, a uluaki mo fakaoki, kua tosi le nea lena i le tosi a Seu, vosa o Anani, leia kua fakaulu ki tosi fakamatala ki sau o Iselaele.

Lua tosi o Koloniko 24:24

Na lavaki fua le solia a le kau Silia ; kae logo ai lolatou lavaki, na tuku loa e le Eteleno ki olatou lima se solia toka api ai, o tupu na lotou tiaki le Eteleno, le Atua o olatou tamana. Ti na fakasoko loa e le kau Silia le fakamaaui a le Atua kia Soasi.

Esaia 31:1

Malaia kia latou ala e ifo ki Esipito o afa se tokoi i ai, Latou ala e fanaki ki ni osi, Ti e tui ki le lasi o saliote mo le makeke o le kau solia ekeosi, Kae e leaise lotou tio ki le Sagato o Iselaele, Ti e leaise lotou afa le Eteleno !

Esaia 32:2

E lotou fai loa pe se mumuniaga i le matagi, Pe se solaaga i le afa, Pe ni tafe i se fenua malo, Pe le malu o se utu lasi i se kele fia inu.

Esaia 39:3

Ti na ano loa le polofeta ko Esaia ki le sau ko Esekiasi, o pati kiate ia : Koa masau a tagata ana ? Na lotou au meifea ? Ti na tali loa Esekiasi : Na lotou au kiate au mei se fenua mamao, mei Papilone.