Lua tosi o Koloniko 16:4 - Tosi Tapu

⁴ Na tali loa Pene-Atate le kole a le sau ko Asa ; na kakau loa e ia a pule o lana solia ke ano o taui a kolo o Iselaele, ti na lotou taai loa Isone, mo Tane, mo Apele-Maime, ti mo kolo fuli ala na tanaki ai a koloa o Nefetali.

Lua tosi o Koloniko 16:4 ပူးပေါင်းရင်းမြစ်များ

Senesi 14:14

I le maua e Apalamo o le logo kua ave popula lona taina, na tufa loa e ia ni masafu ki tino lelau e tolu mo le tino agafulu tupu valu o ana tagata fakasausau loto toa, ala na tupu i lona fale, ti na kapu loa e ia a sau o kaku ki Tane.

Uluaki tosi o Sau 15:20

Na logo loa Penatate ki le sau ko Asa ; ti na kakau loa e ia a pule o lana solia o taui a kolo o Iselaele, ti na maua loa e ia Isone, mo Tane, mo Apele-Pete-Maaka, mo Kineloti katoa, ti mo le fenua katoa o Nefetali.

Uluaki tosi o Sau 9:19

mo kolo fuli ala na tanaki ai ona koloa ti na fakalogo kiate ia, mo kolo ki saliote, mo kolo ki ana kau tagata ekeosi, mo nea fuli na loto Salomone ke fau i Selusalemi, mo Lipane, ti mo fenua katoa o lona puleaga.

Lua tosi o Sau 16:9

Na tali loa a ia e le sau o Asilia ; ti na pale ake loa a ia, o taui Tamaso o maua, ti na ave popula loa e ia le kakai mei ai ki Kile, ti na tamate loa e ia Letisini.

Lua tosi o Koloniko 16:3

Na pati feneeki loa a ia : Ke i ai se sai iate au mo koe, ofaipe le sai i loku tamana mo lou tamana. Ko leinei e fakamomoli atu kiate koe se siliva mo se aulo. Ano o motusi le sai leia na ke fai mo Paesa, sau o Iselaele, o tupu ke fakamamao a ia meiate au.

Lua tosi o Koloniko 16:5

I le logo loa a Paesa ki le nea lena, na tuku loa e ia le toe laga o Lama ti na taofi loa e ia ana gaoi.

Lua tosi o Koloniko 17:12

Na malaga loa Sosafate o lasi ai. Na laga loa e ia i Suta ni kolo tau ti mo ni kolo ke tanaki ai a koloa.

Lua tosi o Koloniko 8:6

mo Paalati, mo kolo fuli ala na tanaki ai ona koloa, mo kolo ala na tanaki ai ana saliote tau, mo kolo ala na fakanonofo ai ana kau osi, ti mo nea fuli ala na loto a Salomone ke fakatuu i Selusalemi, mo Lipane, ti mo le fenua katoa o lona puleaga.

Ekesote 1:11

Ti na fakanofo loa ni pule gaoi, o tupu ke lotou fakamamae latou ki ni kavega mamafa. Koia na fakatuu ai loa a kolo o Pitomi mo Lamisese, ke tanaki ai a koloa o Falaone.

Esaia 9:1

Ko le kakai leia na saele i le fakapouli Kua tio ki se malama lasi ; Ko latou ala na nonofo i le fenua o le ata o le mate, Kua mu kia latou se malama.

Uluaki tosi kia Timoteo 6:10

Talie ko le manumanu paaga ko se aka a ia o veli fuli ; ti ko ni iki, i lalatou maua le nea lena, kua lotou sese o mamao mei le tui, ti kua vivilo latou totonu ki ni mamae lasi.

Lua tosi a Petelo 2:15

Kua lotou tiaki le ala totonu, ti kua lotou sese ; kua lotou muli i le ala o Palaame, ko le vosa o Peole, leia na manako ki le totogi o le agaveli,

Tuifakamaau 20:1

Ko fanau fuli o Iselaele, mei Tane o kaku ki Pele-Sepaki ti mo le fenua o Kalaate, na fakatasi loa i se loto e tasi i mua o le Eteleno, i Misipa.