Lua tosi o Koloniko 15:9 - Tosi Tapu

⁹ Na fakatasii loa e Asa a Suta katoa mo Pesamino, ti mo latou o Efalaimi, mo Manase, ti mo Simeone ala na nonofo mo latou, talie na au se kakai toka api o Iselaele kiate ia, i lalatou tio kua nofo mo ia le Eteleno, lona Atua.

Lua tosi o Koloniko 15:9 ပူးပေါင်းရင်းမြစ်များ

Senesi 26:28

Ti na lotou tali loa kiate ia : E motou tio e nofo le Eteleno mo koe. Koia e motou pati ai : Ke tou fai se fakapapau i lou vasaa mo matou, ti ke tou fakamaoki fuli ki ai.

Senesi 39:3

Na tio loa lona pule na nofo le Eteleno mo ia, ti na fakamanuia loa e le Eteleno a nea fuli i ona lima.

Uluaki tosi o Sau 12:19

Na fenaaki loa le mavae a Iselaele mei le fale o Tavite, o kaku mai ki le aso nei.

Uluaki tosi o Sau 3:28

Na logo loa Iselaele katoa ki le fakamaau leia na fai e le sau. Ti na lotou i loa ki le sau, talie na lotou tio kua nofo le poto o le Atua iate ia, o taki a ia i ana fakamaau.

Uluaki tosi o Koloniko 12:19

Na au loa ni tagata o Manase kia Tavite, i lana ano mo le kau Filisitini o fai le tau kia Saulo. Kae na leaise tali loa a ia e le kau Filisitini ; talie, i le oki o lalatou fono, na kakau loa e pule o le kau Filisitini a Tavite, o pati : E kau loa a ia mo lona pule ko Saulo kia tatou.

Lua tosi o Koloniko 11:16

Ko latou ala o faasiga fuli o Iselaele na afa ia le Eteleno, le Atua o Iselaele, na muli loa i le kau Levi ki Selusalemi ke lotou momoli ai ni sakilifisio ki le Eteleno, le Atua o olatou tamana.

Lua tosi o Koloniko 15:10

Na lotou fakatasi mai loa ki Selusalemi i le tolu o masina o le kau agafulu tupu lima fetuu o le sau o Asa.

Lua tosi o Koloniko 19:4

Na nofo loa Sosafate i Selusalemi. Ti na toe fai loa e ia se fakatele ki le kakai, mei Pele-Sepa o kaku ki Efalaimi, ti na toe aumai loa e ia latou ki le Eteleno, le Atua o olatou tamana.

Lua tosi o Koloniko 30:25

Ti na fiafia loa le fakatasiga katoa o Suta, mo le kau tagata faisakilifisio, mo le kau Levi, mo le kakai katoa leia na au mei Iselaele, mo le kau matapule leia na au mei le fenua o Iselaele pe na nonofo i Suta.

Esekiele 37:16

Ti ko koe, vosa o le tagata, too se potu laakau, ti ke tosi i ai : Kia Suta mo fanau a Iselaele ala e kau mo ia. Too se tasi potu laakau, ti ke tosi i ai : Kia Sosefo, ko le laa o Efalaimi, mo le fale katoa o Iselaele leia e kau mo ia.

Gaoi 9:31

Na maua e le Ekelesia se tokamalie i Sutea katoa, mo Kalilea, mo Samalia, ti na laga ake latou ofaipe se fale, ti na lotou saele i le i ki le Aliki mo le gaoi a le Laumalie Maokioki, ti na tupu ake a ia o lasi.

Uluaki tosi a Samuele 18:28

Na sa malie loa kia Saulo ti na matala loa kiate ia kua nofo le Eteleno mo Tavite ; ti na alofa loa kia Tavite lona taine ko Mikale.